26/02/2025
Madaxweyne ku-xigeenka Hirshabelle, Mudane Yuusuf Axmed Hagar (Dabageed), oo ay wehliyaan Xildhibaan Cabduqaadir Awbakar (Dhagaweyne) Gudomiyaha Degmada Moqokori Maxamed Cabdi Macoow iyo Agaasimaha Guud ee Wasaaradda Amniga, Mudane Mukhtaar Maxamed Janaqoow, ayaa maalintii saddexaad ku sugan furimaha h**e ee dagaalka. Wafdigan sare ayaa maanta booqday deegaannada Cadoow Gureey iyo Xaawa Gadiid, iyagoo dhiirrigelin u muujiyay ciidamada geesiyaasha ah ee difaacaya shacabka.
Ciidamada Qaranka iyo Macawiisleyda ayaa si geesinimo leh uga hortagay weerarkii Khawaarijtu kusoo qaadeen Cadoow Gureey, iyagoo cadowga gaarsiiyay jab culus. Madaxweyne ku-xigeenka, Xildhibaan Dhagaweyne, Gudoomiye Maxamed Cabdi iyo Agaasime Janaqoow ayaa bogaadiyay guulaha ay gaareen ciidamada, waxayna caddeeyeen in dagaalku sii socon doono ilaa Hirshabelle laga xoreeyo cadowga.
Wafdiga oo kulamo la yeeshay saraakiisha amniga iyo shacabka deegaanka Xaawa Gadiid, ayaa ku dhiirrigeliyay inay garab istaagaan ciidamada si loo xaqiijiyo nabad waarta. Hoggaanka Hirshabelle ayaa mar kale muujiyay sida ay uga go’an tahay in deegaannada ay Khawaarijtu ku dhuumaaleysanayaan la xoreeyo dhawaan.
