Mamy saveurs

22/10/2026

Devinez quel est le nouveau produit ! 👀
Guess what the new product is! 👀
خمن ماهو المنتج الجديد !
💯 #منتوجات

21/10/2026

طلبيات البوكس هذا تع المولد لي رايحة نعاود نخدمهولكم نغلقوها يوم السبت ان شاء الله
صحي بنين رايح يكون فيه تغيير بسيط فقط بله نقصو في السعر ان شاء الله يعني سعرو راح يكون اقل من بوكس المولد
لي مازالت مادارتش طلبية تتصل بينا عبر الواتساب الهاتف او بريد الصفحة
لي ماعلابالهاش واش فيه البوكس
فيه حلوة ترك طبيعية
حلوة حلقوم طبيعية
طمينة الليمون راح يكون تغيير في الكمية يعني راح نكترو نكبروا العلبة
وكريات الطاقة الصحية الطبيعية 100%
بقاو كمية قليلة فقط يعني لي تجي لولة نحطها لولة 😍🥰🥰🥰
#سكيكدة

21/10/2026

☀️ Bonjour et belle journée à tous ...

Un nouveau matin, une nouvelle chance de semer le bien, de travailler avec passion et de récolter les fruits de nos efforts. 🩵💙💚💛🧡🩷❤️

Que votre journée soit remplie de douceur, de belles saveurs et de réussite. 💟💟💟

Les matins ont meilleur goût avec Jojamo ....

20/10/2026

صباح التفاح والأفراح .....🍏🍏🍏
كومبوث التفاح ومربى التفاح بالقرفة راهم يستناو فيكم
نظرا لطلب الكثير من الأمهات انو نوفروا كومبوث طبيعي وتقيل ومخدوم بفاكهة التفاح فقط وزيد بذون سكر وبذون ليمون راني رايحة نحققلكم طلبكم عل. الراس والعين واكيد مادابيا بيبياتي يرجعو اوفياء لجوجامو هوما تاني ويقولولكم حابين ناكلو كومبوث تع طاطا جوجو وانا نشبع فرحة بيهم لعزاز
بوسوهملي كامل كامل وقليلهم ياماما بلي انا تاني نحبهم بزاف ونتهلا فيهم من كل قلبي بأروع منتوج يمكن ياكلوه.... طبيعي صحي نظيف تقيل وبنين وخالي من جميع المواد الضارة ......

20/10/2026

ناس سكيكدة عنابة قسنطينة وجميع ولايات الشرق وحتى لي يجو من ولايات الوسط والغرب محل Healthy FOOD
مخصص في بيع المنتوجات الصحية واللذيذة والخالية من السكر والغلوتين و جميع المنتوجات الخاصة بالأكل الصحي حتى مربياتنا راهي متوفرة عندو بذون سكر وبذون مواد حافظة والناس لي سقساتني عل. مربى الفراولة بذون سكر راه متوفر عندو ماعليكم غير تتصلوا بيه ويديرلكم توصيل لباب الدار ......

سلااااااام لافاااامي ❤️😂😍
ديما متهلّيين فيكم، ونجيبولكم غير لي ما تقولوش عليها 😎🤫🌿
بصح يا جماعة الخير، عندي معاكم هدرة من القلب للقلب 😂😂
السلعة نجيبهالكم، المعلومة نعطيهالكم، الجديد نورّيهولكم… ونتوما الصفحة مخبيينها تحسب من اسرار الدولة! 🤣🤣🤦‍♂️ ( ياك ماراناش نبيعو في البانان 😉)

شحال من واحد يجي يقولي: «هذا وين سمعت بيكم؟» 😳
نقولو: يا خويا رانا هنا في عامين ، ماشي هبطنا البارح من المريخ! 👽😂🚀

خسارة فينا تبارطاجيو الصفحة مع صحابكم وحبابكم ❤️
وحتى مع هاذوك لي راهم في قائمة الأصدقاء، لي عمركم ما هضرتو معاهم، وما تعرفوش حتى واش يخدمو 🤣🤣🤣
إيه إيه، هاذوك بالذات! 😂 ابعثولهم الصفحة، يمكن يخرج منهم الخير ويولّيو زبائن أوفياء! 🤣🛒💚

وزيد نزيدكم هاذو لي قتلوني بالضحك 😂😂😂

👩 وحدة قالتلي: «حكّاولي عليك في جنازة!» 💀🤣
يا جماعة الخير، حتى للجنايز وصلنا؟! 😂😂
بصح الحمد لله، الشهرة تاعنا راهي توسّع، باقي غير يحكيو علينا في الأعراس ونولّيو تراند وطني! 🤣🔥

👩 ووحدة أخرى قالتلي: «حطيتك تاع أعشاب وعقاقير!» 🌿😂
يا أختي ربي يحفظك، ماشي ساحر ولا نبيع في وصفات ! 🤣🔮
رانا Healthy FOOD، ماكلة صحية، منتجات بلا غلوتين، ومنتجات بلا سكر، وحوايج مليحة ليكم ولعائلاتكم ❤️🌱

يا لافامي، انعلوا الشيطان 😈😂 وعاونونا نطلّعو الصفحة!

👍 جامي ما ديرتولنا جام؟ ديروه!
🔄 جامي ما تبارطاجيوش؟ بارتاجيو!
👥 عندكم صحاب؟ ابعثولهم الصفحة!
📢 وعندكم جيران فضوليين؟ حتى هما عرّفوهم بينا! 🤣🤣

ماشي لازم تشري كل مرة، المهم عرّف الناس بينا، ويمكن تكون سبب في واحد يحتاج منتجاتنا ويلقاها عندنا ❤️🥰

حنا عائلة وحدة و نجاحHealthy FOOD بيكم ومعاكم 💚🌿
❤️ لي يحبنا يبارطاجي
ربي يحفظكم كامل، ونوعدوكم ديما بالجديد والمفيد ❤️🛒🌱

19/10/2026

19/10/2026

🌞 صباحات Jojamo… بنّة، طاقة وحيوية!

باش نعقبوا نهارنا بنشاط وتركيز، جسمنا يحتاج فطور متوازن يمدّلو الطاقة، ويزوّدو بالعناصر الغذائية اللي يحتاجها، من فيتامينات ومعادن وبروتينات ودهون صحية. 💚

وهنا تجي البنة والفائدة مع بعض! 😍

🍯 مربّيات Jojamo تضيف لفطوركم بنّة طبيعية وطاقة من الفواكه.

✨ والخلطة الذهبية تاعنا، بتركيبتها الغنية والمتنوعة، تضيف قيمة غذائية لفطوركم، بفضل الدهون الصحية والبروتينات والألياف وبعض الفيتامينات والمعادن.

مع الخبز، التوست، المسمن ولا حتى مع الياغورت، تقدرو تنوّعوا فطوركم وتستمتعوا بنكهات بنينة ومميزة. 🥰

خاطر الصحة ما تعنيش نحرموا رواحنا من البنة، بل نتعلّموا نختاروا أكل متنوع ومتوازن، يجمع بين المتعة والتغذية.

❤️ مع Jojamo، كل صباح فرصة جديدة باش نبدأوا نهارنا بالبنة، التوازن والطاقة الإيجابية!

🌿 Jojamo… الطبيعة، البنة والحرفة في كل صباح.
# #سكيكدة #فيثامينات

17/10/2026

🍇🌿 واش هو الكوزو (Koso)؟

الكوزو هو شراب محضّر من الفواكه والسكر، يخضع لعملية تخمير طبيعي تسمح بتطوّر نكهته وتمنحه مذاقًا مميّزًا ومختلفًا عن العصير العادي. 🫧✨

💜 كوزو التوت من Jojamo، تجربة بنكهات الفواكه الطبيعية ولمسة من فنّ التخمير التقليدي.

🌿 الطبيعة عندها طرقها الخاصة باش تفاجئنا بنكهات جديدة!

# ي

17/10/2026

🍂🍯 صباحات الخريف ما تحلاش غير بمربيات Jojamo! ❤️

تخيّلوا صباح خريفي بارد، كاس قهوة سخون، كرواصو دافي ولا مسمنات بنان، وفوقهم بنّة مربى Jojamo لي تزيد لفطوركم حلاوة خاصة ومذاق ما يتقاومش! 🥐☕🍓

دفء الصباح، لمّة العائلة، وبنّة الفواكه… هاذي هي متعة صباحات الخريف مع Jojamo. 😍🍂

🛍️ ما تخليوش صباحاتكم تفوت بلا هاذ البَنّة! اطلبوا مربيات Jojamo اليوم، واختاروا النكهة لي تحبوها، وخليو فطوركم أحلى وألذّ! ❤️🍯

Jojamo… بنّة تكمّل صباحاتكم! 🌿✨

16/10/2026

هذا مربى المشمش بدون سكر
ارواحوا نحكيلكم حكايتو علابالي اليوم الجمعة وراكم قاعدين....
جاتني زبونة للمحل مؤخرا انسانة ماشاء الله ناس ملاح ومتربية ربي يذكرها بالخير
وانا بطبعي نحب الزبائن لي كيفها قولولي علاش ؟
لأنها انسانة مثقفة وتحب تعرف كلش وتحب تسقسي على كلش وتستفسر وهذا حقها لأنو تقريبا انا عقليتي كيفها ...
المهم جات حبت تدي معجون المشمش بذون سكر
وقالتلي انا انسانة ناكل الصحي فقط حتى حنا في بيتنا ناكلو غير الصحي ممنوع السكر الأبيض والزيوت والمواد الحافظة وغيرها يعني عائلة كامل تاكل الصحي الله يبارك ماشاء الله ....
وانا مادابيا الشعب الجزائري كامل يرجع ياكل كما هكذا لأنو هذا هو الصح وهذا واش ينفع في الوقت لي كثرت فيه الأمراض والمشاكل الهضمية والأمراض المزمنة والخطيرة وغيرها ربي يعافينا ويعافيكم
نكملوا حكايتنا ......
قلتلها مربياتي بذون سكر وحتى مصنوعة بذون محليات مركزة يعني منحبش نديرها حلوة بزاف منخدمهاش بعسل التمر ومنخدمهاش بمنتوجات محولة اصلا كما الدبس وغيرها ونحب نصنعها بمستخلص التمر الخام وبكميات قليلة ونعتمد اكثر على سكر الفاكهة بالذات وحلاوتها تكون معتدلة خفيفة ماضرش اصحاب الأمراض المزمنة وكذلك الناس لي تحب تاكل ناقص حلاوة يجيها بنين .... ونحضرها بطريقة خاصة وبدرجة حرارة معينة باه تبقى معانا مدة ماتفسدش واكيد تحت التعقيم الحراري هي ماذخلتش لراسها كما قلتلكم انسانة شوية ماتقدرش تقنعها لالا بزاف ماتقدرش تقنعها حكيتلها بالتفصيل على المربيات تاعنا بذون سكر وبالتفصيل الممل حتى قالتلي حنا خدمنا مربى بذون سكر مؤخرا وفسدلنا قلتلها صاحب الإختصاص علابالو كيفاه يخدمها وماتفسدش حتى تكمل مدة صلاحيتها واكثر
وانا بطبعي يعرفوني زبائني نحب نقنعهم بمنتوجاتي من جميع النواحي ولكن نوصل نقطة معينة نحبس يبقى القرار الأول والأخير للزبون اذا يدي المنتوج او لا وهذا هو الصح لأنو الزبون هو لي يقرر .... قلتلها انا اعطيتك جميع المعلومات والطريقة وقريب نمدهالك باطل ههههههه قالتلي ندي واحدة ومن بعد خممت قالتلي لالا ندي واحدة ليا تاني لأنو الاولى داتها لأختها وبقات تخمم وخايفة وانا مبتسمة لأنو علابالي راح يعجبها وعلابالي كذلك انو منتوج رائع وبنين وصحي وماراحاش تندم عليه خليتها في هواها وتخمامها واخيرا قالتلي راح ندي واحدة ليا كذلك واذا ماعجبنيش او نقلك قلتلها بكل ثقة بربي ان شاء الله راح يعجبك ثقي فيا وماتندميش .....
هذا الحوار دار بيناتنا مدة نصف ساعة تقريبا هههههه اتخيلوا كمية الصبر لي عندي والثقة في النفس وحب الزبون و كمية الحب لي نمدها لزبائني باه نحسسهم بالأمان وبأنهم راهم في المكان الصح .... الحمد لله الخبرة تخليك راكزة اكثر و واثقة في نفسك اكثر وعلابالك واش راكي تبيعي .....
بعدها راحت وجربتو في المنزل وبعد سويعات قليلة لقيت ميساج تعها في الهاتف المربى تاعك اختي يهبل يهبل ماشاء الله عليه وبربي ان شاء الله نزيد نجي ندي عليك انواع اخرى وربي يوفقك ويعينك ان شاء الله.....
انا هنا واش تتوقعوا ندير ؟؟؟ راني مبتسمة وفرحانة علاه ؟
اولا اني كسبت ثقة زبونة من أصعب الزبائن لي ممكن يفوتوا عليا وانا نحب الزبائن الصعاب ....
ثانيا انو المنتوج تاعي قاعدة تاكل فيه واحدة تاكل الصحي وهذت شرف كبير ليا
ثالثا كلامي كامل كان حقيقي وليس كذب لكي أبيع وفقط ....
والحمد لله ثقة زبائني تسوى عندي الدنيا ومافيها خصوصا زبائني الأوفياء لي يعرفوني جيدا ويعرفوا منتوجاتي ....
واخيرا حبيت نقلكم انو منتوجاتنا تصنع بكل حب وثقة و بكل اتقان ونظافة باه توصل ليكم بجودة جد عالية والعلبة تعنا راهي فيها منتوج جد مركز ماش ماء وزغاريث والمنتوج لما يكون مركز بزاف مام يكون سعرو زايد ماخساراش فيه لأنو راح يطول بزاف معاك وتستمتعي بيه صح .....
لي كملت قرات الحكاية قوليلي واش رايك في منتوجاتنا وصلي على الحبيب المصطفي 🥰🥰🥰🥰