26/02/2026
Ano ang mangyayari sa April 2026?
Messenger.com ay isasara: Kung mahilig kang mag-chat sa computer gamit ang mismong website ng Messenger, hindi mo na ito magagamit simula sa April 15, 2026.
Redirect sa Facebook.com: Kapag sinubukan mong i-access ang messenger.com, awtomatiko kang dadalhin sa facebook.com/messages. Ibig sabihin, doon ka na magcha-chat sa loob mismo ng Facebook website.
Wala nang Desktop App: Kasama rin sa pagbabagong ito ang tuluyang pag-alis sa mga standalone Messenger app para sa Windows at Mac (na sinimulan na nilang itigil noong nakaraang taon).
Messenger Mobile App: Ang app sa iyong Android o iPhone ay mananatili at gagana pa rin nang normal. Walang kailangang burahin o palitan sa cellphone mo.
Hindi mawawala ang mga messages, photos, o videos mo. Malilipat lang ang "pintuan" kung saan mo sila tinitingnan kapag gamit ang computer.
Ayon sa Meta, gusto nilang i-streamline o pag-isahin ang kanilang serbisyo para mas madaling i-maintain at hindi na kailangang mag-alaga ng maraming magkakahiwalay na platforms.
