30/04/2026
នៅថ្ងៃទី៣០ ខែមេសា ឆ្នាំ២០២៦ នៅសាលប្រជុំសាលាស្រុកដងទង់ បានរៀបចំកិច្ចប្រជុំពិភាក្សាសម្រាប់ចុះពិនិត្យព្យាបាលជំងឺ និងចែកឱសថ ផ្តល់សេវាជូនប្រជាពលរដ្ឋ ដោយឥតគិតថ្លៃ និងឥតគិតថវិកា បេសកកម្ម របស់ក្រុមការងាររបស់ក្រុមហ៊ុន អឹឡាយជ៍ មេឌីខល សឹបផ្លាយ ឯ.ក ( A.M.S ) និងក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ដែលនឹងប្រព្រឹត្តទៅនៅថ្ងៃទី១៧ ខែឧសភា ឆ្នាំ២០២៦ នៅស្រុកដងទង់ ខេត្តកំពត ខាងមុខនេះ ក្រោមអធិបតីភាពឯកឧត្តម លេង ផាលី រដ្ឋលេខាធិការក្រសួងផែនការ ជាសមាជិកគណៈអចិន្ត្រៃយ៍គណៈកម្មាធិការកណ្តាលសហភាពសហព័ន្ធយុវជនកម្ពុជា និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី និងឯកឧត្តម អ៉ឹង ឆាយ អភិបាលរងខេត្តកំពត ។
