11/04/2026
اليوم في عمان، وتحديدا في منطقة شفا بدران.
من عز الصبح والدنيا لسه برد،
والناس نايمة ببيوتها، كان في ناس على الأرض،
ناس بلشت يومها قبل الكل.
كوادر أمانة عمان،
شغل فعلي وتعب حقيقي، وجاهزية من أول لحظة.
والسبب خطوة ناس كثير كانت مستنيتها من سنين،
وهي إزالة دوار جامعة العلوم التطبيقية.
هذا الدوار الناس سمته دوار الخازوق،
مش مبالغة، ولا مزحة.
لأنه بكل بساطة، كان سبب يومي لأزمات خانقة وحوادث،
وتوتر لكل واحد بمر من هناك.
لكن خلال الشغل اليوم، صار موقف حبس أنفاس الكل،
وموثق بالفيديو، عمود وقع فجأة.
بس الحمدلله العمود وقع على ذراع الحفارة،
مش على الحفارة نفسها،
والأهم إنه السواق طلع منها على خير، بدون أي إصابة.
وهون بنفهم قديش الشغل في الميدان
مش بس تعب، الشغل في الميدان مخاطرة بكل ثانية.
مشان هيك لازم نعرف إنه في ناس بتنزل قبل الفجر،
وناس ما شافت أولادها قبل ما تطلع،
ناس واقفة بين الحديد والآليات،
وبتشتغل بإيدها، وتحت خطر حقيقي بالشمس بالبرد، بالعطل وبغير العطل.
ناس بتتعب بصمت، وبتخاطر،
عشان حياتنا تمشي أسهل.
وفي النهاية، ما في كلام بوفيكم حقكم.
بس من القلب الله يقويكم، ويعطيكم الصحة والعافية.
شكرا لكل إيد تعبت،
ولكل واحد نزل على الميدان وهو عارف إنه في خطر، بس كمل شغله،
عشان حياتنا تمشي أسهل وطريقنا يكون آمن.
"الصورة تعبيرية"
