26/05/2025
S Hoflädeli isch bis uf wiiteres und au am Mülitag 31.5.25 ab sofort zue!!!
De Post z mache fallt mir alles andere als liecht und bricht mir s 💔 de 5.5..25 hät miis Läbe wiedermal einisch meh übere Huufe grüehrt, das mal abprubt und nöd vorher sehbar(was mir am meiste z schaffe macht, will ich soviil vor gha ha für da Jahr unter anderem Floristikschuel, und's mir guet gange isch bis zum besagte Sa.).
Sitt Tage studier ich wie schriebe ha x mal agfange u wieder ghört u wieder vorne agfange,Träne sie jedesmal stärker gsi aber jetzt muenis mache.
Am Sa. 3.Mai han ich wie agrüehrt Buchweh becho nix hät ghulfe a Medis, am Mäntig morge früeh hani de selber am 144 aglüüte dass ich is Triemlispital möcht iglieferet werde.
Es isch alles sehr schnell und zügig vora gange au mit de schockierende Diagnose : Miin Dickdarm hät es Loch, wo nöd dörf sii!!
Schnellstmöglichst bini im OP's glandet wo mer das behobe hät, s isch guet verloffe, aber viil hät nömm gfehlt zur selbstvergiftig.
Nach 12 Täg im Spital bin ich sitt paar wieder dihei, s gaht mir sowiit guet,muen mich usruehe wirde vo allne um mich ume bestens versorgt.
De Widerufbau isch gstartet, mit ambulanter Physotherapie,laufe scho wacker i de Aumüli ume und dii 2 Wundene verheile guet wo nebst de ca. 25cm grosse Narbe miin Buch verziere.
I ca. 3-4 Monet erwartet mich nomal en Igriff, denn wird de künstlich Darmusgang wieder zrugg versetzt, bis dert hie muen sich miin Mage erhole.
Sa. 31.Mai am Mülitag wird ich schweren herzens zueluege, und wer mich möcht cho Bsueche de isch natürli Herzlich Willkomme uf en schwatz Zyt hani meh als gnueg 🤗
Ich halte eu uf em laufende, hebed fest sorg zu eu und sind dankbar für jede Tag wo ihr gsund und munter dörfet erläbe ❤️🙏
meine familie .care
