19/02/2026
ንዓሰርተ ሽሕ መናእሰይ ዕድል ስራሕ ክፈጥር ትፅቢት ዝተገበረሉ ተኽሊ ዒቃ ብብርኪ ቁሸት ንምልማዕ ዘኽእል ሰለስቲኣዊ ሰነድ ስምምዕ ተፈሪሙ።
Tigray Bureau of Agriculture and Natural Resource
Mesfin Metals and Engineering PLC - Effort
Tigrai Television
ንዓሰርተ ሽሕ መናእሰይ ዕድል ስራሕ ክፈጥር ትፅቢት ዝተገበረሉ ተኽሊ ዒቃ ብብርኪ ቁሸት ንምልማዕ ዘኽእል ሰለስቲኣዊ ሰነድ ስምምዕ ተፈሪሙ።
ቢሮ ሕርሻን ሃፍቲ ተፈጥሮን ትግራይ፣ ማሕበር ሕብረት ስራሕ ኢንዱስትሪታት ፍኖትን መስፍን ሓፂነ መፂን ኢንጂነሪንግን ኣብ ምልማዕ ተኽሊ ዒቃ (ሽሕቖ) ሓቢሮም ዝሰርሑሉ ስምምዕ ሰነድ ተፈራሪሞም።
አዚ ተኽሊ ዒቃ ብብርኪ ቁሸት ንምልማዕ ዝዓለመ ስምምዕ፥ ንኣሽሓት መናእሰይ ዕድል ስራሕ ዝፈጥርን ካብ ድኽነት ዘናግፍን ምዃኑ ዳይረክተር ዳይረክቶሬት ልምዓት መፋስስ ቢሮ ሕርሻን ሃፍቲ ተፈጥሮን ኣይተ ተስፋለም ገብረ ገሊፆም።
ኣካቢ ቦርድ ማሕበራት ሕብረት ስራሕ ፍኖት ኣይተ መኮነን ፀጋይ ብወገኖም ኣብ ከይዲ ንኩለን ወረዳታት ትግራይ ክሓቁፍ ተሓሲቡ ዝተጀመረ እዚ ፕሮጀክት፥ ዛጊድ ኣብ 12 ወረዳታት ተግባራዊ ምዃን ምጅማሩ ኣፍሊጦም።
ተወካሊ መስፍን ሓፂን መፂን ኢንጂነሪንግ ኣይተ ተስፋለም ክንደያ፥
ትካሎም ምህርቲ ዒቃ ናብ እታወትነት ንዝቕየርሉ ከይዲ (Processing) ዝሕግዙ ማሽናት ዲዛይን ኣብ ምውፃእን ምፍራይን ተሳታፊ ከምዝኸውንን ኣብዚ እዋን ተግባራዊ ስራሕቲ ምጅማሩን ተዛሪቦም።
ንዓሰርተ ሽሕ መናእሰይ ዕድል ስራሕ ክፈጥር ትፅቢት ዝተገበረሉ ''ፕሮግራም ለውጢ ኣብ ቁሸት''፥ ኣብ ከይዲ ካብ ዒቃ ብተወሳኺ ከም ተኽሊ ዕረ ዝበሉ ተወሰኽቲ ተኽልታት ክፅንብር ከምዝስራሕ ተገሊፁ።
