04/05/2025
Hawajui
Dickson Masanja ✍️
KUHUSU DAKIKA ZA NYONGEZA
Kila baada ya kipindi kimoja cha mchezo kumalizika huongezwa dakika ili kufidia muda ambao mpira haukuchezwa kwa sababu mbalimbali. Tuelewane hapa, haziongezwi dakika za ziada badala yake zinaongezwa dakika za kufidia zile ambazo mpira haukuchezwa.
Mwamuzi akiona dakia nne [4] ndio zilipotea ataongeza dakika hizo ili kufidia zile zilizopotea na mpira haukuchezwa.
Kuna kitu tuweke sawa hapa, wakati mwamuzi anasimamisha saa yake kutokana na matukio yanayosababisha mpira usichezwe, zile dakika za kwenye TV zenyewe zinaendea kuhesabu k**a kawaida!
NI MATUKIO GANI YANAPELEKEA MCHEZO KUSIMAMA?
• Mabadiliko ya wachezaji [substitutions]
• Mchezaji kuumia na kutibiwa/kupatiwa huduma ya kwanza uwanjani
• Vurugu baina ya wachezaji uwanjani wakati mchezo unaendelea
• Mapumziko madogo ya wachezaji kunywa maji [drinks breaks/cooling breaks
• VAR checks/reviews
• Kushangilia goli/magoli
Kwenye mchezo wa jana kuna baadhi ya matukio ambayo yanaweza kukushawishi kukubaliana kwamba kuna muda mwingi ulipotea
• Kadi nyekundu kwa golikipa wa Mashujaa FC Patrick Munthary ilileta mzozo na ikachukua muda kidogo golikipa huyo kutoka.
• Zoezi la kufanya mabadiliko ya kumtoa mchezaji wa ndani kwenda kuchukua nafasi ya Munthary kuna muda hapo wa maandalizi.
• Kabla ya Munthary kuoneshwa kadi nyekundu kuna muda alimwita mwamuzi akamuonesha ishara anahitaji msaada wa madaktari, mwamuzi akaruhusu madaktari waingie uwanjani kumhudumia.
• Golikipa aliyechukua nafasi ya Munthary pia kuna muda alilala akavuliwa hadi gloves na badae kusaidiwa tena kuzivaa.
Kwa hiyo mjumuisho wa matukio ambayo yana shawishi kuona muda mwingi uliopotea wakati wa mchezo wa Simba V/s Mashujaa.
Mwisho wa yote anaetunza muda ni mwamuzi ndio maana sisi huku nje hatuwezi kuhukumu moja kwa moja kwakuwa hakuna mtu alikuwa anasimamisha saa kila inapotokea mchezo umesimama.
NB: Dakika za nyongeza haziwezi kupungua zile zilizoongezwa [lazima zichezwe zote] lakini zinaweza kuongezeka ikiwa kutatokea matukio yatakayosababisha mchezo kusinama.
Toa maoni yako
