13/07/2026
أنتوا عارفين إن في ٣ أنواع ملح في مصر؟ 🤔
طب عارفين الفرق بينهم ومن فيهم الأنقى لبيتك وأولادك؟
زي ما شفنا مع بعض في الفيديو الأخير إزاي بنختار الملح بره مصر وفي أمريكا وعملنا مقارنة بين 5 أنواع .. جالي أسئلة كتير من أمهات ومتابعين في مصر بيسألوا: .. إيه أفضل وأنقى بديل متاح لينا نقدر نثق فيه؟
1️⃣ المركز الأول (الملك): ملح سيوة الصخري (الجبلي)
-المصدر: بيستخرج من جبال وبحيرات ملحية جافة في واحة سيوة بقالها آلاف السنين تحت الأرض.
-ليه هو الأفضل؟ لأنه بعيد تماماً عن مياه البحار والمحيطات الحالية، فبالتالي هو صفر ميكروبلاستيك وصفر تلوث بحري!
-ملح صخري طبيعي غني بالمعادن، مش مكرر، ومفيهوش مواد تكتل صناعية. لو بتدوري على الأمان المطلق في مصر، ده اختيارك الأول.
2️⃣ المركز الثاني: الملح الخشن البلدي (ملح الملاحات - بورسعيد وبورفؤاد) 🌊
-المصدر: تبخير مياه البحر الأبيض المتوسط بالطرق التقليدية.
-المميزات: ملح حي، مش مكرر بالحرارة العالية، ومحتفظ بالمغنيسيوم والكالسيوم والبوتاسيوم الطبيعي، وخالي من المواد المانعة للتكتل الكيميائية.
-الـ Risk (المشكلة فين؟): للأسف البحر المتوسط من البحار المفتوحة اللي فيها نسبة ميكروبلاستيك وتلوث ملاحي عالي بسبب السفن، فالملح بيلقط جزء منها في بلوراته.
-الخلاصة: هو أفضل بمراحل من ملح المائدة الأبيض الناعم، ويعتبر بديل اقتصادي ممتاز، بس لو بنقارن بالنقاء التام.. سيوة يكسب.
3️⃣ المركز الأخير (المرفوض تماماً): ملح المائدة الأبيض الناعم التجاري ❌
-المصدر: ملح مكرر كيميائياً ومعالج بحرارة فائقة تموّت كل المعادن اللي فيه.
-المصيبة فين؟ عشان يفضل ناعم وميتكتلش، بتضاف له مواد مانعة للتكتل (Anti-caking agents) زي سيليكات الألمونيوم، ودي مواد صعبة جداً على الجسم.
-خدعة اليود: اليود اللي فيه هو يود صناعي رخيص مضاف كيميائياً وبيتبخر مع الطبخ والحرارة. (جسمك محتاج يود طبيعي من الأسماك والأكلات البحرية مش من بودرة ملح ميتة!).
