26/02/2024
سنڌ حڪومت ۾ سکر مان چونڊيل نمائندن کي اهم وزارتون ملڻ ڪا نئين ڳالھ ناهي. اڳ سيد خورشيد احمد شاھ. ناصر شاهه، اويس شاهه اهم وزارتن سان گڏ سنڌ حڪومت جو اهم حصو رهيا آهن. هن ڀيري پ پ قيادت سيد اويس قادر شاھ کي اسپيڪر سنڌ اسيمبلي نامزد ڪيو آهي. سيد ناصر شاهه کي به اهم وزارت پڪ سان ملندي. جيڪڏهن پ پ وفاق ۾ وزارتون وٺي ٿي ته سيد خورشيد شاهه کي اهم وزارت جو قلمدان سنڀاليندو. ميئر سکر ميونسپل ڪارپوريشن تي ڄڻ پ پ قيادت شيخ خاندان کي هميشه لاءِ لکي ڏئي ڇڏي آهي. پر افسوس شهر بنيادي مسئلن جي ور چڙهيل آهي. اميد آهي ته هن ڀيري شهرين جا بنيادي مسئلا پيئڻ جي صاف پاڻي، ڊرينيج نظام ۽ روڊن رستن جي بهتري لاءِ پ پ سکر جي قيادت سنجيدا قدم کڻندي.
