04/10/2023
Irreechi wiirtuu obbolummaan dhugaa itti mul’atu, kan araara waaqaatiin namootni lolaafi cabbii, bakakkaafi duumeessa akkasumas qilleensa hamaa baatii gannaa darbanii ifa barii birraatti ce’uu isaaniitiif galata itti galfatanidha.
Guyyaan Irreechaa guyyaa namootni wal dhaban itti wal araarfatan, garaagartummaa gidduu isaanii jiru tokkummaan bakka buusanii waliin itti dhaabbatan, dhiifama waliif godhanii obbolummaa dhugaa itti mul’isan guyyaa eebbifamaadha.
Hamminni hawaasa gidduutti akka bakka hin argamne, jibbi jaalalaan bakka bu’ee, tokkummaaf obbolummaan dagaagee akka mul’atuu akkasumas maanguddootni, dargaggootni, dubartoonnii fi daa’imman akka nagaa qabaataniif eebbaan dabaalamee kan kabajamu ayyaanni irreechaa dhiyaatee jira.
Ayyaanni irreechaa bara kanaa akkaataa safuu fi duudhaa isaa eegeen akka kabajamuuf qophiin kan xumurame yemmuu ta’u, milkaahina ayyaana eebbifamaa kanaatiif hunduu gahee isaa bahachuun murteessaadha.
