28/02/2024
Punët në bletishte gjatë muajit MARS
(Për kushtet klimatike të cilat mbretrojnë në Kosovë dhe viset të cilat kan kushtet klimatike të ngjajshme)
Temperaturat në muajin mars fillojnë të ngriten dhe shoqëritë e bletëve hyjnë në fazën e zhvillimit më të hovshëm, andaj zgjojet tregojnë të gjitha mangësitë dhe kualitetet e veta. Zgjojet e dobëta me vështirësi e marrin vehten, kurse ato mbi mesatare zhvillohen me hov. Mëmat e bletëve hyjnë në fazën e pjellshmërisë së shtuar, ndërsa natyra çdo ditë e më tepër krijon kushte dhe kullosa më të mira, e që janë shumë të rëndësishme për zhvillimin e shoqërisë së bletës. Gjatë këtij muaji çelin lule të ndryshme të cilat bletëve u ofrojnë nektar dhe pjalm e kjo vëreht sidomos tek pemët e ndryshme.
Në praktikën bletare këto kullosa të muajit mars konsiderohen si kullosa esenciale për zhvillimin e zgjoit, prandaj edhe duhet që t`i kushtohet rëndësi e veçantë punëve të ndryshme dhe kujdes të shtuar koshereve të bletëve, sepse çdo punë që nuk e kryejmë gjatë këtij muaji, vështirë është të kompenzohet gjatë ditëve në vijim.
Sipas nevojës, bletëve u heqet apo u shtohet materiali izolues – ngrohës.
Kryhet një kontrollë detale pranverore e shoqërive të bletëve .
Kontrolli i zgjojeve të kryhet kur temperaturat të jenë mbi 15 °C.
1. Kontrollohen zgjojet se a i kanë mëmat;
2. Kontrollohen zgjojet për sasinë dhe gjendjen e larvave;
3. Kontrollohen zgjojet për rezervat e mjaltit dhe pjalmit;
4. Kontrollohet eventualisht për simptomat e nozemozës;
5. Pastrohet dyshemeja nëse e njejta nuk është pastruar më heret.
Ndërmarrja e masave për bashkimin e zgjojeve të dobëta.
1. Shoqëritë e dobëta i bashkoni me ato mestatare apo mbi mesatare.
2. Mos i bashkoni shoqëritë e dobëta me ato shumë të forta.
3. Mos i bashkoni dy shoqëri bletësh të dobëta.
4. Gjatë bashkimit të dy shoqërive (nëse dy shoqërit i kan mëmat) e heqni njëren mëmë të bletëve dhe i`a jepni asaj shoqërie që nuk ka mëmë apo shoqërive që i kanë mëmat e vjetra.
5. Shoqëritë pa mëma i bashkoni me shoqëri mesatare të bletëve ( nëse nuk keni mëma rezervë).
Të bëhet zavendësimi i hojeve të vjetra
1. Zëvendësimi i hojeve të vjetra të kryhet në rastin e parë pasi të ketë kushte të përshtatshme klimatike dhe kullosë të pasur.
2. Për zëvendësimin e hojeve të vjetra me të reja duhet të kemi kullosë të pasur dhe shoqëri të forta të bletëve.
3. Përherë shtoni 1 – 2 korniza me petë dyelli, e jo më tepër.
4. Korrnizat e reja i shtoni anash afër larvave, kursesi mos i ndani larvat me korniza të reja. (kornizat me larva gjatë kësajë kohe, gjithmonë duhet të jenë njëra pranë tjetrës).
5. Nëse kullosa nuk është e fortë dhe bletët nuk sjellin mjaft nektar, preferohet që atë shoqëri ta ushqeni me sherbet sheqeri në raport 1 : 1 ,(sheqer në raport me ujin).
Më shtimin e kornizave më petë të reja dylli nxisim shoqerinë të shtojë pjellën e njëherit në një masë të caktuar e pengojmë roitjen natyrale.
Të instalohet furnizimi me ujë të pastër në bletishte.
Të intensifikohet ushqimi stimulativ me ushqim të lëngët (sherbet sheqeri).
Ushqeni shoqëritë për çdo mbrëmje me nga 250 –300 mililitra sherbet në raport 1kg. sheqer me 1 litër ujë (Kur temperaturat gjatë natës jan mbi 10 gradë).
Duhet të kontrollohet ventilimi brenda kosherës që të jetë i mjaftueshëm. etj.
Efekti i njejtë arrihet edhe nësë çdo të tretën ditë i ushqejmë me nga 600-700 mililitra sherbet.
Huazuar nga Nehru Salihu
