16/05/2025
Sakto na! Hilom na! ug stop na sa tanang kasaba sa social media sa mga reel, TikTok, ug posts nga puno sa pagpang-insulto ug yaga-yaga batok kang Gov. Gwen Garcia. Dili tungod kay kita walay tingog, apan tungod kay kabalo ta sa kamatuoran: nga sa iyang pagpangalagad, daghan ang iyang natabangan.
Ang iyang gugma sa katawhan dili lang kutob sa mga pasalig kundili gipamatuoran sa mga buhat. Gibati kini sa mga BHW, sa mga BNS, sa mga daycare workers, sa mga tanod, sa mga BAHA ug Lupon, ug labi na sa mga kabatan-onan nga gihatagan og bag-ong school supplies, ug sa mga ginikanan nga nakapahimulos sa iyang mga programa.
Sa tanang mga proyekto ug pasalig gikan sa imprastruktura, health services, mga pasilidad sa edukasyon, tabang sa mga sektor sa barangay, ug suporta sa katawhan sa matag isla ug lungsod dili nato ikalimod nga aduna siyay tinuod nga kasingkasing sa pag-alagad.
Siya ang nahimong inahan sa Sugbo. Ug isip mga anak, sakit paminawon kung ang usa ka inahan hilabihang dauton, yawyawan, ug ipakaulawan. Dili man siya perpekto sama nimo o nato apan ang iyang sakripisyo ug serbisyo alang sa Sugbo dili nato kalimtan.
Ang respeto, dili man kinahanglan nga muuyon ka sa tanan niyang buhat. Pero isip katawhan nga nakasinati sa iyang pagpangalagad, angay nato siya dunggon, pasalamatan, ug tagaan og hustisya ang iyang paningkamot.
Hinumdumi: dili ta magpabilin nga batan-on. Moabot ang panahon nga kita usab mahimong ginikanan, lider, ug pananglitan sa uban. Hinaut nga sa atong katigulang, adunay mokupot sa atong kamot ug moingon, “Salamat sa imong paningkamot.”
Mao kana ang tinuod nga pagtan-aw sa kaayohan. Mao kana ang gugma nga walay baylo. Mao kana ang tinuod nga pamalandong sa lider nga nangalagad, dili lang kay gi-elect siya, apan kay nahimong ilawom sa kalayo sa serbisyo.
Instead mag yaga2x ta, Dili usab nato Kalimantan sa pagpasalamat sa iyang dakong nahimo kanatong Sugbuanon. Daghang Salamat Governor Gwen Garcia. Mabuhi ka, mabuhi one Cebu, mabuhi ta sugbuanon.
Kung tinud-anay kang Sugbuanon please spread love and share.
