15/12/2024
አርሴናል ስነልቦናው በጣም ስስ ነው። ደጋፊዎችም ቢሆኑ እንደ ህፃን ልጅ በትንሽ የተስፋ ጭላንጭል የሚደሰት መንፈስ በትንሽ እንቅፋት በሀዘን ቀሽ ብሎ የሚሰበር ልብ ነው ያላቸው። ብዙ አድካሚ ስራ የሚጠብቀውን የሊግ ዋንጫ ገና ሲዝኑ ጅማሬ ላይ የኛ ነው ብለው አፋቸውን ሞልተው ይናገራሉ። ከዛ እንዲህ ክለባቸው የተወሰኑ ጭዋታዎች ላይ ውጤት ሲጠምበት ደግሞ ተስፋ ቆርጠው በሀዘን ኩርምትምት ብለው ይቀመጣሉ። ይህ ባህሪያቸው ሁሌም ይደንቀኛል።
ወደ ክለባቸው እና ውጤታቸው ስንመለስ ደግሞ ከውጤቱ ይልቅ አሰልጣኛቸው ከጭዋታ በኋላ የሚሰጠው አስተያየት የአርሴናልን ደጋፊዎች የበለጠ ሊያስጨንቃቸው ይገባል። "ጥሩ ነበርን ማሸነፍ ይገባን ነበር" እያለ ሲናገር ትንሽ አይደብረውም። ድክመታቸውን በግልፅ ተናግሮ ተጫዋቾቹን ገስፆ ለዋንጫ ተፎካካሪ ለማድረግ ጥረት ካላደረገ በቀር እንዲህ ሁሌ ጥሩ ሳይሆኑ ምርጥ ነበርን የሚል ሽፋን እየሰጣቸው በሚኬል አርቴታ የአርሴናልን እድገት እንዳትጠብቁ።
