Uthukela News Times Plus

Uthukela News Times Plus "Izindaba zasoThukela zinjengoba zinjalo." To report news and business: 068 746 7288

i-ANC isiqalile ukwenza odoor to door. Namhlanje iseHammarsdale iholwa usihlalo wayo kaZwelonke uGwede Mantashe.
06/06/2026

i-ANC isiqalile ukwenza odoor to door. Namhlanje iseHammarsdale iholwa usihlalo wayo kaZwelonke uGwede Mantashe.

KUHLEHLISWE ISABELO-MALI E-NDUMENI NGEMVA KWEZINGXOXO ZAMAKHANSELAUmkhandlu waseNdumeni usuhlele kabusha umhlangano obum...
06/06/2026

KUHLEHLISWE ISABELO-MALI E-NDUMENI NGEMVA KWEZINGXOXO ZAMAKHANSELA

Umkhandlu waseNdumeni usuhlele kabusha umhlangano obumayelana nesabelomali esingu-R500 million, kanti kuzophinde kuhlalwe emuva kwezinsuku eziyisikhombisa ukuze kubhekisiswe kabanzi lolu daba.

Amaqembu aphikisayo, i-ANC kanye ne-DA, athe awasamukeli lesi sabelomali njengoba ebona ukuthi asichazi kahle ukuthi izimali zizokwabiwa futhi zisetshenziswe kanjani. La maqembu athe kudingeka kubuyekezwe ngokucophelela izinhlelo zokusetshenziswa kwemali ukuze kuqinisekiswe intuthuko yomphakathi.

USotswebhu we-ANC kuMkhandlu, uKhansela Sphamandla Kheswa, uthe njengamakhansela e-ANC bafuna ukunika umphathi kamasipala ithuba lokuthi achaze kahle izinhlelo zakhe, njengoba esanda kufika esikhundleni. Uthe abafuni ukubonakala sengathi baphikisana ngaphandle kwesizathu, kodwa bafuna ukubeka phambili intuthuko yabantu.

USihlalo wekomidi le-IFP, uKhansela Xolane Msezane, naye uthe bayasisekela isinqumo sokuhlehlisa umhlangano ukuze kunikwe ubuholi ithuba lokucacisa yonke imibuzo ephakanyisiwe ngamakhansela.

Lo mhlangano omusha kulindeleke ukuthi ulethe ukucaciseleka okukhulu mayelana nokuthi le mali izosetshenziswa kanjani ukuze kuhlomule izakhamizi zaseNdumeni.

UMBEKEZELI ‘TLB’ MBOKAZI UQOKELWE EQEMBENI LE-MLS ALL-STAR XI LANGO-2026Umdlali weqembu lesizwe laseNingizimu Afrika, uM...
06/06/2026

UMBEKEZELI ‘TLB’ MBOKAZI UQOKELWE EQEMBENI LE-MLS ALL-STAR XI LANGO-2026

Umdlali weqembu lesizwe laseNingizimu Afrika, uMbekezeli “TLB” Mbokazi, uqokelwe eqenjini le-MLS All-Star XI lango-2026, okuyimpumelelo enkulu emsebenzini wakhe webhola.

Lo mdlali uzohlanganyela nezihlabani zomhlaba ezifana noLionel Messi wase-Argentina noSon Heung-min waseSouth Korea emdlalweni omkhulu wama-All Stars. Lokhu kuza ngemuva kwezinyanga ezimbalwa kuphela selokhu ejoyine iqembu laseChicago Fire esuka ku-Orlando Pirates.

Okuvelele kakhulu ukuthi uMbokazi uthole amavoti amaningi kunabo bonke abadlali abakhethwe kuleli qembu, wadlula ngisho nesihlabani somhlaba uLionel Messi.

Umdlalo we-MLS All-Star ka-2026 uzodlalwa mhla zingama-29 kuNtulikazi eBank of America Stadium eCharlotte, eNorth Carolina, lapho iqembu le-MLS All-Stars lizobhekana khona neqembu leLiga MX All-Stars.

Lo mdlali oneminyaka engu-20 ubudala usengene emlandweni ngokuba ngumdlali wokuqala waseNingizimu Afrika ukuqala umdlalo we-MLS All-Star Game. Uphinde wajoyina uDkt Khumalo njengomdlali wesibili waseNingizimu Afrika ukukhethwa kuleli qembu emlandweni weMLS.

Ukukhula kwakhe ngokushesha kusukela esuka ku-Orlando Pirates waya kwiChicago Fire sekumenze waba ngomunye wabadlali abasebancane abenza kahle kakhulu ebholeni laseMelika, kwakhuphula nethemba lokuthi usazofinyelela kwamanye amazinga aphezulu emhlabeni webhola.

URAMAPHOSA UTHI ININGIZIMU AFRIKA IZO THUMELA IZITHUNYWA EMAZWENI EHLUKENE UKUYOXOXA NGENKINGA YABOKUFIKAUMengameli wase...
06/06/2026

URAMAPHOSA UTHI ININGIZIMU AFRIKA IZO THUMELA IZITHUNYWA EMAZWENI EHLUKENE UKUYOXOXA NGENKINGA YABOKUFIKA

UMengameli waseNingizimu Afrika, uCyril Ramaphosa, umemezele ukuthi uhulumeni uzothumela izithunywa emazweni ahlukene ase-Afrika nakwezinye izingxenye zomhlaba ukuze zichaze izinhlelo ezibekiwe zokubhekana nenkinga yabokufika.

URamaphosa wenze lesi simemezelo ngesikhathi ekhuluma nabezindaba ePitoli ngemuva komhlangano wakhe noMengameli waseKenya, uWilliam Ruto. Uthe udaba lokufuduka kwabantu luyinkinga enkulu edinga ukubambisana kwamazwe amaningi hhayi iNingizimu Afrika kuphela.

Lokhu kulandela ukwanda kwemibhikisho ezweni lonke ephikisana nabantu bokufika abangenazo izincwadi ezisemthethweni.

URamaphosa uthe uyakwamukela ukuzimisela kukaMengameli waseGhana, uJohn Dramani Mahama, osephakamise ukuthi amazwe ase-Afrika asebenzisane neNingizimu Afrika ekutholeni izixazululo. Uthe lokhu yikho okugqugquzele uhulumeni ukuthi uthumele izithunywa ukuze zichaze izinhlelo ezizokwethulwa, egcizelela ukuthi udaba lokufuduka kwabantu luyinselelo ethinta izwekazi lonke futhi ludinga izixazululo ezihlanganyelwe.

LITHOLAKALE EKRANSKOP IPHOYISA EBELIBIKWE UKUTHI LIDUKILE ETHEKWINIUtholakele uWarrant Officer Rubika Rambarran, obebikw...
06/06/2026

LITHOLAKALE EKRANSKOP IPHOYISA EBELIBIKWE UKUTHI LIDUKILE ETHEKWINI

Utholakele uWarrant Officer Rubika Rambarran, obebikwe njengolahlekile ngemuva kokuba umbiko wakhe usatshalaliswe yiReaction Unit South Africa (RUSA).

URambarran, osebenza eDurban Central SAPS, utholakale esemotweni emhlophe yohlobo lweToyota RunX emgwaqeni u-R74 eKranskop, KwaZulu-Natal. Kubikwa ukuthi ulwazi oluholele ekutholakaleni kwakhe lwatholakala ngemuva kokusabalala kombiko wokulahleka kwakhe.

Umfowabo, ofike ngokushesha endaweni lapho kutholakale khona imoto, uthe uthole udadewabo ephazamisekile engqondweni ngaphakathi emotweni ebibonakala ukuthi ibandakanyeke engozini. Kuphinde kwavela ukuthi isibhamu sakhe somsebenzi kanye nezinye izinhlamvu okusolwa ukuthi ubeziphethe azisatholakali.

Kubikwa nokuthi bekukhona umuntu obehlezi esihlalweni sangaphambili semoto, kanti umonakalo obonakala efasiteleni langaphambili uphakamisa imibuzo ngokwenzekile ngaphambi kokutholakala kwakhe.

Umndeni kaRubika Rambarran usola ukuthi kungenzeka wayedunwa (hijacking), nakuba amaphoyisa esaqhuba uphenyo ukuze kutholakale imbangela yangempela yalesi sigameko.

Siyabingelela kuBazali Dr Joseph Shabalala Secondary Nasi isimemezelo sabazali base Dr Joseph Shabalala Secondary ngolwe...
06/06/2026

Siyabingelela kuBazali

Dr Joseph Shabalala Secondary

Nasi isimemezelo sabazali base Dr Joseph Shabalala Secondary ngolwesibili ngomhlaka .

Date:09 June 2026
Time:15H00
Venue: Dr Joseph Shabalala Secondary

Bonke abazali abanezingane eskoleni bayacelwa ukuthi bahlangane khona kunesimo esiphuthumayo uThishoMkhulu owaxoshwa ngisimo sokudla imali yesikole uyabuya eskoleni , Department iyabuyasa ,siyaxusa bonke abazali bafike ngobuningi babo eskoleni.

Ozithobayo
SGB Members.

Indlule nemiphefumulo yabantu abayisithupha kwalimala kanzima abane engozini eyenzeke kuR542 phakathi kwe Van Dyks Drift...
05/06/2026

Indlule nemiphefumulo yabantu abayisithupha kwalimala kanzima abane engozini eyenzeke kuR542 phakathi kwe Van Dyks Drift nase Blinkpan ngase Middelburg eMpumalanga.

INKANTOLO IKHIPHE INCWADI YOKUBOSHWA KUKANGIZWE MCHUNUKuvele ukuthi inkantolo isikhiphe incwadi yokuboshwa (warrant of a...
05/06/2026

INKANTOLO IKHIPHE INCWADI YOKUBOSHWA KUKANGIZWE MCHUNU

Kuvele ukuthi inkantolo isikhiphe incwadi yokuboshwa (warrant of arrest) kaNgizwe Mchunu ngemuva kokutholakala ukuthi udelele isinqumo senkantolo odabeni olumphikise noJulius Malema.

Ngokolwazi olukhona, inkantolo igwebe uMchunu izinsuku eziyishumi ejele. Nokho, lesi sigwebo simisiwe ngaphansi kwemibandela ethile. Kuthiwa ukuze agweme ukuboshwa nokuthi incwadi yokumbopha ihoxiswe, kumele akhiphe uxoliso emphakathini ezinkundleni zakhe zokuxhumana.
Kuphinde kwathiwa lolo xoliso kumele luhlale ezinkundleni zakhe zokuxhumana isikhathi esiyizinyanga eziyisithupha, bese ubufakazi bokuxolisa budluliselwa enkantolo. Ngaphezu kwalokho, kuthiwa kumele aqophe ividiyo yokuxolisa ezoshicilelwa ku-akhawunti kaKing Zoso kuTikTok.

Inkantolo iphinde yayalela ukuthi uMchunu akhokhe izindleko zomthetho zabameli bakaJulius Malema ezihlobene nalolu daba.
Le miyalelo iyingxenye yesinqumo senkantolo esihlose ukuqinisekisa ukuthi imiyalo yayo iyahlonishwa futhi iyalandelwa.

UGCINE EBOSHIWE UMDAYISI WEZIMOTO OXHUNYANISWA NENKOHLAKALO YASESIBHEDLELA SASETHEMBISAEMalahleni – Uphiko Olukhethekile...
05/06/2026

UGCINE EBOSHIWE UMDAYISI WEZIMOTO OXHUNYANISWA NENKOHLAKALO YASESIBHEDLELA SASETHEMBISA

EMalahleni – Uphiko Olukhethekile Oluphenya Inkohlakalo (SIU), lusizwa ngamaHawks kanye neSAPS, lubophe umdayisi wezimoto zikanokotho uYusuf Omar ngemuva kokuthi kusolwa ukuthi wenqabe ukubambisana nezikhulu ebezizothatha imoto yohlobo lweBentley Continental GT exhunyaniswa necala lokuphanga imali engaphezu kuka-R2 billion eSibhedlela saseTembisa.

Kuthiwa le Bentley, ebiza cishe izigidi ezintathu zamaRandi, yathengwa ngemali okusolwa ukuthi yebiwe emnyangweni wezempilo. Uphenyo luveza ukuthi imoto yashintsha izandla izikhathi eziningi ngenhloso yokufihla umsuka wayo ngaphambi kokuba igcine isesitolo sika-Omar.

Nakuba inkantolo yayikhiphe imiyalelo yokuthi imoto igcinwe futhi ingadayiswa, kusolwa ukuthi u-Omar nebhizinisi lakhe abazange balandele le miyalelo. Lokhu kuholele ekutheni i-SIU ifune usizo lwenkantolo ukuze ithathe imoto.

U-Omar uzophinde avele phambi kweNkantolo Ekhethekile mhla zintathu kuNtulikazi 2026 ukuze achaze ukuthi kungani engafanele atholakale enecala lokwedelela inkantolo. Okwamanje, yena nebhizinisi lakhe banqatshelwe ukuphazamisa uphenyo noma ukuthinta le moto.

Lolu phenyo luyingxenye yophenyo olubanzi mayelana nezinsolo zenkohlakalo eMnyangweni Wezempilo waseGauteng naseSibhedlela saseTembisa, lapho ubufakazi obutholakele sebudluliselwe kwabashushisi ukuze kubhekwe amacala obugebengu angase avulwe.

IMAYIBUYE INIKELELE IMINDENI EYAPHESHUKELWA YIZINDLU EZAKHENIIqembu lezepolitiki iMayibuye livakashele imizi emibili esi...
05/06/2026

IMAYIBUYE INIKELELE IMINDENI EYAPHESHUKELWA YIZINDLU EZAKHENI

Iqembu lezepolitiki iMayibuye livakashele imizi emibili esigcemeni sakwa-E, eZakheni kuWard 6, lapho linikele khona ngosizo lokudla emindenini esanda kupheshukelwa yizindlu.

Lolu hambo beluholwa ngumholi weMayibuye kuWard 6, uMxolisi Cebekhulu, ehambisana nePhini likaMengameli lesibili leqembu kuzwelonke, uNomsa KaMashobane Sibisi. Bahambele imindeni yakwaMlotshwa kanye neyakwaKhumalo, lapho banikele khona ngamaphasela okudla ngenhloso yokulekelela labo abalinyalelwe yizindlu zabo.

UNompumelelo Mlotshwa, ongomunye wabahlomulile kulolu sizo, uthole igrosa evela kule nhlangano ngesikhathi ivakashele umuzi wakhe eZakheni kwa-E. Kuthiwa lolu sizo lufike ngesikhathi esifanele njengoba le mindeni isabhekene nobunzima bokwakha kabusha impilo yayo ngemuva kwale nhlekelele.

UNomsa KaMashobane Sibisi uthe iMayibuye izoqhubeka nokweseka imiphakathi ebhekene nezinkinga futhi ilethe usizo lapho kudingeka khona, njengoba inhloso yeqembu kuwukuba seduze nabantu ngezikhathi ezinzima.

Imindeni yakwaMlotshwa neyakwaKhumalo ibonge kakhulu ngosizo olutholile, yancoma iqembu leMayibuye ngokuzinikela kwalo ekusizeni umphakathi.

Ngaleso sikhathi, iqembu limemezele ukuthi lizobamba umhlangano wokukhetha ubuholi besifunda sase-uThukela eKeate Street Primary School eMnambithi. Kulindeleke ukuthi kukhethwe ubuholi obusha obuzohola iqembu esifundeni.

Address

13 OBC Building
Ladysmith
3370

Telephone

+27738577713

Website

Alerts

Be the first to know and let us send you an email when Uthukela News Times Plus posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Uthukela News Times Plus:

Shortcuts

Share