Cafe’s Poem

03/11/2021

ဒီဂရုထဲမှာ PDFထဲဝင်ချင်တယ်ဆိုပြီး
ပိုစ့်တင်တဲ့လူကတင်တယ်။ ပြီးတော့
ကျနော် ကျမ လည်း ဝင်ချင်ပါတယ်ဆိုပြီး
ဒုနဲ့ဒေး ဝင်မန့်နေကြတာလည်းတွေ့ရတယ်
ဒါကြောင့် စစ်ခွေးတွေရဲ့ထောင်ချောက်ထဲမရောက်ရအောင် သတိပေးပါရစေ။ အခုဆိုရင်အရေးခင်း
ကာလက ၈လကျော်နေပြီ။ သက်ဆိုင်ရာမြို့နယ်PDF
တွေကလည်း သူနေရာဒေသနဲ့အတူ အသားကျနေပြီ။
ပြည်သူတွေကိုလည်း သူတို့မြို့နယ် အလိုက်
PDFဖွဲ့စည်းထားကြောင်းကို ကြေငြာထားပါတယ်။
သူတို့မြို့နယ်အမည်နဲ့pageတွေထောင်ထားပါတယ်။
တကယ်PDFထဲဝင်ချင်ရင် ဆန္ဒရှိရင် သူတို့ယုံကြည်နိုင်လောက်တဲ့အထောက်ထားနဲ့ သူတို့သတ်မှတ်ထားတဲ့အချက်လက်တွေကိုဖော်ပေးနိုင်ရင် လက်ခံကောင်းလက်ခံလိပ်မယ်လို့တော့ထင်တယ်။ (အာမတော့မခံဘူ)
လုံခြုံရေးက ပိုအရေးကြီးလို့လေ။ ဆိုတော့
အနည်းဆုံးတော့ အခုအကြံပြုခဲ့သလို
သက်ဆိုင်ရာကိုယ့်မြို့နယ်က PDF pageကိုရှာပါ
ဥပမာ လည်းကူးဆိုရင်( Hlegu Defence Force)
ဆိုပြီးရိုက်ရှာပါ။
လိုင်းပေါ်မှာတော့ ပိုစ့်တင်ပြီးမမေးနဲ့ PDFထဲမရောက်ပဲ စစ်ခွေးတွေထောင်ချောက်ထဲရောက်သွားလိပ်မယ်။
ဒီကိစ္စက လူသိရှင်ကြားစုံစမ်းရတာမျိုးမဟုတ်ဖူး။
တိတ်တိတ်လေးစုံစမ်းပါ။ တိတ်တိတ်လေးလှုပ်ရှားပါ။
အသံကြောင့်ဖားသေမဖြစ်စေနဲ့။
အကယ်၍ PDFအဖွဲ့နဲ့
ပြောဆိုရသော်လည်း လုံခြုံရေးအရ သူတို့လက်မခံရင်လည်း နားလည်ပေးလိုက်ပါ။ တကယ်တော့ လက်နက်ရှိမှ PDFဖြစ်တာမဟုတ်ဖူး။ မိမိရဲ့စိတ်ဆန္ဒက
ဒီမတရားမှုကိုလက်မခံရင်ကို ခင်ဗျာဟာ
PDFတစ်ယောက်ဖြစ်ပါတယ်။
ဒါကြောင့် ငါ့မှာ ဘာလက်နက်မှမရှိဘူးဆိုပြီး
မိမိကိုယ်ကိုအသုံးမဝင်ဘူးလို့မထင်လိုက်ပါနဲ့
လှုနိုင်ရင် လှုတဲ့နေရာကပါဝင်ပါ။
ကိုယ့်မြို့နယ်ရဲ့ ဒလန်တွေကိုစုံစမ်းပြီးလိုင်းပေါ်တင်ပေးပေါ့။ စစ်ခွေးတွေရှိတဲ့နေရာ စစ်ခွေးအင်အား
ခန့်မှန်းချေ တင်ပြပေါ့။
စသည်ဖြစ် ကိုယ်လုပ်နိုင်တဲ့အပိုင်းကနေလုပ်နေတာဟာလည်း တော်လှန်ရေးအတွက် အင်အားဖြစ်ပါတယ်။ အသုံးမဝင်ဘူးဆိုတာမရှိဘူး။ Ok?
ဒါကြောင့် လိုင်းပေါ်မှာ မမေးကြပါနဲ့ အန္တာရယ်များလို့
သတိပေးတာပါ။ အခု ကျနော်နားလည်သလောက်အကြံပြုချင်းဟာ ဘေးကင်းပြီး တော်လှန်ရေးအတွက်ခင်ဗျာလည်းအရေးပါတယ်ဆိုတာကို အကြုံပြုလိုက်ပါတယ်။ အရေးတော်ပုံ မုချ အောင်ရမည်။

27/02/2021

လိုင်းပေါ်မှာ ''မလွန်နဲ့ မလွန်စေနဲ့''ဆိုပြီး အော်ကြမယ့်အစား တကယ့်အကြမ်းဖက်မှုတွေဖြစ်လာရင် အလေ့အကျင့်ရှိဖို့ ဒီလိုအပိုင်းတွေဖတ်ထားသင့်နေပြီ။

"ပြည်သူတွေဘက်က လေ့ကျင့်ထားဖို့လိုလာပြီဖြစ်တဲ့ စိတ်ပုံစံတစ်ခု။''

Armed forces နဲ့ Civilians နဲ့ မှာ အကြီးမားဆုံး စိတ်ပိုင်းဆိုင်ရာ training ကွာခြားချက်ကဘာလဲဆိုတော့ Threat Response ပဲ။
Civilian တစ်ယောက်က threat တစ်ခုကြုံပြီဆိုရင် အဲဒီကနေ ဝေးရာကို ဆုတ်ခွာဖို့ ထွက်ပြေးဖို့ ကြိုးစားတယ်။
Military training ရှိထားသူတစ်ယောက်ကတော့ threat တစ်ခုရှိပြီဆိုရင် အဲဒီ threat ရှိရာဆီကို ဦးတည်ပြီး ချဉ်းကပ်ဖို့ကြိုးစားတယ်။
ပြီးရင် Threat Assessment လုပ်မယ်။ ပြီးရင် Threat Elimination လုပ်ဖို့ကြိုးစားမယ်။
ဒါသည် တစ်ယောက်တည်းရဲ့ အသိစိတ်မှာဖြစ်နေတာမဟုတ်၊
သူရဲ့ဘေးနားက ရဲဘော်ဆီမှာလည်း အဲဒီအတိုင်းတွေးမယ်ဆိုတာကို တူညီတဲ့ training/ knowledge အရ သိထားတယ်၊ ယုံကြည်တယ်။
ဒါကြောင့်ရှေ့တိုးရဲတယ်။
လက်နက်ရှိလို့တိုးရဲတာမဟုတ်ဘူး။
လက်နက်မရှိလည်း threat assessment လုပ်ရဲအောင် train ထားတယ်။ လက်နက်သည် threat elimination လုပ်တဲ့အခါမှာသုံးတာ။

Civilian မှာကျတော့ စိတ်ကို ဒီလိုဖြစ်အောင် train ထားတာမရှိဘူး။
တစ်ယောက်တစ်လေမှာရှိနေရင်လည်းအဲဒါက အသုံးမဝင်ပြန်ဘူး။
ဘေးနားက ပြည်သူအားလုံးမှာအတူတူ ရှိနေရင်တော့ အလုပ်ဖြစ်မယ်။

ရဲတစ်စုတွေ့တယ်ဟုတ်။
ကိုယ့်ရပ်ကွက်ကလူတွေကိုလာဆွဲတယ်ဟုတ်။
အဲဒါ Threat ပဲ။
ဘာလုပ်ရမလဲ။
စိတ်အာရုံကို အဲဒီ threat ကိုတည်ထား။
ပြီးရင် Threat Assessment လုပ်မယ်။
ဘယ်နှယောက်လောက်ဝိုင်းထားလဲ။ Assault rifles (or) Sniper guns ပါသလား။
ပြည်သူဘက်က Live လွှင့်နေတဲ့ အင်အားများသလား။
သူတို့ကို ဦးဆောင်နေတဲ့ အရာရှိက ဘယ်တစ်ယောက်လဲ။
ပြည်သူကဝိုင်းထားတဲ့ အင်အားဘယ်လောက်ရှိသလဲ။
ပြည်သူကိုပြန်ဝိုင်းဖို့ သူတို့မှာ backup လာနေပြီလား။
အချိန်က ည ၈ နာရီနဲ့ ဝေးသလား၊ ကပ်နေသလား။

အဲဒီအတွင်းမှာ backup မလာခင် Threat Elimination လုပ်ဖို့ဝိုင်းစဉ်းစားရမယ်။ ပြည်သူမှာက လက်နက်မရှိတဲ့ အတွက် ဒီ threat ကို eliminate လုပ်ဖို့ဆိုရင် ၂ ခုလုပ်ရမယ်။

(1) တစ်အချက်အနေနဲ့ ပြည်သူအင်အားကြီးသထက်ကြီးအောင် ပြေးစုပြီး သူတို့ကိုဝိုင်းရမယ်။ ကိုယ့်ကိုပြန်ဝိုင်းရင် သူတို့ကို နောက်ထပ်အပြင်ကနေ ပြည်သူတွေကထပ်ဝိုင်းရမယ်။ အဲဒီဖြစ်တဲ့နေရာနဲ့ ကပ်ရက်မှာရှိတဲ့ ရပ်ကွက်/ မြို့နယ်အတွင်း လူရော၊ အိမ်စီးကားတွေရော အဆင့်ဆင့်သုံးပြီးပြန်ဝိုင်းတဲ့ လမ်းပိတ်ဆို့တဲ့နည်းနဲ့ သူတို့ရဲ့ စိတ်ပိုင်းဆိုင်ရာကို attack လုပ်ရမယ်။ "တခြား လိုအပ်တဲ့ ပိတ်ဆို့မှုတွေလည်း ပြုလုပ်ထားနိုင်ပါတယ်။ Barricades ဆိုတာ ရဲတွေ ကပဲ ချထားဖို့ မဟုတ်ဘူး. အောက်က ပုံက ဟောင်ကောင် နဲ့ Newyork က ပုံတွေပါ [တခြား ပို့စ်ပိုင်ရှင်တစ်ဦးဆီက ယူလာပြီး ဖြည့်စွက်ထားတာပါ]"


(2) နှစ်အချက် အနေနဲ့ သူတို့ထဲက ဦးဆောင်သူကို decision ပြောင်းသွားအောင် ဝိုင်းလုပ်ကြရမယ်။ ဒါကတော့ ရုန်းရင်းဆန်ခတ်မဖြစ်ခင် သူတို့ဘက်က backup မလာခင် လုပ်နိုင်ရင် ပိုအလုပ်ဖြစ်မယ်။ ဥပမာ - အဲဒီဦးဆောင်သူကို နာမည်နှင့်တကွ အော်ဟစ်ပြီး တစ်လမ်းလုံးဝိုင်းပြီး social punishment အသွင်တစ်မျိုးမျိုးနဲ့ လုပ်တာပဲဖြစ်ဖြစ်ပေါ့။ ဒါကြောင့် သူတို့ရောက်လာပြီဆိုတာနဲ့ ဦးဆောင်သူ တာဝန်ရှိသူ က ဘယ်သူဖြစ်တယ်ဆိုတာနာမည်နဲ့ တကွမေးမြန်းထားနိုင်ရင် အရမ်းအသုံးဝင်လိမ့်မယ်။ အခြားသော အကြမ်းမဖက်နည်းတွေကို ရပ်ကွက်ထဲ အချင်းချင်းတိုင်ပင်ပြီး စဉ်းစားမိရင် ပြင်ဆင်ထားရင်တော့ အတိုင်းအတာတစ်ခုအထိ ကိုယ့်ရပ်ကွက်ကို protection ပေးနိုင်မယ်လို့ ထင်ပါတယ်။ ( ဥပမာအနေနဲ့ - ဟိုးတလောက ဟာသပြောကြသလို အညစ်အကြေးတွေကို လက်နက်အဖြစ်သုံးလို့ ရ/ မရ စဉ်းစားကြည့်တာမျိုးလည်းဖြစ်နိုင်တာပေါ့။)

ရုန်းရင်းဆန်ခတ်မဖြစ်သေးသရွေ့တော့ အနားကပ်မခံဘဲ အဝေးကနေ အသံချဲ့စက်နဲ့ပဲ သူတို့ရောက်လာတဲ့ ရည်ရွယ်ချက်ကို သိအောင်၊ လက်မခံရင် မခံကြောင်း စသဖြင့် လှမ်းပြောပြီး ညှိရမယ်။ သူတို့ backup မရသေးခင်မှာ သူတို့ရဲ့ ပြန်ထွက်ပေါက်ကို ပိတ်ဆို့ထားလိုက်ပြီဖြစ်ကြောင်း။ လမ်းထဲကနေ လူစုခွဲပြီး ပြန်ထွက်ပေးဖို့အကြောင်း ခပ်မြန်မြန် tempo တင်ပြီး psychologically attack လုပ်ရမယ်။

လူအင်အား အဆမတန်ကွာအောင် ဝန်းရံနိုင်ရင် people & vehicle blocks တွေ ရှိနေရင် သူတို့တွေ လုပ်ရကိုင်ရခက်မယ်။ အချိန်တွေကုန်မယ်။ ကိုယ့်ပြည်သူတွေက အနာဂတ်အလုခံရထားတာဖြစ်လို့ အချိန်ကုန်လည်း ဘာမှထပ်ဆုံးရှုံးစရာမရှိဘူး။ အနည်းဆုံးတော့ သူတို့ကို စိတ်ရောလူပါ ပင်ပန်းအောင်၊ resources တွေကုန်အောင် ဝိုင်းဖြုန်းပေးရမယ်။

သူတို့ဘက်က တကယ်ပစ်ပြီဆိုရင်တော့ ပြေးပါ။ သို့သော် သေနတ်နဲ့ တည့်တည့်ချိန်ပစ်တဲ့ ပုံစံမရွယ်ရသေးပဲ ထွက်မပြေးရဘူး။ မိုးပေါ်ထောင်ပစ်တာမြင်ရုံ သေနတ်သံကြားရုံ နဲ့ ကျီးလန့်စာစားပြေးတဲ့လူအုပ်ကြီးမျိုးမဟုတ်ဘဲ သူတို့ကို ရဲရဲကြည့်ပြီး eye contact ထိန်းထားနိုင်တဲ့ လူအုပ်ကြီးမျိုးဖြစ်ဖို့လိုတယ်။ အဲလောက်မှ ကျွန်တော်တို့ဘက်က မလုပ်နိုင်ရင် သူတို့က ဘယ်ဖြုံမှာလဲ။ ဒီ civilian တွေ အလကားအချဉ်ပါကွာလို့ တွက်ထားတာတွေ မှန်ကြောင်းပြသလိုဖြစ်နေမှာပေါ့။

အရင်နေ့က ကျောက်မြောင်းမှာ ပစ်ခတ်တာတွေမလုပ်ခင်မှာ သူတို့ဘက်က နှစ်ယောက်က လူအုပ်ထဲလာပြီး ဆွေးနွေးတော့မလိုလို လမ်းကြောရှင်းသလိုလိုဘာလိုလိုနဲ့ အဖမ်းအဆီးရုတ်တရက် ထလုပ်လို့ လူတွေပြာသွားတဲ့အချိန်မှာ တစ်နေရာထဲမှာ eye contact မရှိတော့တဲ့အချိန်မှာ သေနတ်တွေဆက်တိုက်ပစ်ဖောက်တယ်။ အဲဒီတော့ ဘယ်နားက ပစ်တယ် ဘယ်ကိုပစ်တယ်ဆိုတဲ့ threat source ကိုမသိတော့ဘဲ ကြောက်လန့်တကြားလူစုကွဲပြီးပြေးအောင် လုပ်လိုက်တယ်။ အဲဒါ သူတို့ဘက်ကနေ ကိုယ်တွေဘက်ကို threat elimination လုပ်တာခံလိုက်ရတာ။ ဒါကြောင့် threat တစ်ခုရှိပြီဆိုရင် အဲဒီ threat ဆီကို ဦးတည်ပြီးမသုံးသပ်ဘဲ ဝေးရာကိုပြေးတဲ့ဘက်က အမြဲတမ်း တစ်ပမ်းရှုံးရတယ်။ ဒါကြောင့် threat တစ်ခုပေါ်လာတိုင်း လူထုတစ်ရပ်လုံးက အဲဒီ threat ရှိရာကို ဦးတည်ပြီး သူတို့ကို ပြန်ဝိုင်းထားနိုင်ဖို့ ပြည်သူတွေဘက်က စိတ်ကိုလေ့ကျင့်ထားဖို့ လိုအပ်လာပါပြီ။

စောစောကပြောခဲ့သလိုပဲ civilian အတွက်တော့ ဒါသည် common knowledge မဟုတ်သေးတဲ့အတွက် အားလုံးအတူတူသဘောပေါက်ထားရအောင် များများဖြန့်ဝေပြီး အပြန်အလှန် educate လုပ်ထားပေးကြပါ။

Credit မလိုပါဘူး။ ထပ်ဆင့် ကူးယူခွင့်ပြုပါတယ်။

Threat Response = Assessment + Elimination နော်။

ဒို့ပြည်သူတွေ ညီရဲ့လားဟေ့။
ညီတယ်ဆိုရင် Threat Response ကို ညီညီလုပ်ကြပါစို့။
Crd.

26/02/2021

Thanks 🙏

08/02/2021

☢Sniper နဲ့ ထောင်သား အရော ဗျူဟာ။

❌ပထမစည်းကိုလုံးဝမကျော်ပါနဲ့ ❌

✅နက်ဖြန် မှာ ထောင်သားတွေကို ဆန္ဒပြလူအုပ်ထဲ ထည့်ထားဖို့များပါတယ်။
✅ဘာလို့လည်းဆိုတော့ အကြမ်းဖက်ပုံစံလုပ်ပြပြီး Sniper သမားနဲ့ လက်နက်ကိုင်တွေက ဝိုင်းပြစ်လို့ရအောင်ပါ။
✅ဘာလို့ပြစ်လို့ရအောင် လုပ်တာလည်း?။
✅ဆန္ဒပြတာကို ခြိမ်းခြောက်နိုင်ဖို့ပါ။
✅ဒါမှ လူတွေဟာ သေနတ်ပြစ်ပြတဲ့အခါ တစ်ယောက် နှစ်ယောက်ထိတာနဲ့ အကုန်လန့်ကုန်မှာပါ။
✅ဒါဆို လူတွေအလန့်တကြားပြေးလွှားကြမယ်။ ကြည်ဆံမှန်တဲ့သူနဲ့ လူပိတဲ့သူတွေနဲ့ဆို ပြည်သူပဲ နစ်နာနိုင်ခြေများပါတယ်။
✅ဒီလို ထောင်သားတွေရောထည့်ထားပြီး ရုန်းရင်းဆန်ခေတ်ဖြစ်လာရင် ဖြေရှင်းနည်းရှိပါတယ်။
✅ကျွန်တော်လည်း နီးစပ်ရာ နိုင်ငံရေးသမားတွေစီက မေးထားတာပါ။
✅သေနတ်သံစကြားတာနဲ့ ထွက်မပြေးပါနဲ့ မြေပြင်ပေါ်တည်ငြိမ်စွာထိုင်နေပါ။
✅ဒါဆိုလူအုပ်ကြီး မပြိုကွဲနိုင်တော့ပဲ သောင်းကျန်းပြတဲ့သူတွေပဲ ထီးထီးကြီးကျန်ခဲ့ပါလိမ့်မယ်။
✅တကယ်ပြစ်ကြကြေးဆို အဲ့အခါ သောင်းကျန်းပြနေတဲ့ ထောင်သားအရောတွေကိုပြစ်ရတော့မှာပါ။
✅တည်ငြိမ်စွာထိုင်ချလိုက်တဲ့သူတွေကို သူတို့ပြစ်ရင် သူတို့ အရှုံးပါ။
✅နောက်တစ်ချက်က ထောင်သားအရောတွေ သောင်းကျန်းပြနေတဲ့အချိန် ပြည်သူတွေ တည်ငြိမ်စွာထိုင်ချလိုက်တဲ့အခါ သူတို့ပါ လိုက်ထိုင်ချရတော့မှာပါ။
✅ဒါဆိုသူတို့ဗျူဟာကိုကာကွယ်ပြီးရာရောက်သလို ငြိမ်းချမ်းစွာ ဆန္ဒထုတ်ဖော်တာကြောင့် အာဏာရူးများဘက်မှ ပြစ်ခဲ့ရင် ပိုအပြစ်ကြီးပါတယ်။
✅ချစ်နိုင်(စိတ်ပညာ)နဲ့လူတစ်စုဟာပရိယာယ်ကြွယ်ပါတယ်။
🙏အားလုံးတည်ငြိမ်စွာနဲ့သတိရှိနိုင်ကြပါစေ။
👉🏻အများသိအောင် copyတင်ပေးကြပါ
❌Credit မပေးပါနဲ့

08/02/2021

ဆန္ဒပြသူတွေလိုက်နာရန် DO and DON'T
××××××××××××××××××××××××××
#အားလုံးသိကိုသိထားရမည့်အရာများပါ။ လာမည့်အပတ်အတွက်ကျနော်အလွန်စိုးရိမ်ပါတယ်။

#ပြင်ဆင်ထားသင့်သည်များ
---------------------------
✅ မိန်းကလေးများ ဆံပင်စည်းဖြစ်အောင်စည်းထားကြပါ။ (တစ်ခုခုဆိုဆံပင်ဆွဲမခံရအောင်ပြင်ဆင်ပါ)

✅ အဝတ်အစားအထူကိုယ်ကျပ်လက်ရှည်ဝတ်ဆင်ပါ။ (တစ်ခုခုဆိုအထိအခိုက်နည်းအောင်၊ လှုပ်ရှားလွယ်အောင်ပြင်ဆင်ပါ)

✅ မျက်နှာကိုရေစွတ်စည်းရန်သဘက်အထူဆောင်ပါ။ (မျက်ရည်ယိုဗုံးအတွက်)

✅ Google map offline ကို ဒေါင်းလုပ်လုပ်ထားပါ။ (ကိုယ်ရောက်နေတဲ့နေရာကိုသေချာသိအောင်လုပ်ပါ။)

✅ ပြည်သူများကတစ်ခုခုဆိုဝန်းရံအကူအညီပေးနိုင်ရန်ပြင်ဆင်ထားပါ။

#ရှောင်ရှားရန်များ
------------------
❌ လုံထိန်းရဲနားကိုကပ်ခြင်းလုံးဝမလုပ်ရပါ။ ရှုပ်ထွေးမှုအဓိကရုဏ်းအချိန်မရွေးထဖြစ်နိုင်ပါသည်။

အန္တရာယ်ပြုရန်ကပ်လာသည်ဟုအကြောင်းပြကာပစ်သတ်နိုင်ပါသည်။

"လုံးဝမလုပ်ရပါ။"

❌ လုံထိန်းရဲများကို ပန်းစည်းကမ်းခြင်းသည်နိုင်ငံတကာကရဲများကိုကြိုဆိုနေသူဟုသတင်းမှားပေါ်နိုင်ပါတယ်။

"လုံးဝမလုပ်သင့်ပါ။"

အခုပဲထိုင်းမှာထိုင်းတွေကမင်းတို့ရဲတွေနဲ့ပြေလည်သွားပြီမလားလို့မေးနေပါပြီ။

ကျနော့်ကိုလည်းတရုတ်ပြည်ကမေးနေပါပြီ။ ရဲတွေကိုဝမ်းသာအားရပန်းစည်းနဲ့ကြိုနေကြတာလားတဲ့။

"လုံးဝမလုပ်ရပါ။"

❌ ဒုတိယစည်းကိုကျော်လို့လုံးဝမရပါ။ ပစ်ခတ်နှိမ်နင်းမှုအတွက်တရားဝင်သွားပါလိမ့်မည်။

စည်းကျော်ခြင်းဖြင့် မည်သည့်ကောင်းကျိုးမှမရနိုင်သဖြင့် နိုင်ငံအတွက်တကယ်စေတနာရှိလျှင်စည်းကိုလုံးဝမကျော်ပါနှင့်။

​Civil Disobedience Movement လုပ်နေသူများကိုအဓိကရုဏ်းကြောင့်အနှောင့်အယှက်မဖြစ်ပါစေနှင့်။

"စည်းလုံးဝမကျော်ရပါ။"

❌ လုံထိန်းရဲများကိုရန်စခြင်း၊ စော်ကားခြင်း၊ ရေသန့်ဘူးနှင့်ပစ်ခြင်းများလုံးဝမလုပ်ပါနှင့်။

#နိုင်ငံတကာကအကြမ်းဖက်မှုဟုမြင်အောင် လုံးဝမလုပ်ပါနှင့်။ #သဲထဲရေသွန်အဖြစ်မခံပါနှင့်။

မသမာသူကဝင်ရောက်နှောင့်ယှက်ကာရေသန့်ဘူးနှင့်ပစ်ပြေးသွားတာမျိုးဖြစ်နိုင်တဲ့အတွက်စည်းကို လုံးဝမကျော်ဖို့ပြောတာပါ။

❌ ဆန္ဒပြရာလမ်းတွင် ရဲစခန်း၊ စစ်တပ်နှင့်မကြုံရန်ရှောင်ရှားပါ။ ရဲစခန်းရှေ့တွင်မသမာသူကရန်စလို့အဓိကရုဏ်းဖြစ်လျှင် နိုင်ငံတကာကရဲစခန်းကိုဝင်စီးသည်ဟုမြင်သွားမည်။

"လုံးဝမလုပ်ရပါ။ လမ်းကြောင်းကိုရှောင်ရှားပါ။"

❌ သက်ကြီးရွယ်အိုများမထွက်ပါရန်တောင်းပန်ပါတယ်ခင်ဗျား။ 🙏

❌ အိမ်တွေကလည်းထင့်ကနဲရှိတံခါးပိတ်ထားမယ်မလုပ်ကြပါနဲ့။

#မတရားမှုရှိရင်ပိုထွက်ပြီးဝန်းရံပေးကြပါ။

#ဆန္ဒပြသူတွေရှုံးရင်ပြည်သူတွေရှုံးမယ်ဆိုတာမမေ့ကြပါနဲ့။

ထပ်မှာပါမယ်။ Rules of engagement ဆိုတာရှိပါတယ်။

#စည်းကိုလုံးဝမကျော်ပါနှင့်။

#နိုင်ငံတကာကအကြမ်းဖက်မှုဟုမြင်အောင်မလုပ်မိပါစေနှင့်။

#သဲထဲရေသွန်မဖြစ်ပါစေနှင့်။

#သင်တို့ရှုံးလျှင်ပြည်သူတွေရှုံးပြီဆိုတာလုံးဝမမေ့ပါနဲ့။

ခရက်ဒစ်ပေးစရာမလိုပါ။ အားလုံးသိအောင်များများ share ပေးကြပါ။

Smart စမတ်ဖြစ်ကြပါ။ နိုင်ငံတကာကအမြင်မလွဲပါစေနှင့်။

Why rabbit doesn't afraid panther❓

Because he is smarter than panther❗

12/12/2020

30/08/2020

18/08/2020

လူငယ်များအတွက် ဦးသန့်၏
တန်ဖိုးမဖြတ်နိုင် တဲ့ စကား (၅)ခွန်း
*************************************

၁။ ရည်ရွယ်ချက် ရှိပါ

လောက၌ ရည်ရွယ်ချက် မရှိသောသူသည် မည်သည့် အရေးသို့ သွားရန် မသိသေးသော ခရီးသည်နှင့် တူ၏။
ကြီးပွားလိုသော လူတိုင်း ၌
ရည်ရွယ်ချက် ရှိရမည်။
သုံးလူ့ထွတ်ထား သဗ္ဗညုဘုရားပင်လျှင် တစ်ခုတည်းသော ရည်ရွယ်ချက်ဖြင့် ကြိုးစား အားထုတ်တော်မူခဲ့ ပေသည်။
မည်သူမဆို ငယ်စဉ်ကပင်
မှန်းခြေတစ်ခု ရှိရမည်။
မှန်းခြေရှိသော လူတို့သည် မိမိတို့ လုပ်ငန်း၌ လွယ်ကူသည်သာမက မှန်းခြေ မရှိသော သူထက် မနှိုင်းယှဉ်သာအောင် ကြီးပွားကြလေသည်။

၂။ သူများနှင့် မတူအောင် လုပ်ပါ

ထိုအချက်သည် ဆန်းဆန်းဖြစ်သည်။
သို့ရာတွင်
စေ့စေ့တွေးသော် ကြီးပွားသော သူတို့၏ လက်သုံး အချက်ကြီး ဖြစ်သည်။
သူများကဲ့သို့ လုပ်လျှင် သူများကဲ့သိုပင် ဖြစ်မည်။ သူများနှင့် မတူအောင် လုပ်လျှင် သူများနှင့် တူမည် မဟုတ်ချေ။
မြတ်စွာဘုရားသည် ခပ်သိမ်းသော သူတို့နှင့် မတူအောင် အားထုတ်တော်မူခဲ့၍ သူများနှင့် မတူသော သဗ္ဗညုအဖြစ်သို့ ရောက်ရှိခဲ့ပေသည်။

၃။ အများ သဘောကို မလိုက်နှင့်

အများသဘောသည် အမှားပေါ၏။
လောက၌ ပညာ ရှိသောသူနှင့် မရှိသောသူ အရေအတွက်ကို နှိုင်းယှဉ်ကြည့်လျှင်
ပညာ ရှိသူက မနှိုင်းယှဉ်
လောက်အောင် နည်းလှ၏။
အများသဘောကို မလိုက်နှင့်ဟု ဆိုရာ၌ မည်သည့်အခါ မဆို အများသဘောနှင့် ဆန့်ကျင်ရ မည်ဟု မဆိုလိုပေ။
မည်သည့် ကိစ္စ၌မဆို
ကိုယ့်ဟာ .. အများ သဘောပါဟု ပြောလေ့ရှိသောသူကို
အသုံးမကျသူ ဟူ၍ မှတ်အပ်၏။
အများ သဘောသည် မှားလျှင်လည်း မှားကြောင်း ညွှန်ပြနိုင်ရမည်။
ဆန့်ကျင်ရဲရမည်။
ရေလိုက်ငါးလိုက် နေသောသူတို့သည် မကြီးပွားနိုင်ကုန်။

၄။ ပြုပြင်ရန် မကြောက်နှင့်

လောက၌ ဘာသာရေးမှ လွဲလျှင်
အားလုံးသော ကိစ္စဟူသမျှသည်
အမြဲ ပြုပြင် ပြောင်းလဲလျက် ရှိ၏။
အဝတ်အစား အနေအထိုင် အပြောအဆို အယူအဆ စသည်တို့မှာ
အမြဲ ပြောင်းလဲလျက် ရှိ၏။
ယခု ခေတ်သည် အလွန် မြန်နိုင်မှ တော်ရုံ ရှိ၏။ အပြေးသွား
အပြေးလာ
အပြေးလုပ်ရသော ခေတ်ကြီး ဖြစ်၏။
ဘဝသံသရာ ကြီးပွားရေးအတွက် ပြုပြင်ရေးသည်လည်း အထူး အရေးကြီးလှပေသည်။

၅။ မယုံလွယ်နှင့်

မစဉ်းစားပဲ ယုံလွယ်သူ ပေါများသော တိုင်းပြည်သည် အောက်တန်းကျသော တိုင်းပြည် ဖြစ်၏။
အသိဉာဏ်ကို ချင့်ချိန်နိုင်ရန် ၎င်းတိုင်း ပြည်၏ သတင်းစာကို ကြည့်၍ အကဲခတ်နိုင်၏။ သတင်းစာများတွင် မြတ်စွာဘုရား ဆင်းတုတော်မှ မျက်ရည်ကျခြင်း၊ ကိုယ်ဝန်ရှိသော ဥစ္စာစောင့်မ၊ နတ်ပေးသော ကလေး စသည်ဖြင့် ခေါင်းစဉ်တပ်ထားသော ဆောင်းပါးများကို အလုအယက် ဖတ်သမျှ ကာလပတ်လုံး မြန်မာ လူမျိုးတို့၏ အဆင့်အတန်းသည် ခေတ်မီရန် များစွာ လိုသေးသည်ဟု ဆိုရမည် ဖြစ်သည်။
ပြောတိုင်း မယုံနှင့်၊ ယုံတိုင်းလည်း မပြာနှင့်၊ ချင့်ချိန် မှန်းဆ၍ ပြုလုပ် ပြောဆိုရာ၏။ ဤသည်လည်း ကြီးပွားရေး လှေကား တစ်ထစ်ပေတည်း။

Credit:

ခွန်အားရှိသောစာပေများ။

09/08/2020

အာဂအောင်ဆန်း လွတ်လပ်ရေးကြိုးပမ်းမူ ...❤

02/08/2020

👨 တန်ဖိုးရှိတဲ့လူဖြစ်ဖို့ ဘယ်အရာက အရေးကြီးဆုံးလဲ...💪💪💪

Video ကိုနားထောင်လိုက်ပါ မိတ်ဆွေတို့....😊✌

29/07/2020

ကိုယ်နဲ့ပဲသက်ဆိုင်ပါတယ်
==============

လောကမှာ ……
အရင်းနီးတစ်ခုကို ငွေနဲ့စမှ
အရင်းနီးဖြစ်တာ မဟုတ်ဘူး။
သင့်မှာ အကောင်းဆုံး ဥာဏ်အားတွေရှိတယ်။

ကိုယ်အားတွေရှိတယ်
ဝီရိယအားတွေရှိတယ်
လုပ်ပိုင်ခွင့်တွေရှိနေတယ်။
ရွေးချယ်ပိုင်ခွင့်တွေရှိနေတယ်။
အဲ့တာသင့်ရဲ့ အကောင်းဆုံး
အရင်းနီးပဲဆိုတာ မမေ့ပါနဲ့ … ။

သင့်ကို အားပေးသူမရှိလို့လား ……
မျှော်လင့်မနေပါနဲ့
အကောင်းဆုံးအဖေါ်ဆိုတာ
ကိုယ်ကလွဲပီး အခြားသူမရှိနိုင်ပါဘူး ။

သင်ဟာ
သင့်ရဲ့ အကောင်းဆုံးအဖေါ်
တစ်ယောက်ပါ။

သင်သည်သာလျှင်
သင့်ဘဝရဲ့ ဖန်ဆင်းရှင်ပါ။

သင်သည်သာလျှင်
သင့်ဘဝရဲ့ ပဲ့ကိုင်ရှင်ပါ။

သင်သည်သာလျှင်
သင့်ဘဝရဲ့ အတိုင်ပင်ခံပုဂ္ဂိုလ်ပါ။

သင်သည်သာလျှင်
သင့်ဘဝရဲ့ အားကိုးရာပါ။

သင်သည်သာလျှင်
သင့်ဘဝရဲ့ အဖော်မွန်ကောင်းပါ။

သင်သည်သာလျှင်
သင့်ဘဝရဲ့ အကြီးမြတ်ဆုံးသော ဆရာတစ်ဆူဖြစ်ပါတယ်။

သင့်ကို သနားသူမရှိလို့လား ……
အားကိုးမနေပါနဲ့
ကိုယ်သာကိုယ့်ဘဝအတွက်
သနားတတ်ဆုံးသူပဲ ဖြစ်ရမယ် ။
အားကိုးနေရင် သူများနိုးမှ
သင်ထရလိမ့်မယ် ။

သူများနိုးမှ ထမယ့်အဖြစ်မျိုး
သင်မခံယူချင်စမ်းပါနဲ့ ။
ကိုယ့်အသိနဲ့သာ
ကိုယ့်ကိုယ်ကို နိုးထလိုက်စမ်းပါ ။

ဆင်းရဲလို့ အားငယ်နေတာလား ……
အားမငယ်လိုက်ပါနဲ့
ဆင်းရဲခြင်းချမ်းသာခြင်းဆိုတာ
ငွေနဲ့တိုင်းတာလို့မရပါဘူး

ရိုးသားခြင်း ဖြောင့်မတ်ခြင်းနဲ့ပဲ
တိုင်းတာလို့ရပါတယ်။
ငွေရှိပြီး မရိုးသားဘူးဆိုရင်
သူခိုးများနဲ့ ဘာထူးမှာလဲ …
ငွေရှိပြီး မဖြောင့်မတ်ဘူးဆိုရင်
လူလိမ်လူညာတွေနဲ့ရောဘာထူးမှာမို့လဲ …

ငွေရှိခြင်း မရှိခြင်းထက်
ရိုးသားခြင်း မရိုးသားခြင်းကသာ
ပိုအရေးကြီးပါတယ် ။

အမြင့်မတက်နိုင်လို့ စိတ်ညစ်နေတာလား ……
လောကမှာ အမြင့်တက်ပြီး
မရင့်ကျက်တဲ့အပြင်
ရက်စက်နေကြတဲ့သူတွေအများကြီး ။

သင်တွေ့လား
ကောင်းကင်ပေါ်ပျံဝဲနေတဲ့
သိမ်းငှက်ကြီးက
သင့်ကိုသက်သေအဖြစ်
ပြနေတယ် ။

ဒါ--မရိုးသားသူတွေရဲ့
အကျင့်စရိုက်တစ်ခုပဲ …။

ဒါကြောင့် ……
ရိုးသားပါ ကြိုးစားပါ နိုးကြားပါ ။

ရိုးသားခြင်း မရိုးသားခြင်း
ကြိုးစားခြင်း မကြိုးစားခြင်း
အောင်မြင်ခြင်း
မအောင်ခြင်းဆိုတာကတော့
ကိုယ်နဲ့ပဲသက်ဆိုင်နေပါတယ် ။

ရိုးသား ကြိုးစား နိုးကြားနေသူတွေအတွက်ကတော့
နေသစ်တိုင်းမှာ ဘဝသစ်ဆိုတာ
ရှိနေစမြဲပါပဲ။
အောင်မြင်မှုသရဖူကိုဆောင်းချင်တယ်ဆိုရင်ပေါ့ဗျာ။

_________________Credit. အရှင်သီလာနန္ဒ