19/10/2026
ငပိနဲ့ပတ်သတ်တဲ့ ဗဟုသုတလေးပါ၊ ဟိုးအရင်တုန်းက ဝင်းသန်းငပိရဲ့ page မှာဝေမျှခဲ့တာလေးတွေကို ပြန်လည်မျှဝေပေးတာပါခင်မျ ..
ငပိနဲ့မကင်းနိုင်တဲ့ မြန်မာတို့အတွက် ဝင်းသန်းငပိ၊ ဘိုကံအသင့်စားငပိတွေကို ချင်းမိုင်မြို့မှာလဲ ဝယ်လို့ရပါတယ်နော်၊ ဒီ page ရဲ့ messenger ကနေ စာပို့ပြီး စုံစမ်းလို့ရပါတယ်ခင်မျ၊ လက်လီ/လက္ကားစျေးနှုန်းများလဲရှိပါတယ်၊ မြန်မာပြည်စက်ရုံတိုက်ရိုက်ရပါမယ်ခင်မျ။
https://www.facebook.com/share/p/1FSu61NDQY/
Facebook Friends တို့ကို မျှဝေပေးချင်တဲ့ ဗဟုသုတလေးကတော့ ငါးပိ အမျိုးအစားများအကြောင်းပဲဖြစ်ပါတယ်..
ကျွန်တော်တို့ နေ့စဉ်စားသုံးနေတဲ့ အစားအစာဖြစ်တဲ့..
❓ ငါးပိ အမျိုးအစားတွေက ဘာတွေလဲ
❓ ငါးပိ ဘယ်နှစ်မျိုး ရှိသလဲ
❓ ငါးပိကို ဘယ်ဒေသတွေမှာ ထုတ်လုပ်သလဲ
❓ ငါးပိကို ဘယ်လိုထုတ်လုပ်သလဲ
❓ ငါးပိကောင်းတွေရဲ့ လက္ခဏာက ဘာတွေလဲ
❓ ....... စသည် စသည်... တို့ကို ဝေမျှပေးချင်ပါတယ်..
စာရှည်ရင် ဖတ်ရတာ ပျင်းမှာစိုးတဲ့အတွက် သိသမျှ၊လေ့လာမိသမျှကို အကျဥ်းချုံးပဲမျှဝေပေးပါ့မယ်နော် ..
🍛 ငါးပိ အမျိုးအစားများ 🍛
-----------------------------------------------------------------
မြန်မာတို့နေ့စဉ်စားသုံးနေသော ငါးပိကို အကြမ်းအားဖြင့်အမျိုးအစားခွဲကြည့်ရင် ပုစွန်ငါးပိ နှင့် ငါးငါးပိ ဟု ၂မျိုးသာ ရှိပါတယ်။ ပုစွန်ဖြင့်လုပ်လျှင် ပုစွန်ငါးပိ၊ ငါးဖြင့်ပြုလုပ်လျှင် ငါးငါးပိဖြစ်ပါတယ်။
ပုစွန်ငါးပိကို ရေငန်အရပ်များဖြစ်သော ပင်လယ်ဖြစ်ချောင်းအင်းအိုင်းများမှ ဖမ်းဆီးရရှိသော ပုစွန်အမျိုးမျိုးမှ ထုတ်ယူရရှိပါတယ်။
ပုစွန်ငါးပိနှင့် ငါးငါးပိကို ဒေသအခေါ်အားဖြင့်လည်းကောင်း၊ လုပ်ငန်းဝေါဟာရအားဖြင့်လည်းကောင်း၊ စားသုံးမှုသဘောအားဖြင့်လည်းကောင်း - စိမ်းစားငါးပိ၊ မျှင်ငါးပိ၊ ဓမင်းငါးပိ၊ ရေကျိုငါးပိ ဟု အမျိုးအစားများ ခွဲထားပါတယ်။
🦐 စိမ်းစားငါးပိ🦐
----------------------
ယခင်တုန်းကတော့ စိမ်းစားငါးပိ စစ်စစ်ကို မြိတ်၊ထားဝယ်နယ်များမှသာလျှင် အများအပြားထွက်ပီး စီပွားဖြစ်ရောင်းချကြပါတယ်။ မြစ်ဝကျွန်းပေါ်ဒေသများက အနည်းငယ်သာ ထုတ်လုပ်ကြပါတယ်။ ဒီနေ့အချိန်မှာတော့ ပြောင်းပြန်ဖြစ်သွားပါပြီ။ မြိတ်၊ထားဝယ်ဘက်ကထွက်တဲ့ စိမ်းစားငပိက အရည်အသွေးအကောင်းဆုံးဖြစ်ပေမယ့် စျေးနှုန်းများတာနဲ့ ငပိတောင်သူ(ငပိထုတ်လုပ်သူ) နဲပါးလာတာတို့ကြောင့် စျေးကွက်ကျယ်ပြန့်မှုနဲပါးလာပါတယ်။ တဖက်မှာတော့ မြစ်ဝကျွန်းပေါ် (ဧရာဝတီတိုင်း) ပင်လယ်ဝဒေသများမှ တန်ဖိုးနဲပြီး အရည်အသွေးသင့်တင့်တဲ့ စျေးကွက်ဝင် မျှင်ငပိများကို အများအပြားထုတ်လုပ်လာကြပါတယ်။ မြိတ်၊ထားဝယ်ဘက်မှ ထွက်သောငပိစိမ်းစားကို မြိတ်ငပိဟုခေါ်ပြီး ဧရာဝတီတိုင်းမှထွက်သောငပိကို မျှင်ငပိ(ပုစွန်ငပိ)ဟု ခေါ်ပါတယ်။
စိမ်းစားငါးပိ သည် ရေငံပုစွန်ဆိတ် အကောင်သေးကလေးများဖြင့် ပြုလုပ်ခြင်းဖြစ်သည်။ ထိုပုစွန်ဆိတ်ကလေးများသည် ပင်လယ်ရေထရက်များတွင် အသိုက်အဝန်းဖွဲ့ကာ ရေမျက်နှာပြင်ပေါ်တွင် တဆွဆွခုန်ကူးပြေးလွှားနေခိုက် ကန်တော့အိတ်ပုံစံပိုက်ဖြင့် လိုက်လံထိုးယူရခြင်း ဖြစ်ပြီး ငါးဖမ်းသမားများက ဂွေးထိုးသည်ဟုခေါ်ပါတယ်။ ထိုပုစွန်ဆိတ်ကလေးများကို ဂွေး ဟု မြန်မာပြည်အောက်ပိုင်း(မြိတ်၊ထားဝယ်)မှ ရေလုပ်သားများခေါ်ဝေါ်လေ့ရှိကြပါတယ်။ ဧရာဝတီတိုင်းမှ ရေလုပ်သားများကတော့ မျှင် ဟုခေါ်ပါတယ်။
ဖမ်းယူရရှိထားသော ပုစွန်ဆိတ်ကလေးများကို ဆားပက် နေလှန်းပြီးနောက် အတော်အတန် သွေ့ခြောက်လာသည့်အခါ လက်ဆုံတွင်ထည့်ပီး ထောင်းလေသည်။ ဆားနှင့်ငါးပိ သမသည့်အခါ မြေအိုး မြေခွက်များတွင်ထည့်လျက် တလ နှစ်လကြာသည်အထိ သိပ်ထားရပါတယ်။
စိမ်းစားငါးပိဟု ခေါ်ခြင်းမှာ ထိုငါးပိကို ဖုတ်၊ကင်၊ကြော်လှော်ခြင်းမပြုပဲ စားသုံးနိုင်သောကြောင့်ဖြစ်ပါတယ်။
** စာရှည်သွားပြီမလို့ နောက်တခါမှ ဆက်ရေးပါဦးမယ်ခင်မျ။
