09/06/2026
Thupelo Tuesday
🔥 SERAME SE BOLAEA LIKHOHO KAPELE HO FETA MAFU A MANGATA!
Bahlahisi ba bangata ba hlokomela bothata ha ba se ba fumana litsuonyana li shoele hoseng.
Mohlahisi ore o ile a lokisa ntlo bakeng sa likhoho matsatsi a mabeli pele litsuonyana li fihla. A hloekisa hantle, a beha lijelo le linoelo, a reka lijo tse nakong hantle. Ha litsuonyana li fihla, a li kenya ka tlung a khotsofetse.
Hoseng tsatsi le hlahlamang, o fumana tse 11 li shoele, li petetsane corneng ea ntlo. Ha a sheba a bona h**e Metsi a ne a hloekile. Lijo li ne li le teng. Ntlo e ne e hloekile, a besitse. Joale a ipotsa h**e na ebe o fositse hokae.
Ha re se re shebisana ho ithuta se etsahetseng ho bonahala litsuonyana li ne li sa futhumala hantle, mm eke mo taba ea ho etsa BROODER e hlahang.
🐥 Brooder ke sebaka sa bohlokoa ka ho fetisisa matsatsing a pele a bophelo ba litsuonyana. Ke moo u li etsetsang mofuthu, tšireletso le tlhokomelo e nepahetseng.
✅ SEBAKA
Bekeng ea pele, boloka litsuonyana sebakeng se senyenyane. Sebelisa mabokose kapa cardboard ho etsa selikalikoe. Sena se thusa h**e li lule haufi le mofuthu, lijo le metsi.
✅ MOFUTHU
Sebelisa heat lamp kapa mohloli o mong oa mofuthu. Shebella boitšoaro ba litsuonyana:
• Ha li petetsane ka tlas'a mofuthu, ho bata haholo.
• Ha li hasane hole le mofuthu, ho chesa haholo.
• Ha li ikabile hantle, mocheso o nepahetse.
✅ MOALO FATŠE
Sebelisa wood shavings (Sawdust) e ommeng. Qoba sawdust e sitsoeng haholo hobane litsuonyana li ka e ja, ea baka mathata a mala.
✅ LIJO LE METSI
Lijelole linoelo li be haufi le litsuonyana. Litsuonyana tse hatsetseng li lahleheloa ke matla kapele, kahoo li hloka ho fumana lijo le metsi habonolo.
✅ MOEA O HLOEKILENG
Ntlo e hloka moea o hloekileng empa e se na moea o batang o kenang ka kotloloho ho litsuonyana. Koala likheo tse tlase empa u lumelle moea ho kena ka holimo.
✅ KHANYA
Bekeng ea pele, fana ka khanya nako e telele h**e litsuonyana li khone ho bona lijo le metsi habonolo.
⚠️ Ho etsa brooder ha ho je chelete e ngata, empa ho sebe le eona ho ka baka tahlehelo e kholo.
Litsuonyana ha li khone ho bua. Li ke ke tsa u bolella h**e li hatsetse. Ke boikarabello ba hau ho ithuta ho li shebella le ho utloisisa matšoao a tsona.
Foto hase ea rona, e tsoa marang-rang.
