28/04/2026
الشراكة الصح
١ الشراكة الصح هي اللي كل شريك بيفكر إن نجاح الشركة اهم من الايجو بتاعه
٢ الشراكة الصح مش اللي مفهاش خلاف لا ده اللي فيها الخلاف بيتحل بسرعة وبشكل جذري
٣ الشريك الصح هو اللي بيكملك مش اللي شبهك
٤"ما تخلطش الفلوس بالمشاعر"
، لازم تفصل نهائي بين إن الشخص ده صاحبك أو أخوك، وبين إنه شريكك في البيزنس. لو قدرت تفصل، يبقي كويس. مش هتقدر ، يبقى أحسن تحافظ على الصداقة ومتدخلوش بيزنس مع بعض. الخلط بين المحبة والبيزنس هو اللي بيخسرك الاتنين."
٥"اكتبوا العقد من بدري..
الناس بتفتكر إن كتابة العقد معنها إن احنا مش واثقين في بعض. غلط! العقد معناه إننا بنحترم بعض وبنحترم الشراكة. اكتبوا كل حاجة: كل واحد حط كام، مين المسؤول عن إيه، كل شريك ليه حق الدخول علي الحسابات البنكية مرتباتكم كام، الأرباح تتقسم إزاي. العقد مش لوقت المشاكل، العقد عشان متجبوش مشاكل."
٦. "افصلوا المسؤوليات بشكل واضح"
"الشراكة مش معناها إن كل حاجة 'بالمناصفة'. لأ، انت بتاع الشغل جوه، والتاني بتاع الفلوس، والتالت بتاع التسويق. لما تلخبطوا الأمور وتقولوا كل حاجة هنعملها مع بعض ساعتها محدش هيعمل حاجة. التخصص هو سر النجاح."
٧ "اتفقوا على سيناريو الخروج من أول يوم"
"أغرب حاجة إن الناس بتعمل شراكات وبعد كده بتموت بعض وبتورث مشاكل لعيالها عشان كانوا شايفين إن الحياة وردية مفيش مشاعر بتستمر علي طول لابد تحدد، مين ليه حق يشتري أولًا؟ لو حصل خسارة، مين يتحمل إيه؟ لو ربنا كرم وحققنا أرباح، نتوسع ونزود اصولنا ولا نوزع فلوس؟"
8 . "خلي عندك اجتماع شهري مع شريكك "اجتماع فضفضة"
"مرة في الشهر اقعدوا سوا من غير ما حد يزعلكوا. اتفقوا على إن ده وقت 'الفضفضة'. كل واحد يقول رأيه بصراحة: إيه اللي ماشي كويس، إيه اللي واقف، إيه اللي مزعله في التاني. لو استنيتوا لما المشكلة تكبر، هتلاقوا الحل صعب."
