12/10/2023
Kufaatii kufnee jirraa
Ni kaana hin hafnu ciifnee
Biyyaa kanaas ni deemna
Barnoota Biree dhiifnee
Nuti qofti hin kufne bar
Wajjiin kufne yaa biyyaa
Hiyyeessi bu'aa dhabee
Dhala isaas dhabee iyyaa
Barnootaan biyyi kufte
Dugda kamiin ol kaatii
Osooma jirra jettuu
Addunyaa keessa baatii
Nutuu kufeef hin yaadiin
Situu kufee Biraanuu
Barataan waama lamaa
Kufuuf darbuudha duraanuu
Nuti har'a kukufnee
Yoo ciifne awwaara keessa
Nutoo bor ni darbiinaa
Jiraattu ni dhageessaa
Ani kufuu koo caalaa
Biyyattii kuftun argaa
Mee barataa kufiisee
Biyyi eenyufaan margaa
Ba'aa dhalootaa taanee
Daandii gubbaarra ciifnee
Qo'achuu fi barachuus
Nu ga'eera amma dhiifnee.
.
