24/11/2023
Meeshaa waraanaa diinni Awwaale hordoffii qaama nageenyatiin too’atame.
Sadaasa 13 Bara 2016
Godina Iluu abbaa boor Aanaa algee saachii Ganda dhiphaa keessatti meeshaa waraanaa diinni Awwaale Eeruu hawaasa keessaa argamee irratti hundaa’uudhaan hordoffii Qajeelchi Poolisii Godina Iluu Abbaaboor taasiseen meeshaan waraanaa gosa adda adda iddoo awwaalame bahe jira. meeshaaleen kunis :-
- Kilaashii dacha’aa tokko(1)
- shuulkeetti torba(7)
- SKS tokko (1)
- PPSH sadii (3) kaartaa 3 waliin fi
- Filubeerii tokko(1) sakatta’insaa taasifameen iddoo awwaalamee bahee kan to’atame ta’uu kutaa Olaanaa Ittisaa Yakkaa Qajeelcha Polisii Godina Iluu Abbaaboor komaandar Takkaaliny Taasisaa ibsaniiru.
Haaluma kanaan olantummaa seeraa kabachiisuun ciminaan hojjiwwaan hojjetamaaniin milkaa’inni argame bu’aa hawaasaa waan ta’eef,nageenya hawaasaa akka mirkanaa'uuf hooggantoota kaasee hanga caasaa gandooleetti bu’aa nageenyi qabu hubannoo argateen xiiqiin hojjechuun, hawaasni keenya yaaddoo nageenyaa tokko malee,hojii misooma isaa karaa guutuu ta’een itti fufuu qabu.
Akkasumas hawaasni keenya Eeruu qaama nageenyaatiif kennuun qaama nageenyaa cina dhabbachuu isaanitiif qajeelchi Poolisii Godina Iluuabbaboor galata guddaa kan qabdan ta’uu fi gara fulduratti tumsi keessan kun daran cimee itti fufuu akka qabu murteessaa ta’uu dhaamaniiru. Kominikeeshinii Qajeelcha Poolisii Godina Iluuabba boortu gabaase.
Nagaan hunda keenyaaf.
Odeeffannoon Wayitaawaan bakka jirtanitti akka isin dhaqqabuuf fuula miidiyaa hawaasaa Poolisii Oromiyaa irraa argachuuf:-
Www.oromiapolice.gov.et
https://www.facebook.com/oromiapolicecommission
https://t.me/oromiapolice
