PB Fely Escobar

15/02/2026

15/02/2026

Makahuluganon ug espesyal nga selebrasyon sa Valentine’s Day karong February 14, 2026 pinaagi sa pagpahigayon sa Barangay Peacekeeping Action Team (BPAT's) Training/Seminar, nga kaakuhan sa tanan.
Kini nga kalihokan gipangunahan sa atong OIC MPS-Sulop, PCPT Ronald Ditan, kauban ang iyang team gikan sa MPS-Sulop. Daghang kahibalo ug kasinatian ang nadugang sa atong mga barangay tanod aron mas mapalig-on ang kaluwasan ug kalinaw sa atong komunidad.
Nahiusa kini pinaagi sa hugot nga suporta ni PB Felicidad C. Escobar uban sa tanang opisyales sa barangay. Ug dili lang kini kutob dinhi—aduna pay umaabot nga mga seminar ug training alang sa atong barangay functionaries aron padayon nga mapalig-on ang serbisyo sa katawhan.
Daghang Salamat sa tanang nagtinabangay para sa kalinaw ug kaluwasan sa atong barangay! 💙

12/02/2026

HUNGER-FREE LEARNERS PROGRAM LAUNCH

Karon, Pebrero 12, 2026, opisyal nga gilunsad ang Hunger-Free Learners Program didto sa Waterfall Elementary School, Brgy. Waterfall, Sulop, Davao del Sur.

Kini usa ka mahinungdanong programa sa LGU-Sulop, nga gipanguluhan sa atong Municipal Mayor, Atty. Jose Jimmy S. Sagarino, uban ang bug-os nga suporta sa atong SB Members nga gipanguluhan sa atong Vice Mayor, Atty. Willie S. Villegas, kauban ang Management Team sa LGU-Sulop.

Nagpasalamat usab kita sa atong mga Barangay Officials nga gipanguluhan ni PB Felicidad C. Escobar, sa aktibong PTA sa Waterfall Elementary School, ug sa atong kugihan nga mga magtutudlo nga gipanguluhan sa School Principal nga si Ma’am Menalyn Pacana, uban usab sa atong HRH-NDP In-Charge, Ms. Guillen D. Preglo, RN, sa iyang dedikado nga suporta sa maong programa.

Ang maong programa nagtumong nga masiguro nga ang atong mga estudyante makakat-on nga walay gutom, mas himsog ang panglawas, ug mas andam sa pag-abot sa ilang mga damgo.

Magpadayon kita sa panaghiusa ug pagtinabangay alang sa kaayohan sa atong kabataan ug sa kalamboan sa atong lungsod. 💚

24/01/2026

January 24, 2026

Purok Consultative Meeting
Purok 4

Daghang salamat sa tanang katawhan sa Purok 4 sa inyong aktibong pagtambong ug pakigbahin sa nahimong miting. Dako kaayo ang among pasalamat sa inyong oras ug kooperasyon aron mahimong malinawon ug malampuson ang maong panagtigom.

12/01/2026

January 11, 2026

Purok 7 Evaluation ug Consultative Meeting

Daghang salamat sa inyong pagtubag sa pagpatawag sa meeting sa atong Purok 7. Dako kaayong among pagpasalamat sa atong kagawad sa purok, Kag. Junel Antopina, inubanan sa iyang Purok Leader Maricel Navarro, kauban ang mga opisyales sa purok.

Daghang salamat sa inyong oras, kooperasyon, ug suporta para sa kaayohan sa atong komunidad.

12/01/2026

‼️PALISTA NA SA BARANGAY‼️

PAHIBALO SA TANANG TAGA BARANGAY WATERFALL

Gipahibalo sa tanan nga adunay pagabuhaton nga Barangay Overseas Family Circle Organization (OFC) sa atong barangay.

📅 Petsa: Enero 30, 2026
📍 Lugar: Brgy. Evacuation Center, , Barangay Waterfall
⏰ Oras: Alas 2:00 sa hapon

Ang tanang adunay pamilya nga active OFW ug mga former OFW gina-awhag nga moanhi sa Barangay aron magpalista ug motambong sa maong kalihokan. Palihog lang palista sa Barangay.

Mga Pwede Maka-attend:
1. OFW – Active

Kung wala ang OFW, pwede mopuli ug motambong ang bisan kinsa sa mosunod:

A. Asawa/Bana (legal)
B. Ginikanan (dili apil ang in-laws)
C. Mga Anak (18 anyos pataas)
D. Live-in partner (kung kapin sa 5 ka tuig na nga nag-ipon)
E. Igsuon (kung walay asawa/bana, walay anak, ug walay ginikanan)
F. Guardian sa mga anak (kung walay asawa/bana ug ginikanan, ug ang mga anak ubos pa sa 18 anyos)

2. OFW – Former

Ang former OFW mismo ang pwede ug kinahanglan motambong sa maong aktibidad.

Daghang salamat ug gina-dahom ang inyong kooperasyon.

10/01/2026

Jan. 10, 2026

Purok Evaluation & Consultative Meeting | Purok 5

Daghang salamat sa aktibong pagtambong sa mga katawhan sa Purok 5. Sobra sa katunga sa mga household ang mitambong sa maong pagpatawag nga gipangunahan ni Kagawad Hon. Rene C. Arador, kauban ang Purok Leader Eugenio Oso ug uban pang mga opisyales. Padayon sa panaghiusa ug pakiglambigit alang sa kaayohan sa atong komunidad.

05/01/2026

January 5, 2026

Sugaton nato ang Bag-ong Tuig 2026 nga managhiusa pinaagi sa atong serbisyo.

Unang Aktibidad sa 2026:

Flag Raising
Kasaulugan
Moral Development Program
Monthly Meeting

Padayon ta sa pag-alagad, pagtinabangay, ug pagpalig-on sa atong panaghiusa alang sa mas malinawon ug malampusong tuig.

30/12/2025

Sa tanang katawhan sa Barangay Waterfall, uban sa akong mga kauban sa barangay ug sa atong mga barangay officials, malipayon ug panalanginan nga Bag-ong Tuig kanatong tanan. Hinaot nga ang 2026 magdala og kalinaw, panaghiusa, maayong panglawas, ug kauswagan sa matag pamilya. Padayon ta sa pagtinabangay alang sa mas lig-on ug malinawong barangay. Happy New Year ug Welcome 2026!

Felicidad C. Escobar