03/09/2026
من أقل أنواع الفروماج استهلاكًا عندنا هو الجبن الأزرق (Fromage Bleu)، رغم أنه من أقدم الأجبان المخمرة في العالم، وعنده بنة وطريقة تصنيع مميزة بزاف.
ومن بين المنتجات المحلية القليلة اللي تخدموا، نلقاو Bleu de Bouira
🔬 نقراو المكونات مع بعض:
تركيبة نقية ومفهاش محفظات ولا إضافات زايدة:
حليب البقر (Lait de vache)
ملح (Sel)
الكالسيوم (Chlorure de calcium): كاين اللي يحسبه عيب، لكن هو مجرد إضافة تقنية باش تعوض الكالسيوم اللي يروح وقت البسترة، وتخلي الحليب يترايب (يتخثر) مليح وتجي الخثرة شادة روحها.
الأنفحة (Présure): الإنزيم اللي يروب الحليب.
فطر Penicillium roqueforti: هو اللي يدير هاديك البنة والعروق.
الخمائر اللبنية (Ferments lactiques): هما اللي يحولوا اللاكتوز لحمض اللاكتيك ويديروا الطعم والقوام المليح.
🔵 هاديك العروق الزرقاء... هل هي عفن ؟
بزاف يحسبوا باللي اللون الأزرق معناه الجبن خامج ولا فيه عفن يخوف، وهادي معلومة غالطة! .
هاد العروق تجي من فطر غذائي آمن اسمه Penicillium roqueforti يخدموا بيه الأجبان الزرقاء من مئات السنين. هاد الفطر يفكك البروتينات والدهون أثناء مرحلة النضج (Affinage)، وهو اللي يعطي للجهاز الهضمي راحة كثر ويخلي الهضم بتاعه ساهل، زيادة على أنه يدعم بكتيريا الأمعاء النافعة. .
🥗 القيمة الغذائية والسومة:
المنافع: معمر بالبروتين الممتاز، الكالسيوم، الفوسفور، وفيتامين B12.
السعر: آخر سومة شفناها كانت حوالي 3300 دج للكيلو، وهي سومة قريبة بزاف للفروماج المستورد المليح (كيف المازدام والـ Gouda اللي يديروا بين 2800 و3200 دج).
⭐ التقييم النهائي: 5/5 ⭐
منتج محلي بامتياز، مكونات بسيطة، وتخمير طبيعي بلا إضافات غير ضرورية.
🧀 ما لقيتوش؟ كاين بدائل قريبة ليه في السوق!
إلا مالقيتش الجبن الأزرق وحبيت تجرّب فرماج مخدوم بفطر من نفس العائلة، تقدر تلقاه في الكاممبير المحلي كيما سيدي سعادة (Sidi Saada) ولا ترافل (Trafel).
هاد الأجبان يستعملوا فطر وسمو Penicillium camemberti، مايديرش عروق زرقاء لداخل كيما الـ Roqueforti، بل يدير القشرة البيضاء من برا، ويدير نفس الخدمة في تفكيك الدهون والبروتينات وسهولة الهضم.
le bon coin bougara.
