Glauser‘s Hoflädeli, Epsach

27/05/2026

Inser-Märit

Hüt si mir bis 18.00 am Inser-Märit mit üsne Produkt. Ganz früsch derbi hei mir Hugo-Sirup und Holunderblütengelee. Dir finget üs bir Bäckerei Blank.

Chömet verbi, gniesset z schöne Wätter und z Märitprogramm mit musikalischer Ungerhautig, Schiessbude und Kinderkarussell.

25/05/2026

Märitzyt…am Mittwuch fingt wieder dr bekannt u beliebt Inser-Märit statt. Mir dörfe dasmau ou derbi si u fröie üs über Bsuech a üsem Stand (Nächi vom Kino).

18/05/2026

❗️ Stromarbeite Mittwuch 20. Mai ❗️

Am Mittwuch, 20. Mai, wärde bi üs versch. Stromarbeite vorgnoh. Us däm Grund funktioniere üsi Verchoufsoutomate äbefaus dr ganz Tag nid und es chöi keni Produkt kouft wärde. Abem Donnstig isch wieder normau offe.

Merci fürs Verständnis

14/05/2026

Sit dir uf dr Suechi nach chline Chundegschänk oder amne Give-Away? Mir steue öich gärn Seckli mit Dörrfrücht zäme…Öpfuringli, Bireringli, Mirabelle oder Zwätschge. Ou d Etikette düe mir nach öichne Wünsch drucke.

07/05/2026

Nöi gits News ou via WhatsApp…fouget üs

https://whatsapp.com/channel/0029VbCFMZz1CYoLd8ADbh2n

Follow Glauser‘s Hoflädeli Epsach's WhatsApp channel. Wir sind ein 24/7 Hoflädeli aus Epsach im Berner Seeland. An unseren Verkaufsautomaten kann rund um die Uhr eingekauft werden. Bezahlung ist mit Bargeld, Twint und Karten möglich.

Unser Sortiment umfasst frisches Gemüse, Obst, Beeren, Konfitüren, Sirup, Eingemachtes, Süssmost, Honig, Dörrobst, Risotto, Chnöpfli, Freilandeier, Essig, Tee, Trockenwürste, Nidletäfeli, Brätzeli und jederzeit schöne Geschenkset. Jeweils ab Samstag Mittag gibt es auch Brot und Züpfe.. Join 58 followers for the latest updates.

25/04/2026

Jetz aktuell i üsere 24/7 Säubstbedienig:
- früsches Brot u Züpfe am SA ab Mittag
- Seeländer Ärdbeeri
- Seeländer Spargle
- div. Seeländer Gmües & Salat
- feini Trochewürst us Gerolfingen
- div. Sorte Konfi, Sirup und Igmachts
- 5l Süessmost-Boxe
- Teigware, Chnöpfli und Risotto
- Brätzeli und Nidletäfeli
- schöni Gschänkset i versch. Grössine

Zahle cha me mit Bargäud, Twint und Chartene.

19/04/2026

🍓 Es geit los…ab Mändig Mittag, 20. April, starte mir mit grüene Seeländer Spargle und Seeländer Ärdbeeri.

Chömet verbi…i üsere 24/7 Säubstbedienig chöit dir rund um d Uhr ga ichoufe. Zahle cha me mit Bargäud, Twint und Charte.

07/04/2026

Es summet i de Böim…mir hoffe uf guets Wätter, so dass dir i öppe 2.5 Monet die erschte Chirschi dörft gniesse. Die wärde im Hoflädeli i de Outomate vor Familie Struchen-Kenzelmann erhäutlech si.

31/03/2026

🐣🐣 Es het wieder früschi Ostereier ir 24/7 Säubstbedienig und ou paar Ostergschänkli si no verfüegbar. Zahle cha me bi üs mit Bargäud, Twint und div. Charte. 🐣🐣

23/03/2026

🍎🥕🥚 Üses Agebot im Hoflädeli 🫙🥗🥦

Sitem Februar füehre mir üse Hoflade aus 24/7 Säubstbedienig mit Verchoufsoutomate. I dene hei mir aktuell fougends Sortimänt:

- Salat, Gmües, Frücht
- Süessmost
- Konfitüre/Gelee
- Igmachts
- Sirup
- Balsamico & Essig
- Chnöpfli & Teigware
- Brätzeli & Nidletäfeli
- Freilandeier
- Züpfe u Brot am Samstig ab Mittag
- Gschänkset i versch. Variantene

Sobaud d Ärntesaison los geit, gits de ou Spargle, Ärdbeeri, Chirschi, Zwätschge u huufe meh.

💵 Zahle cha me mit Bargäud, Twint und 💳 Charte.

Nid im Outomat aber witterhin erhäutlech si äbefaus üsi Spirituose. We dir öppis wettet, si die uf Bstellig müglech. Entweder per Mail a [email protected] oder per SMS/WhatsApp uf 079 373 24 26.

Mir fröie üs uf öiche Bsuech…

Glauser‘s Hoflädeli, Baarstr. 4, 3272 Epsach