GROW KH

19/06/2026

អ្នកខ្លះចូលមកយើង ដើម្បីកេងចំណេញ់ពីយើងប៉ុណ្ណោះ!

ដល់ពេលដែលត្រូវឈប់ធ្វើការទីផ្សារបែប «រំខាន» និង «គ្មានវិជ្ជាជីវៈ» ហើយ! 🛑🧠

ក្នុងនាមជាអ្នកលេងបណ្តាញសង្គមម្នាក់ ដែលឱ្យតម្លៃលើភាពថ្លៃថ្នូរ និងពេលវេលា ខ្ញុំពិតជាមិនអាចទ្រាំបានទៀតឡើយ ជាមួយនឹងសកម្មភាពមួយចំនួនពីសំណាក់ "MMO ដៃថ្មីខ្លះ" ដែលកំពុងតែបង្កើតភាពរំខានឥតឈប់ឈរដល់អ្នកដទៃ។ មិនមែនគ្រប់គ្នាសុទ្ធតែត្រូវការឃើញរាល់សកម្មភាពរបស់អ្នកនោះទេ! ✋
សូមពិនិត្យមើលអាកប្បកិរិយាទាំងនេះ៖
📌 ការ Mention ផ្ដេសផ្ដាស (/): ការប្រើមុខងារនេះដើម្បីរំខានអ្នកដទៃរាល់ការបង្ហោះ ទោះជារឿងផ្ទាល់ខ្លួនតូចតាចបំផុត (ដូចជាការលាងគូថកូន ឬសកម្មភាពឯកជនដែលគ្មានខ្លឹមសារទាល់តែសោះ) វាមិនមែនជាយុទ្ធសាស្ត្រទីផ្សារទេ វាជាការ «រំខាន»។ អ្នកកំពុងតែប្រកាសឱ្យពិភពលោកដឹងថា អ្នកខ្វះការយល់ដឹងពីសិទ្ធិអ្នកដទៃ! 🙄🤦‍♂️
📌 ការប្រើមិត្តភាពជានុយ (Add Friend តែដើម្បី Invite): ការផ្ញើរសុំមិត្តភាពមកខ្ញុំ ទាំងមិនស្គាល់គ្នា គ្រាន់តែដើម្បីបោកឱ្យទៅចុច Like/Follow Page របស់ខ្លួន គឺជាអំពើដែលគួរឱ្យខ្ពើមរអើមបំផុតក្នុងវិស័យឌីជីថល។ នេះមិនមែនជាការរកស៊ីទេ នេះគឺជាការធ្វើឱ្យតម្លៃខ្លួនឯងធ្លាក់ចុះដល់កម្រិតសូន្យ! 📉🗑️
សូមបញ្ជាក់ឱ្យច្បាស់ថា៖
កុំយល់ច្រឡំថាការធ្វើបែបនេះនឹងធ្វើឱ្យអ្នកល្បី។ តាមពិតទៅ អ្នកកំពុងតែជម្រុញឱ្យមនុស្សដែលមានសតិបញ្ញាស្មារតីល្អៗ ចុច Unfriend, Unfollow និង Block អ្នកចោលភ្លាមៗដោយគ្មានការស្ទាក់ស្ទើរ។ ខ្ញុំបានសម្អាតបញ្ជីមិត្តភក្តិរបស់ខ្ញុំរួចរាល់អស់ហើយ សម្រាប់អ្នកណាដែលនៅតែបន្តធ្វើអំពើ "មិនដឹងក្បាលដឹងកន្ទុយ" បែបនេះ! 🚫🙅‍♂️
យោបល់ផ្ទាល់ខ្លួន៖
ប្រសិនបើអ្នកចង់ជោគជ័យក្នុងវិស័យ MMO ឬចង់ឱ្យ Page របស់អ្នកមានតម្លៃ សូមរៀនសូត្រពីការផ្តល់ «គុណតម្លៃ» (Value) ដល់អ្នកតាមដាន មិនមែនប្រើការ «បង្ខំ» នោះទេ។ ឈប់ធ្វើជាមនុស្សដែលគេរអើម រួចងាកមកសាងភាពជាអ្នកជំនាញពិតប្រាកដវិញប្រសើរជាង! 💡📈
កុំឱ្យការចង់បាន Views មួយភ្លែត ធ្វើឱ្យអ្នកបាត់បង់កេរ្តិ៍ឈ្មោះពេញមួយជីវិត! ✌️
#ការយល់ដឹង

18/06/2026

កុំឱ្យការចង់បាន “View” មួយភ្លែត ធ្វើឱ្យអ្នកបាត់បង់តម្លៃខ្លួនឯង!

ក្នុងនាមជាអ្នកធ្វើការលើបណ្តាញសង្គម (MMO) គួរតែមានភាពថ្លៃថ្នូរ និងការពិចារណាឱ្យបានខ្ពស់។ ប៉ុន្តែអ្វីដែលខ្ញុំឃើញនាពេលថ្មីៗនេះ គឺមានគណនីមួយចំនួន (ជាពិសេសអ្នកថ្មី) ប្រើប្រាស់មុខងារ ឬ យ៉ាងផ្អើលខុសកន្លែង។

សូមបងប្អូនយល់ឱ្យច្បាស់ថា៖
1. រំខានដល់កម្រិតកំពូល៖ ការ Mention រាល់ការបង្ហោះ ទោះជារឿងមិនមានប្រយោជន៍ ឬជារឿងផ្ទាល់ខ្លួនកំប៉ិកកំប៉ុក ដូចជារូបភាពលាងគូថកូន ឬសកម្មភាពឯកជនដែលគ្មានអ្នកណាចង់ដឹង មិនមែនជាការទីផ្សារទេ តែវាជាការ «រំខាន»។
2. គ្មានវិជ្ជាជីវៈ៖ ការយកមុខងារដ៏មានតម្លៃមកប្រើផ្ដេសផ្ដាស បង្ហាញថាអ្នកខ្វះទាំងចំណេះដឹងឌីជីថល និងខ្វះការគោរពពេលវេលារបស់អ្នកដទៃ។ កុំស្មានថាការ Mention ធ្វើឱ្យអ្នកល្បី តាមពិតវាធ្វើឱ្យគេស្អប់ និងចុច Report ឬ Block អ្នកកាន់តែច្រើនទៅវិញទេ។
3. តម្លៃខ្លួនឯង៖ មុននឹងបង្ហោះអ្វីមួយ សូមសួរខ្លួនឯងថា៖ «តើខ្លឹមសារនេះ មានគុណតម្លៃអ្វីដល់អ្នកអាន? ឬគ្រាន់តែជារឿងឥតប្រយោជន៍ដែលចង់បង្ខំឱ្យគេមើល?»

ដើម្បីកុំឱ្យខាតពេលវេលាទាំងសងខាង ខ្ញុំបានសម្រេចចិត្ត Unfriend និង Unfollow គ្រប់គណនីទាំងអស់ដែលប្រើវិធីសាស្ត្រ «មិនដឹងក្បាលដឹងកន្ទុយ» បែបនេះចោលទាំងអស់។

សូមកុំឱ្យការចង់បាន Views មួយពេល ធ្វើឱ្យអ្នកក្លាយជាមនុស្សដែលគ្មាននរណាចង់តាមដាន។ បើអ្នកចង់ជោគជ័យក្នុងវិស័យនេះ សូមរៀនសូត្រពីការគោរពអ្នកដទៃជាមូលដ្ឋានគ្រឹះសិន!

17/06/2026

ជាសចំពោះវិស័យកសិកម្ម!

សត្វជាសត្រូវបានចាត់ទុកថាជា "មិត្តភក្តិរបស់អ្នកកសិករ" ដោយសារតែវាដើរតួនាទីយ៉ាងសំខាន់ក្នុងការរក្សាតុល្យភាពប្រព័ន្ធអេកូឡូស៊ីនៅក្នុងចម្ការ៖

• អ្នកកម្ចាត់សត្វល្អិតចង្រៃតាមបែបធម្មជាតិ៖ សត្វជាសចូលចិត្តស៊ីសត្វល្អិតតូចៗជាអាហារ ជាពិសេសសត្វល្អិតដែលតែងតែបំផ្លាញដំណាំដូចជា ដង្កូវ សត្វល្អិតស្លាប និងសត្វល្អិតចង្រៃដទៃទៀត ដែលជួយកាត់បន្ថយការខូចខាតដំណាំដោយមិនចាំបាច់ពឹងផ្អែកលើថ្នាំគីមី។

• សូចនាករបរិស្ថាន៖ ការវត្តមានរបស់សត្វជាសក្នុងចម្ការបង្ហាញថា បរិស្ថាននៅទីនោះមានភាពធម្មជាតិ និងមិនសូវមានការបំពុលខ្លាំង ដែលល្អសម្រាប់សុខភាពដី និងដំណាំ។

កត្តាគំរាមកំហែងដល់ការបាត់បង់សត្វជៀស
ទោះបីជាវាមានប្រយោជន៍ខ្លាំងក៏ដោយ ក៏ចំនួនសត្វជាសកំពុងតែថយចុះគួរឱ្យព្រួយបារម្ភ ដោយសារកត្តាដូចខាងក្រោម៖

• ការជីកចាប់យកទៅធ្វើម្ហូប៖ ដោយសារតែមានតម្រូវការលើទីផ្សារសម្រាប់យកទៅធ្វើម្ហូប ធ្វើឱ្យមានការលបលួចជីកចាប់សត្វនេះតាមរន្ធដែលវារស់នៅ ដែលជាការកាត់បន្ថយចំនួនសត្វដោយផ្ទាល់។

• ការប្រើប្រាស់ថ្នាំពុលកសិកម្ម៖ ការបាញ់ថ្នាំកសិកម្មគីមីមិនត្រឹមតែសម្លាប់សត្វល្អិតប៉ុណ្ណោះទេ ប៉ុន្តែថែមទាំងធ្វើឱ្យសត្វជៀសពុលស្លាប់ដោយសារវាស៊ីសត្វល្អិតដែលប្រឡាក់ដោយជាតិគីមី ឬស្រូបជាតិពុលតាមរយៈស្បែក។

• ការបាត់បង់ទីជម្រកធម្មជាតិ៖ សត្វជាសចូលចិត្តរស់នៅតំបន់វាលទំនាប ដែលមានព្រៃដុះរាយប៉ាយ មានគុម្ពោតព្រៃតូចៗ និងមានវាលស្មៅដុះជាដុំៗដែលសមស្របសម្រាប់ការលាក់ខ្លួន និងការរកចំណី។ ប៉ុន្តែបច្ចុប្បន្ន ការពង្រីកដីដាំដុះដំណាំឧស្សាហកម្ម ការឈូសឆាយដីសម្រាប់សាងសង់ ឬការអភិវឌ្ឍវិស័យផ្សេងៗ បានធ្វើឱ្យទីជម្រកធម្មជាតិរបស់វាត្រូវបាត់បង់។

#បងៗមានអ្វីបន្ថែមទេ?

សត្វនេះពិតជាមានតម្លៃខ្លាំងណាស់សម្រាប់កសិកម្មប្រកបដោយនិរន្តរភាព។ ការថែរក្សាទីជម្រកធម្មជាតិ និងការកាត់បន្ថយការប្រើប្រាស់ថ្នាំគីមី គឺជាកត្តាសំខាន់បំផុតដើម្បីជួយឱ្យសត្វជាសអាចបន្តរស់នៅ និងជួយការពារដំណាំរបស់យើងបានយូរអង្វែង។

17/06/2026

🍄 ឃើញផ្សិតដុះក្បែរផ្ទះ កុំអាលរំភើប! និយាយរឿងពិតពីផ្សិតដែលយើងមិនសូវចាប់អារម្មណ៍ ⚠️

សួស្តីបងប្អូនទាំងអស់គ្នា! ថ្ងៃនេះខ្ញុំមានរឿងមួយចង់ចែករំលែក បន្ទាប់ពីខ្ញុំបានឃើញផ្សិតដុះចេញពីអង្កាមដែលខ្ញុំទុកចោលយូរ។ ឃើញវាដុះបែបនេះ ខ្ញុំក៏ចាប់អារម្មណ៍ចង់សិក្សាពីវា។ តែអ្វីដែលខ្ញុំចង់និយាយថ្ងៃនេះ គឺរឿង "សុវត្ថិភាព" ដែលយើងតែងតែមើលរំលង។

ចាស់ៗយើងពីដើម គាត់មានចំណេះដឹងច្រើនណាស់ពីផ្សិតព្រៃ តែជំនាន់ក្រោយៗមកនេះ យើងចាប់ផ្តើមភ្លេច ហើយខ្លះទៀតបែរជាជឿលើជំនឿខុសៗគ្នាដែលពិតជាគ្រោះថ្នាក់ខ្លាំងណាស់!
🔥 កុំចាញ់បោក "ជំនឿមិនមានហេតុផល" ឱ្យសោះ!
មានមនុស្សមិនតិចទេ ដែលគិតថា៖
• "ផ្សិតហ្នឹងស្អាតមានដង្កូវស៊ី បានសេចក្តីថាវាអត់ពុល" (ខុសស្រឡះ!)
• "យកទៅស្ងោរជាមួយស្លាបព្រាប្រាក់ បើអត់ខ្មៅគឺហូបបាន" (នេះជារឿងអត់ពិតទេ! ជាតិពុលក្នុងផ្សិតខ្លះ កំដៅធម្មតាមិនអាចសម្លាប់វាបានទេ)
• "ឃើញសត្វវាស៊ីបាន ពួកយើងក៏ស៊ីបានដែរ" (សត្វមានប្រព័ន្ធរំលាយអាហារខុសពីមនុស្សយើង)
ខ្ញុំចង់ប្រាប់ថា៖ "បើមិនស្គាល់ច្បាស់ ១០០% កុំសាកល្បងឱ្យសោះ!" ជីវិតយើងថ្លៃណាស់ កុំយកទៅប្រថុយនឹងអាហារមួយពេលឱ្យសោះ។

🔍 តើផ្សិតប្រភេទណាដែលគួរឱ្យខ្លាច?
ធម្មជាតិពិតជាអស្ចារ្យ តែវាក៏ចេះបន្លំដែរ។ ផ្សិតពុលខ្លះ មើលទៅដូចផ្សិតហូបបានខ្លាំងណាស់។ តែបើយើងសង្កេតឱ្យល្អិតបន្តិច យើងនឹងឃើញសញ្ញាព្រមាន៖
• ជើងផ្សិត៖ បើឃើញមានស្រោម ឬថង់នៅគល់ជើង (ដូចជាពែងដាក់ទឹក) នោះហើយជា "សញ្ញាគ្រោះថ្នាក់"។
• ចិញ្ចៀននៅជើង៖ ផ្សិតខ្លះមានក្រវាត់ដូចកងជុំវិញជើងផ្សិត នេះក៏ជាសញ្ញាត្រូវប្រយ័ត្ន។
• ការប្រែពណ៌៖ បើយើងបេះវា ឬកាត់វាហើយ សាច់វាប្រែពណ៌ខៀវ ខ្មៅ (ផ្សិតធ្យូងខ្មៅដែរ តែអាចញ៉ាំបាន) ឬក្រហមឆ្អៅភ្លាមៗ នោះគឺវាមានប្រតិកម្មខ្លាំង។
• Gills (ស្រទាប់ក្រោមមួក)៖ បើឃើញវាពណ៌សស្អាតពេក ក៏ត្រូវសង្ស័យដែរ។

💡 ហេតុអ្វីតំបន់ខ្លះញ៉ាំបាន តែតំបន់ខ្លះញ៉ាំអត់កើត?
នេះជារឿងគួរឱ្យចាប់អារម្មណ៍! មូលហេតុគឺដោយសារផ្សិតវាស្រូបយកអ្វីៗគ្រប់យ៉ាងពីដី។ បើដីក្បែរផ្ទះយើងមានជាតិគីមី ឬដីមិនល្អ ផ្សិតដែលដុះនៅទីនោះនឹងស្រូបយកជាតិពុលទាំងអស់មកទុកក្នុងខ្លួន។ ផ្សិតប្រភេទដូចគ្នាបេះបិទ បើដុះកន្លែងស្អាតអាចហូបបាន តែបើដុះកន្លែងកខ្វក់ គឺវាទៅជាថ្នាំពិសវិញ។

🌿 ពីខ្ញុំ (ក្នុងនាមជាអ្នកចូលចិត្តដាំដុះ)
ខ្ញុំផ្ទាល់ចូលចិត្តដាំដុះ ប៉ុន្តែខ្ញុំមិនដែលប្រថុយយកផ្សិតដែលដុះតាមរបងផ្ទះមកញ៉ាំទេ ទោះបីដុះលើអង្កាមស្អាតក៏ដោយ។ ខ្ញុំចូលចិត្តដាំផ្សិតខ្លួនឯង ដោយប្រើមេផ្សិតដែលគេវេចខ្ចប់ត្រឹមត្រូវ ដូចជាផ្សិតចំបើង ឬផ្សិតត្រចៀកកណ្តុរជាដើម។ ពេលយើងដាំខ្លួនឯង យើងដឹងច្បាស់ថាវាមានអនាម័យ ហើយពេលញ៉ាំទៅក៏មានក្តីសុខដែរ។

ការបេះផ្សិតព្រៃមកមើលមកសិក្សា គឺជារឿងល្អមួយដើម្បីឱ្យយើងយល់ពីធម្មជាតិ។ តែបើចង់ញ៉ាំ សូមជ្រើសរើសអ្វីដែលសុវត្ថិភាពបំផុត។

សង្ឃឹមថាការចែករំលែកនេះ នឹងជួយឱ្យមិត្តភក្តិទាំងអស់គ្នាមានការប្រុងប្រយ័ត្នខ្ពស់។ បើមានបទពិសោធន៍អ្វីចង់ចែករំលែកបន្ថែម ខមមិនប្រាប់គ្នានៅខាងក្រោមផងណា! 👇

#សុវត្ថិភាពចំណីអាហារ #ចំណេះដឹងកសិកម្ម #ផ្សិតធម្មជាតិ #ប្រុងប្រយ័ត្នផ្សិតពុល #ជីវិតសុវត្ថិភាព

15/06/2026

នៅតែមានគ្នាយើងបានសួរនាំថាសារធាតុ Lambda-cyhalothrin!
(ក្តៅ ឬត្រជាក់)
តើបងប្អូនយល់យ៉ាងណាចំពោះសារធាតុនេះ?

15/06/2026

🦠🍃 ជំងឺទុំលឿងស្លឹក (Downy Mildew) លើដំណាំត្រសក់ — កុំច្រឡំថាខ្វះជី!

រូបភាពខាងក្រោមនេះ គឺជារោគសញ្ញាជាក់ស្តែងនៃជំងឺ ទុំលឿងស្លឹក (Downy Mildew) ដែលជាជំងឺដ៏សំខាន់មួយលើដំណាំត្រសក់។ ជំងឺនេះអាចរាតត្បាតយ៉ាងលឿនក្នុងរយៈពេលតែប៉ុន្មានថ្ងៃប៉ុណ្ណោះ ប្រសិនបើលក្ខខណ្ឌអាកាសធាតុអំណោយផល និងមិនមានការគ្រប់គ្រងទាន់ពេលវេលា។
កសិករជាច្រើន ពេលឃើញស្លឹកលឿង តែងគិតថា ដំណាំខ្វះជី ឬខ្វះធាតុចិញ្ចឹម។ ប៉ុន្តែតាមពិតទៅ រោគសញ្ញាបែបនេះភាគច្រើនបណ្តាលមកពីជំងឺទុំលឿងស្លឹក ដែលបង្កឡើងដោយមេរោគ ហើយមិនអាចដោះស្រាយបានដោយការបន្ថែមជីតែមួយមុខឡើយ។
🔍 តើជំងឺទុំលឿងស្លឹកកើតមកពីអ្វី?
ជំងឺនេះបង្កឡើងដោយមេរោគ Pseudoperonospora cubensis ដែលអាចរីករាលដាលតាមខ្យល់ ទឹកភ្លៀង ទឹកស្រោច និងសំណល់ដំណាំដែលមានផ្ទុកមេរោគ។
ជំងឺនេះចូលចិត្តបរិយាកាស៖
🌧️ ភ្លៀងញឹកញាប់
💧 សំណើមខ្ពស់
🌫️ អ័ព្ទ ឬទឹកសន្សើមច្រើន
🌿 ចម្ការដាំក្រាស់ពេក
🌬️ ខ្យល់មិនសូវចេញចូល
💦 ស្លឹកសើមយូរ
នៅពេលដែលស្លឹកសើមរយៈពេលយូរ មេរោគអាចចាប់ផ្តើមឆ្លង និងបង្កើតរោគសញ្ញាក្នុងរយៈពេលខ្លី។
⚠️ រោគសញ្ញាដែលគួរស្គាល់
ជំងឺនេះភាគច្រើនចាប់ផ្តើមលើស្លឹកចាស់មុន។
🔸 មានចំណុចលឿងតូចៗនៅចន្លោះសរសៃស្លឹក
🔸 ចំណុចលឿងមានរាងជាជ្រុងៗ តាមបណ្តាញសរសៃស្លឹក
🔸 ចំណុចលឿងរីកធំឡើងជាបន្តបន្ទាប់
🔸 ប្រែទៅជាពណ៌ត្នោត ឬពណ៌ស្លឹកងាប់
🔸 គែមស្លឹកស្ងួត និងខូច
🔸 ស្លឹកជ្រុះមុនអាយុ
🔸 ផ្នែកខាងក្រោមស្លឹក អាចឃើញស្រទាប់ដូចផ្សិតពណ៌ប្រផេះស្រាល ឬស្វាយស្រាល
📌 ចំណុចសំខាន់បំផុត គឺចំណុចលឿងមានរាងជាជ្រុងៗ ដែលត្រូវបានកំណត់ដោយសរសៃស្លឹក។ នេះជាសញ្ញាដែលអាចបំបែកវាពីការខ្វះជីបានយ៉ាងងាយ។
📉 ផលប៉ះពាល់ដល់ទិន្នផល
ស្លឹក គឺជារោងចក្រផលិតអាហាររបស់ដំណាំ។
នៅពេលស្លឹកខូច៖
❌ ការសំយោគអាហារថយចុះ
❌ ដើមខ្សោយ
❌ ក្តឹបជ្រុះច្រើន
❌ ផ្លែតូច
❌ ផ្លែកោង
❌ គុណភាពផ្លែធ្លាក់ចុះ
❌ ទិន្នផលសរុបថយចុះយ៉ាងខ្លាំង
ក្នុងករណីធ្ងន់ធ្ងរ អាចធ្វើឱ្យចម្ការខូចស្ទើរតែទាំងស្រុង។

🌱 វិធានការការពារ និងគ្រប់គ្រង
1️⃣ ការគ្រប់គ្រងបែបកសិកម្ម
ការបង្ការតែងតែមានប្រសិទ្ធភាពជាងការព្យាបាល។
✔️ ដាំក្នុងគម្លាតសមស្រប
✔️ រៀបចំទ្រើងឱ្យមានខ្យល់ចេញចូលល្អ
✔️ តែងដើម កាត់ស្លឹកចាស់នៅផ្នែកខាងក្រោម
✔️ សម្អាតស្មៅក្នុងចម្ការ
✔️ ប្រមូលសំណល់ដំណាំដែលមានជំងឺចេញពីចម្ការ
✔️ ជៀសវាងការដាំត្រសក់ជាប់ៗគ្នាច្រើនរដូវនៅទីតាំងដដែល ...
2️⃣ ការគ្រប់គ្រងទឹក
💧 ស្រោចទឹកនៅគល់
💧 ជៀសវាងបាញ់ទឹកពីលើស្លឹក
💧 ស្រោចនៅពេលព្រឹក
💧 កុំទុកឱ្យរលាំទឹក
💧 កាត់បន្ថយរយៈពេលដែលស្លឹកសើម
3️⃣ វិធានការជីវសាស្ត្រ
បច្ចុប្បន្ន ការប្រើមីក្រូសរីរាង្គមានប្រយោជន៍ កំពុងទទួលបានការពេញនិយមកាន់តែច្រើន។
🦠 Trichoderma spp.
🦠 Bacillus subtilis
🦠 Bacillus amyloliquefaciens
🦠 Bacillus velezensis
សារធាតុជីវសាស្ត្រទាំងនេះអាចជួយ៖
✅ ប្រជែងជាមួយមេរោគ
✅ កាត់បន្ថយការរីករាលដាល
✅ ជំរុញប្រព័ន្ធការពារធម្មជាតិរបស់ដំណាំ
4️⃣ ពង្រឹងភាពរឹងមាំរបស់ដំណាំ
🌊 Seaweed Extract
🧬 Amino Acid
🪨 Silicon
🧪 Calcium + Boron
🧪 Potassium (K)
ការពង្រឹងដើមឱ្យរឹងមាំ នឹងជួយឱ្យដំណាំធន់នឹងជំងឺបានល្អជាងមុន។
5️⃣ ការប្រើសារធាតុគីមី
នៅពេលជំងឺចាប់ផ្តើមលេចឡើង ឬមានហានិភ័យខ្ពស់ អាចប្រើសារធាតុសកម្មដូចជា៖
🔹 Mancozeb
🔹 Cymoxanil
🔹 Dimethomorph
🔹 Propamocarb
🔹 Metalaxyl-M
🔹 Cyazofamid
🔹 Ametoctradin
🔹 Mandipropamid
🔹 Oxathiapiprolin
📌 ត្រូវប្តូរក្រុមថ្នាំជាប្រចាំ ដើម្បីកាត់បន្ថយការធន់ថ្នាំ។
📌 អានស្លាកណែនាំ និងប្រើតាមអត្រាកំណត់របស់ក្រុមហ៊ុនផលិតជានិច្ច។
📌 កុំលាយថ្នាំដោយគ្មានចំណេះដឹងបច្ចេកទេសច្បាស់លាស់។
💡 អ្វីដែលកសិករគួរចងចាំ
ជំងឺទុំលឿងស្លឹក មិនអាចគ្រប់គ្រងបានល្អ ដោយពឹងលើថ្នាំគីមីតែមួយមុខឡើយ។
ការគ្រប់គ្រងដែលមានប្រសិទ្ធភាពបំផុត គឺការរួមបញ្ចូលគ្នារវាង៖
🌱 វិធានការកសិកម្ម
🦠 វិធានការជីវសាស្ត្រ
🧪 វិធានការគីមី
ឬហៅថា IPM (Integrated Pest Management)។
📍 កុំរង់ចាំរហូតដល់ស្លឹកលឿងពេញចម្ការ ទើបចាប់ផ្តើមការពារ។ ការរកឃើញជំងឺនៅដំណាក់កាលដំបូង និងការចាត់វិធានការទាន់ពេលវេលា គឺជាគន្លឹះសំខាន់បំផុតក្នុងការរក្សាទិន្នផល និងប្រាក់ចំណេញពីចម្ការ។
🌿🥒 "ការពារស្លឹកបានល្អ គឺការពារទិន្នផលបានល្អ។ ព្រោះស្លឹក គឺជារោងចក្រផលិតអាហាររបស់ដំណាំ។"

#ទុំលឿងស្លឹក #ត្រសក់ #ជំងឺដំណាំ #បច្ចេកទេសកសិកម្ម #ចំណេះដឹងកសិកម្ម #កសិករខ្មែរ 🌱🍃🥒🦠

(វីដេអូរបន្ថែមក្នុងខុមមិន)

11/06/2026

🥒 តាសក់មានតែផ្កាឈ្មោល? កុំទាន់បារម្ភ! នេះជាមូលហេតុ និងដំណោះស្រាយជាក់ស្តែង

បងប្អូនកសិករជាច្រើនតែងតែសួរនាំថា៖ "ហេតុអ្វីតាសក់ខ្ញុំមានតែផ្កាឈ្មោលច្រើនម្ល៉េះ ឯផ្កាញីមិនសូវឃើញមានសោះ?"

តស់ មកស្វែងយល់ទាំងអស់គ្នា! តាមធម្មជាតិរបស់វា តាសក់អាចនឹងចេញផ្កាឈ្មោលមុនផ្កាញីប្រហែល ១សប្តាហ៍។ ប៉ុន្តែប្រសិនបើវាបន្តចេញតែផ្កាឈ្មោលរហូត នោះទើបជាសញ្ញាថាដើមតាសក់កំពុង "មានបញ្ហា" ហើយ។ មកនេះ! មកដឹងពីមូលហេតុ និងវិធីដោះស្រាយទាំងអស់គ្នា៖

❓ មូលហេតុចម្បងដែលធ្វើឱ្យតាសក់ "ចេញ់" ផ្កាឈ្មោលច្រើន៖
១. កម្តៅខ្លាំងពេក៖ តាសក់ចូលចិត្តសីតុណ្ហភាពពី ២០–៣០°C។ បើថ្ងៃក្តៅលើស ៣៥°C ឬយប់ក្តៅលើស ២៤°C ដើមនឹងសម្រេចចិត្ត "រំលូត" ផ្កាញីចោល ដើម្បីសន្សំថាមពល។
២. ប្រើជីអាសូត 👎 លើសកម្រិត៖ ការប្រើជីអ៊ុយរ៉េ (46-0-0) ច្រើនពេក ធ្វើឱ្យដើមដុះតែស្លឹកខៀវស្រងាត់ តែមិនព្រមចេញផ្លែទេ។
៣. ខ្វះទឹក៖ កាលណាដីស្ងួត ដើមតាសក់នឹងស្ត្រេស ហើយវាច្បាស់ជាមិនបង្កើតផ្កាញីដែលត្រូវការថាមពលខ្ពស់នោះទេ។
៤. ពូជមិនសក្តិសម៖ ពូជខ្លះមានហ្សែនផលិតផ្កាឈ្មោលច្រើនពីធម្មជាតិ។
៥. ដាំដុះក្រាស់ពេក៖ កង្វះពន្លឺ និងខ្យល់ចេញចូលមិនល្អ ក៏ជាកត្តាធ្វើឱ្យការចេញផ្កាញីថយចុះ។
៦. កង្វះធាតុចិញ្ចឹម៖ ការខ្វះផូស្វ័រ (P), ប៉ូតាស្យូម (K), បូរ៉ុន (B) និងកាល់ស្យូម (Ca) ធ្វើឱ្យការបង្កើតផ្កា និងផ្លែមិនបានល្អ។
៧. …..

✅ ដំណោះស្រាយដើម្បីបង្កើនផ្កាញីឱ្យបានច្រើន៖
🔹 កែតម្រូវការដាក់ជី៖ កាត់បន្ថយអ៊ុយរ៉េ នៅពេលដល់វគ្គចេញផ្កា។ ប្តូរមកប្រើរូបមន្តដែលបង្កើន P និង K ហើយបន្ថែមជីជាតិបូរ៉ុប និងកាល់ស្យូម។
🔹 បច្ចេកទេសកាត់តាក់តែង (Pruning)៖ នេះជារឿងសំខាន់! នៅពេលដើមមេបានប្រមាណជា ២តឹក សូមកាត់តាក់តែងវា
🔹 គ្រប់គ្រងទឹកឱ្យបានល្អ៖ ស្រោចទឹកឱ្យទៀងទាត់ ហើយប្រើចំបើង ឬកៅស៊ូគ្របរងដើម្បីរក្សាសំណើម កុំឱ្យដីស្ងួតខ្លាំង
🔹 ប្រើអរម៉ូនឱ្យត្រូវកម្រិត៖ ប្រសិនបើចាំបាច់ អាចប្រើអរម៉ូនជម្រុញផ្កាញីបាញ់ក្នុងកម្រិតស្រាល (ត្រូវប្រាកដថាប្រើតាមការណែនាំពីអ្នកជំនាញ មិនត្រូវប្រើលើសកម្រិតឡើយ)។
🔹 ជំរុញការបង្កាត់លំអងផ្កា៖ ការប្រើប្រាស់ថ្នាំពុលកសិកម្មនានាក្នុងវគ្គចេញ់ផ្កា សូមប្រយ័ត្នប្រយែង ព្រោះវាអាចនឹងធ្វើឲ្យឃ្មុំដែលជាភ្នាក់ងារបង្កាត់លំអងងាប់ ឬលែងហ៊ានចូលចម្ការយើង
🔹 ជ្រើសរើសពូជ៖ ប្រសិនបើដាំលើកក្រោយ សូមស្វែងរកពូជ F1 Hybrid ប្រភេទ Gynoecious (ពូជដែលមានផ្កាញីច្រើន) និងគួរដាំលាយពូជ កុំដាំតែ ១ (បទពិសោធន៍ខ្ញុំ ពូជត្រូវប៉ាន់ទីផ្សារ និងទិន្នផលច្រើនខ្ញុំប្រើ ៨០% លាយនឹងពូជផ្សេង ១ ឬ ២ក្រុមហ៊ុនទៀតដាក់ច្របល់គ្រាប់ចូលគ្នាគ្នាមុននឹងដាំ ឬបណ្តុះ ២០% បន្ថែម)
🔹……

💡 សរុបមកវិញ៖ ផ្កាឈ្មោលច្រើន គឺជា "សញ្ញាព្រមាន" ពីដើមតាសក់ថាគាត់កំពុងជួបបញ្ហា។ បងប្អូនកសិករត្រូវចេះសង្កេត ហើយកែតម្រូវបរិស្ថានជុំវិញឱ្យបានទាន់ពេលវេលា ទើបទទួលបានទិន្នផលខ្ពស់។

📌 ប្រសិនបើបងប្អូនចង់បាន តារាងកាលវិភាគដាក់ជី ឬមានចម្ងល់បច្ចេកទេសផ្សេងៗ សូមខំមិន (Comment) ឬផ្ញើសារមកកាន់ផេករបស់យើង! យើងរីករាយនឹងចែករំលែកដោយក្តីស្មោះត្រង់។ 🌱

#បច្ចេកទេសកសិកម្ម #តាសក់ #កសិកម្មសុវត្ថិភាព

10/06/2026

អាថ៌កំបាំង ...

មួយក្នុងចំណោមរឿងផ្សេងទៀតដែលខាងខ្ញុំលើករងម្តង ដាំបន្លែបានច្រើនវគ្គ! ...

10/06/2026

ផេកដែលបង្ហោះស្តាយបែបនេះ ខ្ញុំប្លុកចោលអស់ហើយ! ចុះអ្នកអានវិញ?

ប៉ុន្មានឆ្នាំចុងក្រោយនេះ ខ្ញុំសង្កេតឃើញផេក និងអ្នកបង្កើតមាតិកាជាច្រើន ប្រើវិធីមួយដែលធ្វើឱ្យមនុស្សចង់ចុចមើលខ្លាំងណាស់។

គេសរសេរចំណងជើងបែប...
🔴 «មាសនឹងឡើងថ្លៃ 100% ដោយសារអាមេរិកគ្រោងធ្វើរឿងមួយ...»
🔴 «អ្នកជំនាញរកឃើញអាថ៌កំបាំងមួយ ដែលមនុស្ស 99% មិនដឹង...»
🔴 «កសិករភាគច្រើនកំពុងធ្វើខុសរឿងមួយនេះ...»
អានហើយចង់ដឹងភ្លាម! 😅

ប៉ុន្តែពេលចុចចូលអាន...
ខ្លះមានខ្លឹមសារល្អ និងមានប្រយោជន៍ពិតប្រាកដ។ 👍

តែខ្លះទៀត... អានចប់ហើយសួរខ្លួនឯងថា៖
"អញ្ចឹងខ្ញុំខ្ជះខ្ជាយពេល 5 នាទី ដើម្បីអានរឿងហ្នឹងមែនទេ?" 🤦‍♂️

ផេកខ្លះ ខ្ញុំបាន Block ចោលអស់ហើយ 🤭

💡 តាមពិតទៅ នេះគឺជាបច្ចេកទេសទីផ្សារមួយ ដែលគេហៅថា Clickbait ឬ Curiosity Gap។
និយាយឱ្យងាយយល់ គឺប្រាប់តែពាក់កណ្តាលរឿង ដើម្បីឱ្យមនុស្សចង់ដឹង ហើយចុចចូលអានបន្ត។
🎯 គោលបំណងរបស់ពួកគេគឺ៖
✅ ចង់បានអ្នកចូល Website ច្រើន
✅ ចង់បាន Comment, Like និង Share
✅ ចង់បង្កើន Engagement
✅ ចង់រកចំណូលពី Ads
ហើយតាមពិតទៅ វាមិនមែនជារឿងខុសនោះទេ។ វាជាបច្ចេកទេសទីផ្សារដែលគេប្រើទូទាំងពិភពលោក។ 🌍

⚠️ បញ្ហាគឺនៅត្រង់ថា...
ពេល "ការទាក់ទាញ" ក្លាយជា "ការបោកឱ្យចុច"
ពេល "ចំណងជើង" ធំជាង "ខ្លឹមសារ"
ពេល "នុយ" ធំជាង "សាច់"
នោះទំនុកចិត្តរបស់អ្នកតាមដាននឹងចាប់ផ្តើមធ្លាក់ចុះ។
📌 ចំណងជើងនិយាយ 100%
តែខ្លឹមសារពិតមានតែ 10%
📌 សន្យាថានឹងប្រាប់អាថ៌កំបាំង
តែចុងក្រោយគ្មានអ្វីថ្មី
📌 ធ្វើឱ្យមនុស្សចុចចូលមើល
តែមិនបានទទួលអត្ថប្រយោជន៍អ្វីសោះ
នោះមិនមែនជា Marketing ទៀតទេ។
វាគ្រាន់តែជាការខ្ជះខ្ជាយពេលវេលារបស់អ្នកអានប៉ុណ្ណោះ។ 😔

🌱 អ្នកតាមដានម្នាក់ អាចចាញ់ចំណងជើងម្តង...
អាចចាញ់ពីរដង...
អាចចាញ់បីដង...
ប៉ុន្តែថ្ងៃណាមួយ គាត់នឹងដឹងថា
"ផេកនេះមានតែនុយ តែគ្មានសាច់" 🪱
ហើយនៅថ្ងៃនោះ គាត់មិនត្រឹមតែឈប់ចុចទេ...
គាត់អាចឈប់ជឿទៀតផង។ 🚶

❤️ សម្រាប់ Content Creator ទាំងអស់
ចូរប្រើចំណងជើងដែលទាក់ទាញចិត្តមនុស្សចុចអានចុះ...
ប៉ុន្តែកុំភ្លេចផ្តល់តម្លៃពិតដល់អ្នកអានផង។
🎯 ទាក់ទាញបាន = ល្អ
🎯 ធ្វើឱ្យគេចង់អាន = ល្អ
🎯 ផ្តល់ចំណេះដឹងពិត = កាន់តែល្អ
ប៉ុន្តែ...
❌ បំផ្លើសហួសហេតុ
❌ លាក់ខ្លឹមសារទាំងស្រុង
❌ ប្រើអ្នកតាមដានដើម្បីយកតែ Click
វាមិនអាចកសាងទំនុកចិត្តរយៈពេលវែងបានឡើយ។

🙏 នៅទីបញ្ចប់...
អ្នកតាមដានមិនមែនជាត្រីសម្រាប់ចាំខាំនុយរាល់ថ្ងៃទេ។
ពួកគេគឺជាមនុស្ស ដែលបានចំណាយពេលវេលាដ៏មានតម្លៃរបស់ពួកគេ មកតាមដាន និងផ្តល់ទំនុកចិត្តដល់យើង។
🎣 នុយ អាចធ្វើឱ្យគេចុចម្តង...
❤️ តែតម្លៃពិត ទើបធ្វើឱ្យគេនៅជាមួយយើងយូរអង្វែង។

#អ្នកតាមដានមិនមែនជាត្រីទេ #នុយអាចទាក់ទាញតែម្តង_តម្លៃពិតទើបទាក់ទាញបានរហូត 🎣📚✨

08/06/2026

🌿 រូបមន្តលាយដីបណ្តុះកូន និងដីដាំដុះ៖ «គ្រឿងផ្សំសាមញ្ញ តែលទ្ធផលកម្រិតស្តង់ដារបច្ចេកទេស»

សួស្តីបងប្អូនកសិករ និងអ្នកស្រឡាញ់ការដាំដុះទាំងអស់គ្នា! ខ្ញុំតែងតែផ្សំល្បាយដីសម្រាប់បណ្តុះកូនបន្លែ និងដាំដុះដោយខ្លួនឯង តាមរូបមន្តងាយៗ ៣មុខនេះជាគោល តែលទ្ធផលគឺកូនដំណាំលូតលាស់ល្អ ឫសដើរខ្លាំង និងមានសុខភាពល្អណាស់។

គ្រឿងផ្សំទាំង ៣ មុខនោះរួមមាន៖ ដីដំបូក + ធ្យូងអង្កាម + ជីកំប៉ុស្ត ឬលាមកគោពុកផុយ។

បើមើលមួយភ្លែត វាគ្រាន់តែជាគ្រឿងផ្សំធម្មតាៗដែលយើងងាយរកបាននៅតាមស្រុកភូមិ ប៉ុន្តែបើនិយាយពី "លក្ខណៈបច្ចេកទេសកសិកម្ម" វិញ ល្បាយទាំង ៣ មុខនេះបំពេញតួនាទីឲ្យគ្នាទៅវិញទៅមកយ៉ាងល្អឥតខ្ចោះ៖

១. ដីដំបូក (គ្រោងឆ្អឹង និងបន្ទាយផ្ទុកសារធាតុចិញ្ចឹម)៖ ដីដំបូកជាប្រភេទដីដែលមានស្រទាប់ដីឥដ្ឋ និងដីល្បាប់ខ្ពស់ វាសម្បូរទៅដោយរ៉ែធម្មជាតិ ដែលដីខ្សាច់ទូទៅមិនអាចមាន។ វាបំពេញតួនាទីជា "គ្រោងឆ្អឹង" ជួយទប់ឫសដំណាំឲ្យមាំ និងមានសមត្ថភាពខ្ពស់ក្នុងការទប់ទល់រក្សាសារធាតុចិញ្ចឹម (CEC - Cation Exchange Capacity) មិនឲ្យហូរចោលពេលយើងស្រោចទឹក។

២. ធ្យូងអង្កាម (សួតដកដង្ហើម និងផ្ទះរបស់មីក្រូសារពាង្គកាយ)៖ ដីដំបូកបើប្រើទទេៗវានឹងហាប់ណែនពេក ធ្វើឲ្យថប់ឫស។ ដូច្នេះវត្តមានរបស់ធ្យូងអង្កាម គឺជួយធ្វើឲ្យដីធូរ មានរន្ធខ្យល់ចេញចូលបានល្អ (Aeration) ដែលប្រៀបដូចជា "សួត" សម្រាប់ឲ្យឫសដកដង្ហើម និងដកទឹកបានស្រួល។ ជាងនេះទៅទៀត រន្ធតូចៗនៅក្នុងធ្យូងអង្កាម គឺជាជម្រកដ៏សុវត្ថិភាពសម្រាប់បាក់តេរី និងផ្សិតល្អៗ (ដូចជា Trichoderma ឬ Bacillus) រស់នៅ និងបង្កើតផលដល់ដី។

៣. ជីកំប៉ុស្ត ឬលាមកគោពុកផុយ (ផ្ទះបាយ ឬប្រភពស្បៀងអាហារ)៖ នេះគឺជាប្រភពសរីរាង្គវត្ថុ (Organic Matter) ដ៏ចម្បងដែលផ្តល់នូវធាតុអាហារចាំបាច់គ្រប់គ្រាន់សម្រាប់កូនដំណាំចាប់ផ្តើមដុះពន្លក និងលូតលាស់។ មិនតែប៉ុណ្ណោះ វាក៏ជួយបង្កើនអត្រាស្រូបទឹករបស់ដី និងធ្វើឲ្យដីមានសំណើមជាប់ជានិច្ច។ (បញ្ជាក់៖ ដាច់ខាតត្រូវប្រើលាមកសត្វដែលពុករលួយល្អ១០០% ដើម្បីចៀសវាងការឡើងកម្តៅអប់ឫស និងកុំឲ្យមានមេរោគផ្សិតចង្រៃ)។

💡 គន្លឹះបច្ចេកទេសបន្ថែម៖ មុននឹងយកទៅប្រើប្រាស់ បងប្អូនអាចលាយគ្រឿងផ្សំទាំង ៣ នេះចូលគ្នាឲ្យសព្វ (ដំណាំផ្សេងគ្នា បរិមាណសមាសធាតុផ្សំខុសគ្នា ឬសមាមាត្រតាមការសង្កេតជាក់ស្តែង) រួចស្រោចទឹកសើមៗ លីង ឬចំហុយ អប់ទុកចោលពីរបីថ្ងៃ ដោយអាចលាយបន្ថែមត្រៃកូដឺម៉ា វានឹងរឹតតែធ្វើឲ្យល្បាយដីនេះមានជីវជាតិ និងរស់រវើក។

កសិកម្មឆ្លាតវៃ មិនមែនទាល់តែប្រើរបស់ថ្លៃៗនោះទេ គឺការចេះច្នៃប្រឌិត និងយល់ពីលក្ខណៈវិទ្យាសាស្ត្ររបស់វា។ សាកល្បងរូបមន្តសាមញ្ញនេះមើលចុះ បងប្អូននឹងឃើញពីភាពខុសប្លែកនៃប្រព័ន្ធឫស និងភាពរឹងមាំរបស់កូនដំណាំមិនខានឡើយ! 😉🌱

#បច្ចេកទេសកសិកម្ម #ល្បាយដីបណ្តុះកូន #កសិកម្មធម្មជាតិ

កំពុងរៀបចំល្បាយដីបណ្តុះកូនបន្លែ​ បណ្តុះកូនដំណាំ និងដីដាំរុក្ខជាតិ ✅