Bisle1

05/03/2026

05/03/2026

13/12/2025

Waaxda Kormeerka iyo Qiimaynta ee Wasaaradda Qorshaynta, Maalgashiga iyo Horumarinta Dhaqaalaha ayaa si guul leh u soo gabagabaysay tababar shan (5) maalmood socday oo lagu xoojinayay aqoonta iyo xirfadaha Kormeerka iyo Qiimaynta (M&E). Tababarku wuxuu isu keenay ka-qaybgalayaal ka kala socday hay’adaha dawladda, ururrada bulshada rayidka ah, iyo jaamacadaha, si kor loogu qaado tayada dabagalka, qiimaynta, iyo natiijo-ku-saleynta barnaamijyada horumarineed.

Intii uu socday tababarku, ka-qaybgalayaashu waxay heleen tababarro wax-ku-ool ah oo ay bixinayeen khubaro M&E ah, kuwaas oo diiradda saarayay cabbirka natiijooyinka, isticmaalka xogta go’aan-qaadashada, iyo kor u qaadista hufnaanta fulinta mashaariicda. Ka-qaybgalayaashu waxay caddeeyeen in aqoonta ay heleen ay si toos ah u xoojin doonto wax-qabadkooda shaqo.

Xiritaanka tababarka, masuuliyiin ka socday UNDP, SOMES, Galayr Consultants iyo Wasaaradda ayaa bogaadiyay muhiimadda uu tababarkani u leeyahay dhismaha nidaam M&E oo adag oo heer qaran ah. Agaasimaha Waaxda Kormeerka iyo Qiimaynta, Mudane Maxamuud Siciid Nuur, ayaa xaqiijiyay in Waaxdu sii wadi doonto tababarro joogto ah si loo hubiyo in barnaamijyada horumarineed ay keenaan natiijooyin la taaban karo oo waara. UNDP in Somalia

13/12/2025

Madaxwaynaha dawladda fedraalka soomaaliya mudane Xassan sheekh Maxamuud ayaa bartiisa facebook ku sheegay in uu qaatay kaarka cod bixinta "Waxaan maanta si rasmi ah u qaatay Kaarkayga Codbixinta ee Doorashada Golaha Deegaanka ee Degmooyinka Gobolka Banaadir.

Waa fursad taariikhi ah in 57 sanno ka dib ay shacabka Soomaaliyeed fursad u heli doonaan inay si toos ah u doortaan dadka ku matali doona Golaha Deegaanka. In dadka Soomaaliyeed ay si xor ah oo toos ah wax u doortaan ma ahan ajande gaar ah ee waa waajib dastuuri ah oo ay Dowladdu fulinayso.

Maalin ayaa jirtay inaan aniga iyo rag badan oo saaxibadeey ah oo siyaasiyiin ah aan dadka Soomaaliyeed inta soo hor-istaagnay aan balanqaadnay in mas’uuliyiinta ka talinaya aayahooda iyo mustaqbalkooda ay iyagu dooran doonaan oo ay go’aan ka gaari doonaan. Ballan-qaadkaas aan maalintaas sameeyay ayay tani u tahay tallaabadii u h**eysay ee xaqiijinaysay"

13/12/2025

Madaxwaynihii h**e ee dawladda fedraalka soomaaliya Maxamed Cabdullaahi Farmaajo ayaa utacsiyadeeyay alle ha'unaxariistee hogaamiye Jaamac Cali Jaamac

"Diisamber 13, 2025: Waxaan tacsi tiiraanyo leh u dirayaa qoyska, qaraabada iyo guud ahaan ummadda Soomaaliyeed ee uu ka baxay, Alle ha u naxariistee marxuum Jaamac Cali Jaamac oo ku geeriyooday magaalada London ee dalka Ingiriiska.

Marxuumka oo Madaxweyne ka soo noqday Puntland waxa uu muddo dheer u soo shaqeeyey ummadda Soomaaliyeed, isaga oo xilal kala duwan ka soo qabtay dawladdii dhexe.

Waxaan Allaah u weydiinayaa Marxuumka in uu hoygiisa ka yeelo Jannatul Firdowsa, samir iyo iimaanna uu ka siiyo qoyska, qaraabada iyo dhammaan shacabka Soomaaliyeed ee uu ka geeriyoodey Marxuumku"

13/12/2025

Kadib beegsi xoog leh oo ay samaysay hay'adda ICE ee dalka maraykanka kaaso lagu beegsanayo dadka soomaaliyeed ayaa waxaa ka dhalatay falcelinno iyo mudaharaadyo ay kamid yihiin in la garaaco hoonka baabuurta xilliyada dambe ee habeenkii, sidoo kale waxaa jira goobo dadwayne oo la suray calanka soomaaliya.

13/12/2025

Raysal Wasaaraha Soomaaliya ayaa Danjire Jamaal Maxamed Xasan u magacaabay Wasiirka Ganacsiga & Wershedaha isaga oo beddeleya Xildhibaan Maxamuud Geesood oo xil kaasi hayey.

DFS ayaa laga filayey magacaabista Wasiir Jamaal ka dib markii uu garab siiyey doorashadii Woqooyi-bari.

16/11/2025

Dawladda soomaaliya ayaa sheegtay in la jabsaday nidaamka E-vissa oo ay dhawaanahan ay hirgalisay, faah faahin dheeriya ma aysan bixin ha’ayadaha socdaalka oo saacadihii u dambeeyay kulamo usocdeen, waxayse sheegeen in ay baaritaan wadaan.

Nidaamka E-vissa oo dhawaan ay dawladda dhexe ee Soomaaliya ay soo saartay ayaa waxaa ka biyo diiday qaar kamid ah maamullada xubnaha ka ah dawladda fedraalka.