16/05/2025
Guuleyso mudane farmaajo
Hambalyo dhammaan dhallinyarada Soomaaliyeed, munaasabadda 82 guurada aasaaska Ururkii Gobannimodoonka SYL. Dhaqdhaqaaqii SYL wuxuu u halgamay sidii Soomaaliya looga xorayn lahaa gumeystihii, looguna dhisi lahaa qaran mideysan oo dimoqraadi ah, taas oo ay ku guuleysteen, iyada oo aragtidoodii waddaniyadeed iyo nafhurnimadoodu ay horseed u noqotay waa-cusub oo u baryey gobannimada, nolosha iyo rajada shacabka Soomaaliyeed.
Maanta, dhallinyarada Soomaaliyeed waa in ay la yimaaddaan isla firfircoonidii, go’aankii waddaniyadeed iyo halgankii ay muujin jireen SYL. Iyaga ayaa ah mustaqbalka dalka oo hoggaamin kara dib-u-dhiska, nabadda iyo horumarka Soomaaliya, waxaana muhiim ah in codkooda la maqlo xilligan ay doorashadii dalku ka harsan tahay muddo hal sano ah, si ay u hubiyaan in geeddi-socodka siyaasadeed ee dalku uu noqdo mid loo dhan yahay oo caddaalad ah.
Waa inaan wadajir u xaqiijinno in dalkeenna colaadaha sokeeye ka soo kabanaya aysan ka hirgalayn talo-maroorsi, go'aanno hal dhinac ah iyo in dalka laga hirgeliyo nidaam hal xisbi ah, waxayna isku dayadaasi halis gelinayaan nabad galyada dalka, rajada shacabka iyo himilada qaran-dhiska.
