02/10/2026
لکی مروت : گورنمنٹ پرائمری سکول نمبر 4 تجوڑی کی جانب سے ایک قابلِ تحسین فلاحی اقدام کے تحت غریب، مستحق اور نادار خاندانوں میں کپڑے تقسیم کیے گئے۔ اس موقع پر سکول انتظامیہ اور اساتذہ نے معاشرے کے کمزور اور ضرورت مند افراد کی مدد کی اہمیت پر زور دیا۔
کپڑوں کی تقسیم کا مقصد مستحق افراد کی ضروریات پوری کرنا اور ان کے چہروں پر خوشی بکھیرنا تھا۔ مستحق خاندانوں نے اس اقدام کو سراہتے ہوئے سکول انتظامیہ کا شکریہ ادا کیا۔ شرکاء کا کہنا تھا کہ ایسے فلاحی اقدامات معاشرتی بھائی چارے، ہمدردی اور باہمی تعاون کو فروغ دیتے ہیں۔
سکول انتظامیہ نے اس عزم کا اظہار کیا کہ آئندہ بھی تعلیم کے ساتھ ساتھ سماجی خدمت اور رفاہی سرگرمیوں میں اپنا کردار ادا کرتی رہے گی تاکہ ضرورت مند افراد کی زیادہ سے زیادہ مدد کی جا سکے۔