12/11/2025
မချစ်တော့တာ မဟုတ်ဘူးနော်...
ချစ်နေရင်းကနေ ပင်ပန်းလာတဲ့ ဒဏ်ကို ခံစားဖူးတဲ့သူပဲ သိလိမ့်မယ်ထင်ပါတယ် ။ လူတစ်ယောက်ကို အရမ်းချစ်ပြီးသွားလို့ အဲ့ဒီလူက ဂရုမစိုက်ပဲ ပစ်ထားပါများရင် စိတ်ကော လူကော ပင်ပန်းသွားရတတ်တာလေ ။
ကျွန်တော်လဲ အခု အဲ့လိုပါပဲ မချစ်တော့တာ မဟုတ်ပဲ ချစ်ရင်းက တဖြေးဖြေး ပင်ပန်းလာတာ ။ စိတ်ပူနေလဲ နေချင်သလိုပဲ နေတာပဲလေ ရှိတယ်လို့တောင် သဘောမှမထားပဲလေ ပူနေရတဲ့ကိုယ်က အရူးပေါ့ ။
လွမ်းနေလို့လဲ လွမ်းနေတာပဲ ရှိတာပဲလေ... လူချင်းမတွေ့နိုင်တဲ့ အကွာအဝေးတွေမှာ ဖုန်းပြောဖို့တောင် ခက်ခဲနေမှတော့ ကိုယ်လွမ်းနေလဲ ကိုယ်ပင်ပန်းရုံပါပဲ အိပ်ပျော်သွားတဲ့ညတွေရယ် မအားတဲ့ ရက်တွေကြားမှာ တဖြေးဖြေးတော့ နေသားကျသွားမှာပါ ။
ကိုယ်ပေးလိုက်တဲ့ စေတနာတွေအတွက် အသွားအပြန်တွေ မမျှော်လင့်ပေမယ့် ကိုယ်ထားခဲ့တဲ့ ချစ်ခြင်းမေတ္တာတွေအတွက်တော့ အသွားအပြန်တွေဟာ လိုအပ်တယ် ကိုယ်ပေးသလောက်မဟုတ်တောင် နည်းနည်းလေးတော့ မျှော်လင့်မိတာပါပဲ ။
ဒါပေမယ့်... ကိုယ်မျှော်လင့်မိတဲ့သူက မှားနေတယ်ထင်တယ် ရောင်ပြန်လာတဲ့အရိပ်အယောင်လေးတောင် ရေးရေးလေးတောင် မမြင်ရ မတွေ့ရခဲ့ဘူး အလေးထားသလောက် ပစ်ထားတယ် ချစ်ပြခဲ့သလောက် တန်ဖိုးမဲ့သွားတယ် လွမ်းနေသလောက် တဖြေးဖြေး ဝေးရတယ် ။
မင်းကို မချစ်တော့တာ မဟုတ်ဘူး ချစ်နေရင်းကနေ ပင်ပန်းလာတယ် ။ ကိုယ်ပေးတဲ့အချစ်တွေက အနှောင့်အယှက်သက်သက်လားဆိုတဲ့ အတွေးတွေ ဝင်ဝင်လာတာ ။ကုန်ကုန်ပြောရရင် ကိုယ်က တစ်ဖက်သတ်ကြီး တွယ်ကပ်နေရတဲ့ ဆက်ဆံရေးကို မုန်းလာမိတာ ။
ဒါပါပဲ။
