OUCH Online Shopping

فكرنا قبل ما نتكلم عن ال network marketing و ازاي نشتغل صح، اننا نعرف الناس ازاي يختارو الشركة الصح اللي يشتغلو فيها، بس قبل ما نكتب ال post دا كان اكتر حاجة الناس بتتكلم فيها في مصر و الشرق الاوسط هي ان كل واحد شايف ان الشركة اللي هو فيها احسن شركة و مش بس كدا دا بيقارن بينها و بين باقي الشركات اللي شغالة في نفس المجال ! الموضوع مختلف كليا لأن كل شركة ليها المنتج بتاعها و انت في الاساس بتشتري منتج مش فرصة بس لو هاتشتري منتج و تستغل الفرصة في نفس الوقت لازم تفكر كويس جدا قبل ما تختار الشركة اللي هاتشتغل فيها، و عشان شغلك يكون صح، احنا هانقولك علي اهم النقط اللي لازم تكون موجودة في الشركة قبل ما تبدأ شغل، ولازم النقط كلها تكون متوفرة في الشركة ولو حاجة ناقصة تبقي الشركة بتعرض نفسها للمسائلة. (1) اول حاجة ال product value انت في الاساس بتشتري منتج مش فرصة زي ما اتفقنا ولازم تسأل نفسك، هو المنتج دا بينطبق عليه قانون العرض والطلب ؟ هل فعلا في طلب علي المنتج دا ؟ ولا هو مبالغ فيه ؟ عشان تعرف تجاوب علي الاسئلة دي، جاوب الاول علي السؤال المهم دا، لو مافيش عمولة و ارباح هل هاتشتري المنتج بالسعر دا ؟ لو لقيت المنتج من غير فرصة سعره مبالغ فيه و قيمته اقل بكتير من السعر، ياريت تفكر كويس في قانونية الشركة قبل ما تفكر انك تنضم ليها !!! (2) تاني حاجة ال system بتاع الشركة ال DSA اللي هي منظمة البيع المباشر المراقبة علي شركات ال network marketing في امريكا قالت ان system الشركة لازم يكون open system مش closed system ! يعني ايه الكلام دا بقي، يعني انت عشان تشتري المنتج من الشركة مش لازم تشتري عضوية منها دي حاجة براحتك يا اما تشتري المنتج و العضوية او المنتج بس حاجة ترجعلك، لأن المنتج للمستهلك، و العضوية للناس اللي عاوزة تشتغل و طبق الكلام دا علي اي حاجة بتشتريها، تخيل و انت رايح تشتري حاجات من ال super market و الراجل قالك لازم تشتري عضوية عشان تشتري من عندنا، هايكون ايه رد فعلك ؟ (3) تالت حاجة و دي من اهم ما يميز الشركات القانونية عن الشركات الغير قانونية او الهرمي! ان الشركة تكون بتدفعلك ال commission علي المبيعات مش انك بتجيب ناس تشتغل، وكل ما تجيب ناس اكتر كل ما تكسب اكتر، دا غلط و محرم دوليا و امريكا و اوروبا مانعين النوع دا من الشركات انه يشتغل عندهم! يبقي الشركة بتدفعلك commission في حالة البيع و الشراء او الاستخدام الشخصي للمنتجات. (4) رابع حاجة مش لازم تجيب ناس كتير في فريقك عشان تكسب من الشركة، ممكن تشتغل لوحدك من غير ما تجيب شخص واحد و تقبض ارباحك من الشركة براحتك! عشان تكسب ليك خيارين 1- انك تشتغل بنفسك من غير مساعدة حد 2- انك تكون فريق و تشتغلو و تكسبو مع بعض في ال network marketing القانوني انت ممكن تشتغل لوحدك او تتوسع و تكون فريق يشتغل معاك براحتك. و لو الشركة بتجبرك انك لازك تكون فريق عشان تكسب، تبقي شركة غير قانونية! (5) خامس حاجة لازم يكون في تكافؤ فرص مع الناس اللي شغالين معاك لأن لو الارباح بالاسبقية و اللي سجل الاول يبقي انت في شركة هرمي، اما اذا كانت الشركة بتكافئ الناس علي شغلهم و مبيعاتهم بغض النظر مين سجل قبل مين، دا قانوني 100% (6) سادس حاجة الحد الاقصي للعمولات، و دا اهم حاجة عشان يضمن لك ان الشركة شغالة و مش هاتخسر في يوم من الايام. يعني ايه طيب الكلام دا ؟ يعني لما بتوصل لعدد معين من المبيعات في فريقك الشركة بتحددلك حد اقصي للعمولة عشان لو دفعت اكتر من كدا هاتخسر و تقفل. اقولك مثال: تخيل انت بتقبض علي كل واحد يمين و واحد شمال 160$ و مافيش حد اقصي للعمولات فلو دخل عندك 10 الاف واحد يمين و 10 الاف واحد شمال في يوم واحد هايكون مكسبك مليون وستمائة دولار في يوم واحد دا غير العمولات لفريقك و دا مش منطقي !!! (7) سابع حاجة من عندنا احنا ال 6 نقاط اللي فاتو من ال DSA و منظمات و دول كبيرة اتكلمو فيها و لازم تكون كلها موجودة في الشركة و لو نقص حاجة واحدة يبقي فكر في شركة تانية اما النقطة السابعة فهو سؤال، هل انت مستمتع بالشغل في الشركة دي ؟ لو الجواب نعم، يبقي انت هاتحقق نجاح كبير في الشركة دي لانك مستمتع بالشغل معاها يعني مش مجبر عشان صاحبك او قريبك في الشركة دي ! اختار المنتج و الشركة و خطة العمولات القانونية و المناسبة ليك عشان تبقي مطمن و مبسوط و انت شغال،

Be the first to know and let us send you an email when OUCH Online Shopping posts news and promotions. Your email address will not be used for any other purpose, and you can unsubscribe at any time.