10/06/2026
Ако Аљоша Димитриевич пее поле, ветар, оганки во мојот случај би било сенка, кози, страници..
Отсуството се должеше на прегорување од работа а на тоа се надоврза негативниот набој изминатиот период кој се рефлектираше и на планетава која наликува на највулгарна епизода од South Park, вести полни со црна хроника, насилство, безидејност и простотилак во мода, просто не можев да се преправам дека не ги гледам работите или дека не ме допираат а објавите подобро да ги нема отколку да ги има ради реда, а и ожеднев по букви да бидам искрен, ми се читаше ми се плаче, ми пријаше да го заборавам дома телефонот и да не знам ни колку е саат.
Во меѓувреме ги окосија ливадите и прошетките се многу покомотни, веќе не морам да ги кружам ливадите барем додека не изгори вегетацијата од сонцето, туку излегувам со шорцеви и папучи иако не е баш мудро, но не ми е грижа, избирам место под сенка но да има и провев, се постилам и читам додека козите си ја бркаат својата работа, барам инспирација и се оттргнувам од вртлокот на црната хроника која ме опкружува, неизбежна е но барем во страниците не онаа која ме опкружува мене, сигурно ќе наидам на нешто поучно и на нешто ведро, можеби во страниците ќе пронајдам против отров.
Инаку ја привршувам "Шта ми ово треба" од Емир Кустурица во која се уствари извадоци од неговиот дневник за време на снимањето на филмот underground но и повеќе, го има и Марадона внатре, Андриќград, распадот на СФРЈ, прилики и неприлики. Секако, не сум во се согласен со Емир но драго ми е што сум современик со еден ваков човек и се надевам дека ќе имам можност да го посетам Андриќград. Свесен сум дека денес секоја будала си зема прво за суд и лесно може да те етикетираат за антизападно или русофилско расположение, но проблемот за таквиот суд е дека го сакам и Џими Хендрикс, Пинк Флојд, дури имам коза која се вика Стејси, просто е невероватно како во 21 век сеуште постои расизам после Луис Армстронг...
Fu&k you MTV!!
#КозиМлекоПланина #СенкаКозиСтраници #ливада #кози #Раштак
