17/09/2026
Amaloota Jireenya Kee Ajjeesan.
~~~~~~~~™™~~~~~~~~~~~
Amalootni armaan gadii kunneen suuta suutaan jireenye kee ajjeesu. Amaloota akkanaa qabda taanaan dafii maqsii jireenya fayya-qabeessa jiraadhu.
1. Waanuma hundaaf humnaa ol dhiphachuu:
• Waantoota too'achuu dandeessu qofarratti xiyyeeffadhu. Kunis ilaalcha kee, yaada kee fi gocha keeti.
• Waantoota too'achuu hin dandeenyeef dhiphachaa ooluun yeroo kee, humna kee fi fayyaa kee balleessa waan ta'eef itti dhiisi.
• Hubadhu: Al tokko tokko wanti ati dhiphachaafii ooltu waan qabatamaan lafarratti hin uumane faa ta'uu danda'a.
2. Namoota biraatiin of madaaluu:
• Namoota biraatiin of madaaluun humna kee buusee gadi'aantummaan akka sitti dhaga'amuu fi abdii akka kutattu si taasisa.
:
• Ati nama addaati. Dandeettii addaa qabda. Daandii mataa keetirra imalaa jirta. Akka carraa ta'e namni tokko si dura milkaa'uu danda'a. Kan ati hubachuu qabdu garuu, aduu fi addeessis yeroo gara garaatti ifu. Kanaaf guyyaan kee ni dhufa. Obsa, kutannoo fi cichoominaan hojjachuu qofatu sirraa eegama.
3. Hirriiba ga'aa dhabuu:
• Turanii rafuun ykn hirriiba ga'aa dhabuun oomishtummaa kee kan guyyaa itti aanuu ajjeesa. Yeroo dheeraaf itti fufiinsaan hirriiba dhabuun ammoo fayyaa kee miidha. Amalli kun gufuu milkaa'inaa isa guddaadha.
4. Fayyaa kee dagachuu:
• Fayyaan kee qabeenya kee isa guddaa hanga dhumaatti ati eeggachuu qabduudha. Fayyaa guutuu qabaachuu baannaan hojiin hin yaadamu. Hojjachuu baannaan ammoo guddinni hin yaadamu. Kanaaf fayyaa kee dagachuu hin qabdu.
5. Yeroo sirrii eeguu.
• Guyyaan kee har'uma. Boru guyyaa abbaa biraa ta'uu danda'a. Gama biraatiin boru jiraachuu fi jiraachuu dhabuu keetiif wabii maal qabda? Kanaaf yeroon sirriin har'a ta'uu hubadhu. Beellamuu dhiisii waan hojjachuu qabdu har'uma hojjadhu.
6. Kufaatii sodaachuu:
• Namni baay'een sodaa kufaatiif jecha hojii jalqabuu sodaata. Kufaatiin adeemsa milkaa'inaati. Namni osoo kufaatiin isa hin qunnamin milkaa'e hin jiru.
