Kerala Homely Foods

07/10/2020

Today's special 07/10/2020

More updates Follow this link to join our WhatsApp group: https://chat.whatsapp.com/Hg4TpjZhQ3fFTnglRiSSzy

01/10/2020

Today's special 01/10/2020

More updates Follow this link to join our WhatsApp group: https://chat.whatsapp.com/Hg4TpjZhQ3fFTnglRiSSzy

29/09/2020

Today's special 29/09/2020

More updates Follow this link to join our WhatsApp group: https://chat.whatsapp.com/Hg4TpjZhQ3fFTnglRiSSzy

28/07/2020

Follow this link to join thanima WhatsApp group: https://chat.whatsapp.com/Hg4TpjZhQ3fFTnglRiSSzy

30/08/2017

തലശ്ശേരി ബിരിയാണി
ചെറിയൊരു ഇടവേളക്കു ശേഷം വീണ്ടും........ഓണവും പെരുന്നാളും ഒന്നിച്ചു വരികയാണല്ലോ . എന്നാലും പെരുന്നാളിന് ബിരിയാണി പ്രധാന വിഭവവുമാണ്. പല രുചിയിലും സ്റ്റൈലിലും ബിരിയാണിയുണ്ടാക്കാം. തലശേരി ബിരിയാണി ബിരിയാണികളുടെ കൂട്ടത്തിൽ ഒരു പടി മുബിൽ നിൽക്കുന്നവൻ തന്നെയാണ് . എളുപ്പത്തിലൊരു തലശേരി ബിരിയാണി എങ്ങനെയുണ്ടാക്കാമെന്നു നോക്കൂ,

ചിക്കന്‍-അരക്കിലോ
ബിരിയാണി റൈസ്-400 ഗ്രാം
സവാള-4
തക്കാളി-2
ചെറുനാരങ്ങ-1
നെയ്യ്-ഒരു കപ്പ്
നിലക്കടല-20
ഇഞ്ചി-വെളുത്തുള്ളി പേസ്റ്റ്-2 ടേബിള്‍ സ്പൂണ്‍
മഞ്ഞള്‍പ്പൊടി-അര ടീസ്പൂണ്‍
ചുവന്ന മുളകരച്ചത്-2 ടേബിള്‍സ്പൂണ്‍
പച്ചമുളക്-2
കറിവേപ്പില മല്ലിയില എണ്ണ ഉപ്പ് ചിക്കന്‍ നല്ലപോലെ കഴുകി വെള്ളം കളഞ്ഞു വയ്ക്കുക. ഇത് മസാല പിടിയ്ക്കാന്‍ പാകത്തില്‍ കത്തി കൊണ്ടു വരഞ്ഞു വയ്ക്കുക. ഇതില്‍ മുളകരച്ചതും ഉപ്പും മഞ്ഞള്‍പ്പൊടിയും പുരട്ടി അര മണിക്കൂര്‍ വയ്ക്കുക. ഒരു പാനില്‍ എണ്ണ ചൂടാക്കി ചിക്കന്‍ ചെറിയ ചൂടില്‍ വറുത്തു കോരുക. ബിരിയാണിയില്‍ മുട്ട വേണമെങ്കില്‍ പുഴുങ്ങിയ മുട്ട ഇതില്‍ ചെറുതായി വറുത്തെടുക്കാം. പാനിലെ എണ്ണയില്‍ പകുതി സവാള ബ്രൗണ്‍ നിറമാകുന്നതു വരെ വഴറ്റുക. ഇഞ്ചി-വെളുത്തുള്ളി പേസ്റ്റ് ചേര്‍ത്തിളക്കണം. ഇതില്‍ തക്കാളിയും പച്ചമുളകും ചേര്‍ത്തു വഴറ്റുക. ഇതിലേയ്ക്ക് ചിക്കന്‍ കഷ്ണങ്ങള്‍ ചേര്‍ത്തിളക്കണം. കറിവേപ്പില, മല്ലിയില എന്നിവ ചേര്‍ത്തിളക്കുക. ഇത് പാകത്തിന് വെള്ളം ചേര്‍ത്ത് അടച്ചു വച്ച് വേവിയ്ക്കുക. ഒരു പാനില്‍ നെയ്യ് ചൂടാക്കുക. ഇതില്‍ ബാക്കിയുള്ള സവാള ചേര്‍ത്ത് വഴറ്റുക. ഇത് മാറ്റി വയ്ക്കുക. നിലക്കടയും നെയ്യില്‍ വറുത്തു കോരുക. ഈ നെയ്യിലേയ്ക്ക് കഴുകി വെള്ളം വാര്‍ത്ത അരി ചേര്‍ത്തിളക്കണം. ഇത് പാകത്തിന് വെള്ളം ചേര്‍ത്ത് വേവിയ്ക്കണം. ചിക്കനും ചോറും വെന്തു കഴിഞ്ഞാല്‍ ഓരോ അടുക്കായി ഇവ രണ്ടും കൂട്ടിച്ചേര്‍ക്കുക. നിലക്കടലയും വറുത്ത സവാളയും വിതറി ഉപയോഗിയ്ക്കാം.

13/08/2017

ഗ്രീന്‍ ചിക്കന്‍

കോഴി കൊണ്ടുള്ള വിഭവങ്ങൾ എന്നും നനമ്മുടെ തീന്മേശകളെ പുളകം കൊള്ളിക്കാറുണ്ട് അതുകൊണ്ടു തന്നെ പല തരത്തിലുള്ള ചിക്കൻ വിഭവങ്ങളും നാം പരീക്ഷിക്കാറുണ്ട് എന്നാൽ സാദാരണഗതിയിൽ നിന്നും വ്യത്യസ്താമായ ഒരു ചിക്കൻകറി ഇന്ന് നമുക്ക് പരീക്ഷച്ചു നോക്കാം

ആവശ്യമുള്ള സാധനങ്ങള്‍
1 ചിക്കന്‍ -ഒരു കിലോ
2 പച്ചമുളക്- 5എണ്ണം
3 സവോള അരിഞ്ഞത്- മൂന്നെണ്ണം
4 തക്കാളി- 1
5 മല്ലിയില- രണ്ട് കപ്പ് നന്നായി അരച്ചത്
6 വെളുത്തുള്ളി- അഞ്ച് അല്ലി ചതച്ചത്
7 ഇഞ്ചി - ചെറിയ കഷണം ചതച്ചത്
8 കുരുമുളക്- മൂന്ന് ടീസ്പൂണ്‍
9 മല്ലിപ്പൊടി- 3 ടീസ്പൂണ്‍
10 ഗരം മസാല- ഒരു ടീസ്പൂണ്‍
11 ഉപ്പ്- പാകത്തിന്
12 വെളിച്ചെണ്ണ- ആവശ്യത്തിന്

ചിക്കന്‍ ഉപ്പും അല്‍പം മല്ലിപ്പൊടി രണ്ട് പച്ചമുളകും ചേര്‍ത്ത് അധികം വെള്ളമില്ലാതെ കുക്കറിലോ മറ്റോ വേവിച്ചെടുക്കുക. ഇനി ചുവടു കട്ടിയുള്ള ഒരു പാത്രത്തില്‍ വെളിച്ചെണ്ണയൊഴിച്ച് ചൂടാകുമ്പോള്‍ അതിലേയ്ക്ക ചതച്ചുവച്ച ഇഞ്ചിയും വെളുത്തുള്ളിയും ഇട്ട് മൂപ്പിയ്ക്കുക. ഇത് നല്ല ബ്രൗണ്‍ നിറമായിക്കഴിയുമ്പോള്‍ അതിലേയ്ക്ക് അരിഞ്ഞുവച്ച സവോളയിട്ട് വഴറ്റുക, ഇത് ബ്രൗണ്‍ നിറമാകുമ്പോള്‍ ഇതിലേയ്ക്ക് തക്കാളി, മല്ലിപ്പൊടി, ഗരം മസാല, പച്ചമുളക്, ഉപ്പ് എന്നിവയും ചേര്‍ത്ത് ഇളക്കുക.

ഇവ നന്നായി ഇളക്കിച്ചേര്‍ത്തശേഷം വേവിച്ചുവച്ച ചിക്കന്‍ ഇതിലേയ്ക്ക് ഒഴിക്കുക. വെള്ളം പോരെന്ന് തോന്നുകയാണെങ്കില്‍ അല്‍പം ഇളം ചൂടുവെള്ളം ചേര്‍ക്കാം, ഒപ്പം പൊടിച്ചുവച്ച കുരുമുളകുപൊടിയും ചേര്‍ക്കുക. ഇത് തിളച്ച് ചേരുന്നതുവരെ പാത്രം അടച്ചുവയ്ക്കുക. മസാലകള്‍ ഇറച്ചിയ്ക്ക് പിടിച്ചുകഴിഞ്ഞാല്‍ തയ്യാറാക്കി വച്ചിരിക്കുന്ന മല്ലിയില പേസ്റ്റ് ഇതില്‍ ചേര്‍ത്ത് നന്നായി ഇളക്കുക. വീണ്ടും ചെറുതീയില്‍ തിളപ്പിക്കുക. ചാറ് കുറുകിവരുമ്പോള്‍ മാറ്റിവച്ച്, ചെറുചൂടോടെ വിളമ്പുക

കുറിപ്പ്:
മല്ലിയിലയുടെയും കുരുമുളകിന്റെയും രുചിയാണ് ഇതില്‍ പ്രധാനമായും ഉണ്ടാവുക. തേങ്ങ അരച്ചുചേര്‍ത്തും, തേങ്ങാപ്പാലൊഴിച്ചും ഇതേ കറി മറ്റൊരു രുചിയോടെ തയ്യാറാക്കാം. മല്ലിയില വേരുകളഞ്ഞ് നന്നായി കഴികി മിക്‌സിയില്‍ ഇട്ട് അരച്ചെടുക്കുന്നതാവും നല്ലത്. നെയ്‌ച്ചോറ്, ചപ്പാത്തി എന്നിവയ്‌ക്കൊപ്പും ഏറെ രുചികരമായിരിക്കും ഈ ഗ്രീന്‍ ചിക്കന്‍കറി. നേരിയ പച്ചനിറമാണ് കറിയ്ക്ക് ഭംഗിനല്‍കുന്നത്.

10/08/2017

Thanks for All

FOODS RECIPES

08/08/2017

ആലൂ ചാറ്റ്

ഇന്ന് നമുക്ക് ഒരു അന്യ സംസ്‌ഥാനക്കാരെനെ പരിചയപ്പെടാം.

നല്ല മുരിഞ്ഞ ആലൂ ചാറ്റ് അല്‍പ്പം എരിവോടെ അകത്താക്കിയാല്‍ ഉണ്ടല്ലോ ..പറയുമ്പോള്‍ തന്നെ നാവില്‍ വെള്ളമൂറുന്നു നേരം കൊല്ലാനും വിശപ്പ് മാറ്റാനുമൊക്കെ ഒരുപോലെ സഹായിക്കുന്ന പൊട്ടറ്റോ ചാറ്റിന് ഇപ്പോള്‍ ഇങ്ങ് കേരളത്തിലും ആരാധകര്‍ ഏറുന്നുണ്ട് കേട്ടോ. ആലൂ ചാറ്റ് , ഡല്‍ഹിയില്‍ തെരുവോരങ്ങളിലെ കടകളിലെ സ്ഥിരം സാനിധ്യമായ. കണ്ണിനേയും വയറിനേയും ഒരു പോലെ ആകര്‍ഷിക്കുന്ന ഈ ഡല്‍ഹിക്കാരന്‍ ആലൂ ചാറ്റ് എങ്ങനെയാണ് ഉണ്ടാക്കുന്നതെന്ന് നോക്കാം

ഉരുളക്കിഴങ്ങ് തൊലികളഞ്ഞത് 500 ഗ്രാം
എണ്ണ -ആവശ്യത്തിന്
ഉപ്പ് -1/2 ടീസ്പൂണ്‍
കാശ്മീരി മുളക്‌പൊടി -അര ടീസ്പൂണ്‍
ഉണക്കമാങ്ങാ പൊടി -അര ടീസ്പൂണ്‍
വറുത്ത ജീരകപ്പൊടി -അര ടീസ്പൂണ്‍
ചാറ്റ് മസാല -അര ടീസ്പൂണ്‍
നാരങ്ങാ നീര് -1 ടേബിള്‍ സ്പൂണ്‍
മല്ലിയില, പുതിന ചട്ണി -അര ടേബിള്‍ സ്പൂണ്‍
പുളി ചട്ണി -1 ടേബിള്‍ സ്പൂണ്
സേവ് -1 ചെറിയ ബൗള്‍
മല്ലിയില അരിഞ്ഞത് -ആവശ്യത്തിന്
മാതള നാരങ്ങ -ഗാര്‍നിഷ് ചെയ്യാന്‍

ആദ്യം ഒരു പാനില്‍ വെളിച്ചെണ്ണയെടുത്ത് ചൂടാക്കി ഉരുളക്കിഴങ്ങ് മുറിച്ചത് വറുത്തെടുക്കുക. അല്‍പ്പം ഗോള്‍ഡന്‍ ചുവപ്പായാല്‍ അവ എണ്ണയില്‍ നിന്ന് കോരി മാറ്റുക. അതിലേക്ക് അല്‍പം ഉപ്പും മുളകുപൊടിയും ചേര്‍ക്കുക. പിന്നീട് ഉണക്ക മാങ്ങാപൊടിയും ജീരക പൊടിയും ചാറ്റ് മസാലയും ചേര്‍ക്കുക. പിന്നീട് അതിലേക്ക് അല്‍പ്പം നാരങ്ങാ നീര് ചേര്‍ത്ത് നന്നായി ഇളക്കുക. അതിലേക്ക് പുളി ചട്ണിയും മല്ലിയിലപുതിന ചട്ണിയും ചേര്‍ത്ത് നന്നായി ഇളക്കുക. അതിന് മുകളിലേക്ക് മല്ലിയിലയും മാതള നാരങ്ങയും സേവും ചേര്‍ത്ത് അലങ്കരിക്കുക. തയ്യാറാക്കിയ വിഭവത്തിന് മുകളിലേക്ക് രണ്ട് ചട്ണിയും അല്‍പം ഒഴിച്ചു കൊടുത്ത് ആലൂ ചാറ്റിന് കൂടുതല്‍ ഭംഗി വരുത്താം.

06/08/2017

ചിക്കന്‍ -65 (സാധാരണ)

ചേരുവകള്‍

ചിക്കന്‍ കഷണങ്ങള്‍ ആക്കിയത് -500 ഗ്രാം
കോഴി മുട്ട -3
മഞ്ഞള്‍പ്പൊടി -അര ടീസ്പൂണ്‍
മുളകുപൊടി -2 ടീസ്പൂണ്‍
മല്ലിപ്പൊടി -2 ടീസ്പൂണ്‍
ഗരംമസാലപ്പൊടി -1 ടീസ്പൂണ്‍
തൈര് -അര കപ്പ്
ഇഞ്ചി അരച്ചത് -1 ടീസ്പൂണ്‍
വെളുത്തുള്ളി അരച്ചത് -1 ടീസ്പൂണ്‍
ഉപ്പ്,എണ്ണ -പാകത്തിന്
അജിനോമോട്ടോ -1 നുള്ള്
(അജിനോമോട്ടോ ആവശ്യമുള്ളവർ മാത്രം ഉപേയാഗിക്കുക ഇതിന്റെ ദൂഷ്യഫലങ്ങൾ നമുക്കറിയാവുന്നതാണ് )

പാകം ചെയ്യുന്ന വിധം

മുട്ട പൊട്ടിച്ച് ഒഴിക്കുക.ഇതില്‍ തൈരും പൊടികളും ,അരച്ച ചേരുവകളും ഉപ്പും ചേര്‍ത്തു കലക്കുക.
ഇറച്ചി കഷണങ്ങള്‍ ഒരു മണിക്കൂര്‍ ഈ മിശ്രതത്തിലിട്ടു വെച്ചശേഷം എണ്ണയില്‍ വറുത്തെടുക്കുക.നന്നായി
മൊരിയണം.അതിനുശേഷം ഉപയോഗിക്കാം.

04/08/2017

മഷ്‌റൂം മസാല

മാംസവിഭവങ്ങള്‍ കഴിഞ്ഞാല്‍ മാംസ്യത്തിന്റെ കലവറയാണ് കൂണ്‍. വൈറ്റ് മീറ്റെന്ന ശുദ്ധമാംസ്യത്തിന്റെ അളവ് വേണ്ടുവോളമുള്ള കൂണ്‍ മലയാളികള്‍ക്കേറെ ഇഷ്ടമുള്ള വിഭവമാണ്. ഒട്ടേറെ രുചിയുള്ള ഭക്ഷണങ്ങള്‍ നാം കൂണുപയോഗിച്ച് തയ്യാറാക്കുന്നുണ്ട്. മുതിര്‍ന്നവര്‍ക്കും കുട്ടികള്‍ക്കും ഒരുപോലെ ഇഷ്ടപ്പെടുന്ന കൂണ്‍ വിഭവങ്ങള്‍.
ആയുര്‍വേദവിധിപ്രകാരം കഫം, പിത്തം, വാതമെന്നിങ്ങനെയുള്ള ത്രിദോഷത്തെ വര്‍ധിപ്പിക്കുമെങ്കിലും നീര്‍ക്കെട്ട്, ഉഷ്ണപുണ്ണ്, പുയമേഹം എന്നീ രോഗാവസ്ഥകള്‍ക്കും സന്ധിവീക്കത്തിനും പ്രതിവിധിയായി ഉപയോഗിക്കുന്നു. കൂടാതെ ശോധനയെ സഹായിക്കുന്നതാണ് കൂണ്‍. കൂണുകളില്‍ നിന്ന് ഉത്പാദിപ്പിക്കുന്ന അഗാറിക്കസ് മസ്‌കാറിയസ് എന്ന ഹോമിയോ മരുന്ന് മദ്യപര്‍ക്കുണ്ടാകുന്ന തലവേദനയ്ക്കും നാഡീക്ഷീണം,, ഗുണേറിയ എന്നിങ്ങനെയുള്ള അസുഖങ്ങള്‍ക്കും യൂറോപ്പിലും അമേരിക്കയിലും മറ്റും ഉപയോഗിച്ചുവരുന്നു..

ചേരുവകള്‍:

മഷ്‌റൂം : പതിനഞ്ചു എണ്ണം
സവാള : ഒന്ന് വലുത്
ഇഞ്ചി അരിഞ്ഞത് : ഒരു ടീ സ്പൂണ്‍
വെളുത്തുള്ളി : ആറ് അല്ലി
തക്കാളി : ഒന്ന് വലുത്
കറിവേപ്പില : രണ്ട് തണ്ട്
മല്ലിയില : മൂന്ന്‌ തണ്ട്
വലിയജീരകം : അര ടീ സ്പൂണ്‍
കടുക് : കാല്‍ ടീ സ്പൂണ്‍
കുരുമുളക് പൊടി : ഒരു ടീ സ്പൂണ്‍
മുളക് പൊടി : ഒരു ടീ സ്പൂണ്‍
ഗരം മസാല : രണ്ട് ടീ സ്പൂണ്‍
ഏലക്ക,പട്ട,ഗ്രാമ്പു പൊടിച്ചത് : കാല്‍ ടീ സ്പൂണ്‍
തയ്യാറാക്കുന്ന വിധം:
മഷ്‌റൂമിന്റെ [കൂണിന്റെ] മുകളിലുള്ള നേര്‍ത്ത പാട കളഞ്ഞ ശേഷം വിനാഗിരിയും ഉപ്പും ചേര്‍ത്ത വെള്ളത്തില്‍ മൂന്ന്‌ മിനിട്ട് ഇട്ടു വെക്കുക.വെള്ളം വാര്‍ത്തി കളയുക.അല്പം വെളിച്ചെണ്ണയില്‍ സവാള,ഇഞ്ചി,വെളുത്തുള്ളി,തക്കാളി ഇവ നന്നായി വഴറ്റിയ ശേഷം വലിയജീരകവും ചേര്‍ത്ത് മിക്സിയില്‍ അടിച്ചു പേസ്റ്റ് ആക്കി വെക്കുക.

ഒരു ചീനച്ചട്ടിയില്‍ അല്പം വെളിച്ചെണ്ണ ഒഴിച്ച് കടുക് പൊട്ടിക്കുക.ഇതിലേക്ക് വലിയജീരകവും ചേര്‍ക്കുക.ജീരകം പൊട്ടിയ ശേഷം ഇതിലേക്ക് സവാള തക്കാളി പേസ്റ്റ് ചേര്‍ക്കുക.വീണ്ടും വഴറ്റുക.ശേഷം മഷ്രൂം ചേര്‍ത്ത് ഇളക്കുക.ഇതിലേക്ക് മുളകുപൊടി ,കുരുമുളകുപൊടി,ഗരം മസാല,ഏലക്ക പട്ട മിശ്രിതം ഇവ യഥാക്രമം ചേര്‍ത്ത് ഇളക്കി,പാകത്തിന് ഉപ്പും മല്ലിയിലയും ചേര്‍ത്ത് മൂടി വെച്ച് വേവിക്കുക.ഏകദേശം പതിനഞ്ചു മിനിട്ട് വേവിച്ചു വാങ്ങി വെക്കുക.

03/08/2017

ചിക്കന്‍ ചീസ് ബോള്‍
വളെരെ പെട്ടെന്ന് ഉണ്ടാക്കിയെടുക്കാൻ പറ്റുന്ന ഒരു ചായ കടിയാണ് ചിക്കന്‍ ചീസ് ബോള്‍ എല്ലാവരും ട്രൈ ചെയ്‌തു നോക്കുക

ആവശ്യമുള്ള സാധനങ്ങള്‍

ഉരുളക്കിഴങ്ങ്- അരക്കിലോ
കൊഴിയിറച്ചി- അരക്കിലോ
മുട്ടയുടെ വെള്ള- നാലെണ്ണം
വെളുത്തുള്ളി- എട്ടല്ലി
ജീരകം- ഒരു ടീസ്പൂണ്‍
വെണ്ണ- ഒരു ടീസ്പൂണ്‍
ബ്രഡ് പൊടിച്ചത്- പാകത്തിന്
കുരമുളക് പൊടി- ആവശ്യത്തിന്

തയ്യാറാക്കുന്നവിധം
കോഴിയിറച്ചിയും ഉപ്പും കുരുമുളകും ചേര്‍ത്ത് വേവിച്ച് മാറ്റി വെയ്ക്കാം. അതിനു ശേഷം ഉരുളക്കിഴങ്ങ് പുഴുങ്ങിയെടുക്കാം. പിന്നീട് വേവിച്ച് വച്ചിരിയ്ക്കുന്ന കോഴിയിറച്ചിയിലേക്ക് ഈ വേവിച്ച് വെച്ചിരിയ്ക്കുന്ന ഉരുളക്കിഴങ്ങ് പൊടിച്ച് ചേര്‍ക്കാം. ഇതിന് ശേഷം ചീനച്ചട്ടിയില്‍ വെണ്ണയൊഴിച്ച് കുരുമുളകും ജീരകവും മൂപ്പിച്ചെടുക്കാം. ഉരുളക്കിങ്ങ് ചേര്‍ത്ത് കുഴച്ച് വെച്ചിരിയ്ക്കുന്ന കോഴിയിറച്ചി ചീനച്ചട്ടിയിലിട്ട് അല്‍പം ഇളക്കിയ ശേഷം വാങ്ങി വെയ്ക്കാം. പിന്നീട് ഇത് ചൂടാറിയ ശേഷം ഇത് കൈയ്യിലെടുത്ത് ബോള്‍ രൂപത്തിലാക്ക കൈയ്യില്‍ വെച്ച് പരത്താം. അതിനകത്തേക്ക് അല്‍പം വെണ്ണ വെച്ച് വീണ്ടും ഉരുട്ടിയെടുക്കാം. ഉരുട്ടിയെടുത്ത ഉരുള മുട്ടയുടെ വെള്ളയില്‍ മുത്തി ബ്രഡ് പൊടിയില്‍ ഉരുട്ടിയെടുത്ത് എണ്ണയില്‍ പൊരിച്ചെടുക്കാം. അല്‍പം ബ്രൗണ്‍ നിറമാകുമ്പോള്‍ ഇത് എണ്ണയില്‍ നിന്ന് കോരിയെടുക്കാം. നല്ല സ്വാദിഷ്ഠമായ ചീസ് ബോള്‍ റെഡി.

റസിപ്പി ഇഷ്ട്ടപെട്ടെങ്കിൽ നമ്മുടെ കൂട്ടുകാർക്കു വേണ്ടി ഷെയർ ചെയ്യുക

02/08/2017

മീൻ പത്തിരി
മീൻ പത്തിരി നമുക്ക് പ്രാതലായും, വൈകുന്നേരത്തെ ചായ കാടിയായും ഉപയോഗിക്കാവുന്നതാണ്

ചേരുവകള്‍

1. മീന്‍ [അയക്കൂറ] - അര കിലോ
2. മൈദ മാവ് - കാല്‍ കപ്പ്
3. മുളക് പൊടി - ഒരു ടിസ്പൂണ്‍
4. മഞ്ഞള്‍പ്പൊടി - ഒരു ടിസ്പൂണ്‍
5. സബോള - കാല്‍ കിലോ
6. പച്ചമുളക് - മൂന്ന്‍ എണ്ണം
7. വെള്ളം - ഒരു കപ്പ്
8.വെളുത്തുള്ളി - നാല് അല്ലി
9. ഏലക്കായ - രണ്ടെണ്ണം
10. മല്ലിയില - കുറച്ച്
11. കറിവേപ്പില - കുറച്ച്
12. ഉപ്പ്,എണ്ണ - ആവശ്യത്തിന്

പാകം ചെയ്യുന്ന വിധം

മീന്‍ മുളക്പൊടി, മഞ്ഞള്‍പ്പൊടി, ഉപ്പ് എന്നീ ചേരുവകള്‍ ചേര്‍ത്ത് മസാല പുരട്ടി വറുത്തെടുക്കുക. കനം കുറച്ചരിഞ്ഞ സബോളയും ഇഞ്ചി, വെളുത്തുള്ളി എന്നിവ ചതച്ചതും നന്നായി വഴറ്റിയെടുക്കുക. അതിലേയ്ക്ക് മല്ലിയില, കറിവേപ്പില, മീന്‍ വറുത്തതും ഏലക്കാ പൊടിച്ചതും പാകത്തിന് ഉപ്പും ചേര്‍ത്ത് നന്നായി ഇളക്കി മസാല തയ്യാറാക്കുക.

മൈദയും, വെള്ളവും, ഉപ്പും ഒരു മുട്ടയും കലക്കി വെള്ളപ്പച്ചട്ടിയില്‍ പാലട ഉണ്ടാക്കുക. രണ്ടു പാലടയുടെ ഉള്ളില്‍ ഈ മസാല വെച്ച് ഒട്ടിക്കുക. ഈ അപ്പച്ചട്ടിയില്‍ കുറച്ച് നെയ്യ് ഒഴിച്ച് രണ്ട് ഭാഗവും ബ്രൌണ്‍ നിറത്തില്‍ പൊരിച്ചെടുക്കുക.