Amakuru Yose

Amakuru Yose Contact information, map and directions, contact form, opening hours, services, ratings, photos, videos and announcements from Amakuru Yose, Grocers, Kigali.

Umutambukanyi w'umukuru w'igihugu yafashe urugendo kuri uyu wa gatatu rumushikana i mu gihugu ca .Nk'uko biri mw'it...
03/06/2026

Umutambukanyi w'umukuru w'igihugu yafashe urugendo kuri uyu wa gatatu rumushikana i mu gihugu ca .

Nk'uko biri mw'itangazo ry'igisata kijejwe kumenyesha amakuru mu biro vy'umutambukanyi w'umukuru w'igihugu bijejwe iterambere mu Burundi OPDD-Burundi, umutambukanyi w'umukuru w'igihugu Angeline Ndayishimiye yitavye ibikorwa vy'inama ijanye no kurwanya ubucafu bise " Zéro Déchet" izobera mu gisagara ca Istanbul kuva kw'igenekerezo rya 5 gushika kurya 7 Ruheshi 2026, ikazotanguzwa n'umutambukanyi w'Umukuru w'igihugu ca Turquie .

Iryo tangazo rikibutsa ko umutambukanyi w'umukuru w'igihugu c'Uburundi Angeline Ndayishimiye yatanguje iryo sekeza ryo kurwanya ubucafu " Zéro Déchet" kw'igenekerezo rya 19 Ntwarante mu mwaka w'2024 mu gisagara ca Bujumbura.

Mu Kayanza inyama zakorowe igiciroMusitanteri wa komine , Godefroid Niyonizigiye yafashe ingingo ko muri iyo komine iki...
03/06/2026

Mu Kayanza inyama zakorowe igiciro

Musitanteri wa komine , Godefroid Niyonizigiye yafashe ingingo ko muri iyo komine ikiro c'inyama y'inka kitorenza 25.000 nayo ikiro c'inyama y'ingurube ntikirenze 18000.

Basomyi iyo ngingo muyakiriye gute?

🇧🇮 : Ikibazo ca Reta co mu mwaka w'icenda ca "Concours National", aho cakorewe hose cakozwe neza congera kigenda neza.==...
02/06/2026

🇧🇮 : Ikibazo ca Reta co mu mwaka w'icenda ca "Concours National", aho cakorewe hose cakozwe neza congera kigenda neza.
=====================================================

✍️Ico kibazo ca Reta co mu mwaka w'icenda wa shure shingiro c'uyu mwaka wa 2026, Umushikiranganji w'indero n'Ubushakashatsi "François Havyarimana", ico kibazo yagitangurije kw'ishure ryisumbuye rya "Muramvya", avuye aho kuri iryo shure akaba yongeye agendera n'ayandi mashure ahariko harakorerwa ico kibazo. Aho akaba ari nko kw'ishure shingiro rya Gatabo ya mbere, kw'ishure shingiro rya Munanira ya kabiri, kuri Lycée notre Dame de la Sagesse y'i Gitega, kuri Lycée yitiriwe Kirisu umwami no kuri Lycée co Urbain ya Rango aho hose abanyeshure bakaba bariko barakora ikibazo batekanye, akaba yagenda arabatera intege yongera abibutsa amategeko agenga ico kibazo.

🗣️Umushikiranganji w'indero n'ubushakashatsi François Havyarimana akaba yamenyesheje ko muri rusangi ikibazo cagenze neza kiretse utugorane twavuye ku mashine isohora impapuro yapfuye bica bituma abatoye ikibazo bakora ijoro n'umurango. Utwo tugorane tukaba twibonekeje nkaho basanze amashure afise numéro zisa canke ayafise numéro zibiri zidasa ariko twose tukaba twaciye dutorerwa umuti. Umushikiranganji François Havyarimana akamenyesha ko abanyeshure ibihumbi 85.905 aribo bari bitezwe gukora ico kibazo harimwo abakobwa ibihumbi 52.887. Akavuga ko kubona ibitigiri vy'abakobwa ari vyinshi, ari ikimenyetso kitabesha ko abakobwa bijukiye kwiga hano mu Burundi.

🫂Umushikiranganji w'indero n'ubushakashatsi François Havyarimana akaba ahamagarira abanyeshure gukora ico kibazo umutima uri munda bongere babandanye bitegurira ibindi bibazo, abavyeyi nabo akabasaba guha akanya abana babo ko kwiga, ntibagume babatuma mu mwanya wo kwiga kuko ngo arivyo vyotuma baronka amanota meza. Mu gihe mubariko barakora ico kibazo harimwo 28 basanzwe bagendana ubumuga bugiye butandukanye, Umushikiranganji w'indero n'ubushakashatsi akaba amenyesha ko babateguriye uko bakora ico kibazo, agahimiriza abavyeyi bafise abana bagendana ubumuga kubashira mw'ishure co kimwe n'abandi bana.

👉Akaba yaciye aboneraho n'akaryo ko kwibutsa abanyeshure bariko barakora ico kibazo ca Reta, kuzokwubahiriza umwanya wo gusaba gusubira gukosorerwa kubazosanga harabaye ukwihenda mu manota ya mbere kuko ngo uwuzorenza umwanya uzoba watanzwe, ntazokwakirwa naho azoba ari mu kuri. Urwo rugendo Umushikiranganji w'indero n'ubushakashatsi François Havyarimana akaba yaciye arusozerera kw'ishure shingiro n'inyuma ya shure shingiro ryitiriwe umweranda wa gatandatu ryasavye kwugurura uburaro, mu ntumbero yo kuraba aho bagejeje kwubaka ubwo buraro. Akaba yashoboye kubakeza ku ntambwe ibikorwa bigezeko.

🍻 Kuki Brarudi izana ibindi binyobwa nivyari bihasanzwe bitariko biraboneka neza ? 🤔✍🏾 Haraheze indwi ihinguriro Brarudi...
02/06/2026

🍻 Kuki Brarudi izana ibindi binyobwa nivyari bihasanzwe bitariko biraboneka neza ? 🤔

✍🏾 Haraheze indwi ihinguriro Brarudi risize ahabona ikinyobwa gishasha cambiye "Primus star". Imbere y’ico kinyobwa, nk’akarorero, harabayeho na "Primus citron" uno munsi itakiboneka kw’isoko. Mu binyobwa bitambiye, hari Coca irimwo isukari abenshi bita "Coca original" isa n’iyibagiwe.

Aho kandi harigeze no kuba ifanta yitwa "Fanta passion" Brarudi yari yasize ahabona mu 2018. Eka n’ibinyobwa vyitwa ko vyagumyeho, ntibiboneka neza, ku buryo abantu bahitamwo ibinyobwa mvamahanga harimwo ibikaze cane n’imitobe itari mike ikorerwa mu gihugu no mu mahanga, iboneka kw’isoko mu Burundi.

❓None kuki Brarudi izana bishasha n’ibihasanzwe bitaboneka ?

🎙️Mu biro bijejwe kumenyesha amakuru muri Brarudi bagira bati : "Ni ukugira tugume twiyumvira bishasha kandi twongere tunanezereze abaguzi bacu, ibinyobwa bigume biboneka kw’isoko". Ikinyobwa baheruka gushira ahabona, ngo bagikora mu bintu bakura mu gihugu, bikabafasha kugabanya uburyo bakoresha mu kubirondera hanze y’igihugu. Bati : "Uko iminsi igenda, ivyo abaguzi bacu bakenera birahinduka. Natwe tujana n’ibihe kugira twishure ku vyipfuzo vyabo mu kubazanira ico kinyobwa gifise urugero rw’ubukari rwa 5,5 %".

👉🏿 Ku kibazo kijanye n’uko bazanye iyindi nzoga ikoze mu bigori inyuma ya Amstel Bright, ibiro bijejwe kumenyesha amakuru muri Brarudi vyishura biti : "Ikigori haraheze imyaka itari mike kiri mu bintu bikoreshwa mu binyobwa kw’isi. Urugero rw’ibigori dukoresha muri "Primus star" rukurikiza ubuziranenge. Dukoresha ibigori mu ntumbero yo gushigikira abarimyi hanyuma duterere no mw’iterambere ry’igihugu".

🙋🏾‍♂️ Nayo ku bijanye n’uko ikiyeri "Primus star" cari gikwiye kuzimbuka kuko ivyo gikorwamwo biva mu Burundi, Brarudi rimenyesha ko hari ibindi vya nkenerwa bisaba kugurirwa hanze ku mafaranga mvamakungu kandi uno munsi bizimvye. Bashikiriza kandi ko iyo nzoga itaje gukuraho ikiyeri cari kihasanzwe.

📃👆🏿 Izo nyishu za Brarudi zikaba ziboneka mu rwandiko rwakwiragijwe n'ibiro vyo kumenyesha amakuru vy'iryo hinguriro, ku muhingamo w'uwa 1 Ruheshi 2026, ku bibazo bitandukanye abanywanyi b'iryo hinguriro bibaza.

Ishusho : Primus Burundi

Abakandida 74.085 basoza amashuri yisumbuye bagiye gukora ibizamini ngiro muri uyu mwaka wa 2025/2026.Minisiteri y’Ubure...
02/06/2026

Abakandida 74.085 basoza amashuri yisumbuye bagiye gukora ibizamini ngiro muri uyu mwaka wa 2025/2026.

Minisiteri y’Uburezi yatangaje ko ibi bizamini bizakorwa kuva tariki 3-22 Kamena 2026, hirya no hino mu Gihugu.

Abakora ibizamini ngiro barimo abiga mu mashuri ya Tekiniki, Imyuga n’Ubumenyingiro, abo mu Mashuri Nderabarezi, Ubuforomo, Icungamutungo n’abiga amasomo ya Siyansi.

🧼 : Gukaraba n’amazi meza n’isabuni mw’isoko nkuru ya Rumonge mu kwinjira, ntivyitabirwa ku rugero rushimishije 🔙 Mu g...
02/06/2026

🧼 : Gukaraba n’amazi meza n’isabuni mw’isoko nkuru ya Rumonge mu kwinjira, ntivyitabirwa ku rugero rushimishije

🔙 Mu gihe ikiza ca Ebola kimaze iminsi cibonekeza mu bihugu bibanyi n’ubwo mu Burundi, iyo ndwara itaribonekeza, vyari ngombwa ko imbere yo kwinjira mw’isoko, mu mashure, ku mavuriro, eka aho hose hahurira abantu benshi haba hariho amazi meza n’isabuni, uwunjira agakara mu ntumbero yo kwikingira.

✍️ Ivyo, hamwe hamwe birubahirizwa ahandi ntibavyerekwa.

📻 Kuri uyu wa 1 Ruheshi 2026 insamirizi twarishikiye kw’isoko nkuru ya Rumonge. Icibonekeza n’uko abinjira mw’isoko, ivyo gukara ntibabinwa no mu mazi. Ku miryango mikuru mikuru y’isoko nkuru ya Rumonge, ibiri yonyene niyo yariko indobo z’amazi, ndetse no ku miryango mitomito irenga 10, nta gikoresho cibonekeza cagenewe kujamwo amazi.

🙏 Abenegihugu basaba ko hogwizwa amazi n’amasabuni yo gukaraba kandi ari mu bibanza vyinshi bishoboka mu ntumbero yo kwikingira ikiza ca Ebola ndetse n’abantu baza barahimiriza abinjira mw’isoko bakarabe imbere yo kwinjira.

💬 Déo Nduwimana arongoye isoko ya Rumonge aremeza ko rimwe na rimwe bishika amazi yo gukaraba akabura bivanye n’ukungene aguma acikagurika, ndetse n’iyabonetse abinjira mw’isoko batitwararika gukaraba.

Ikibazo ca Reta co mu mwaka w'icenda Concours National cagenze neza.Ico kibazo ca Reta co mu mwaka w'icenda wa shure shi...
02/06/2026

Ikibazo ca Reta co mu mwaka w'icenda Concours National cagenze neza.

Ico kibazo ca Reta co mu mwaka w'icenda wa shure shingiro c'uyu mwaka w'2026, umushikiranganji w'indero n'ubushakashatsi yagitangurije kw'ishure ryisumbuye rya , avuye ngaho yagendeye ayandi mashure aho ico kibazo gikorerwa nko kw'ishure shingiro rya ya mbere, kw'ishure shingiro rya ya kabiri, kuri Lycée notre Dame de la Sagesse y'i Gitega, kuri Lycée yitiriwe Kirisu umwami no kuri Lycée co Urbain ya Rango aho hose abanyeshure bakaba bariko barakora ikibazo batekanye, akaba yagenda arabatera intege yongera abibutsa amategeko agenga ico kibazo.

Umushikiranganji w'indero n'ubushakashatsi François Havyarimana amenyesha ko muri rusangi ikibazo cagenze neza kiretse utugorane twavuye ku mashine isohora impapuro yapfuye bituma abatoye ikibazo bakora ijoro n'umurango.
Utwo tugorane twibonekeje ni nkaho basanze amashure afise numéro zisa canke ayafise numéro zibiri zidasa ariko twose tukaba twaciye dutorerwa umuti.

Umushikiranganji akamenyesha ko abanyeshure ibihumbi 85.905 bakaba aribo bari bitezwe gukora ico kibazo harimwo abakobwa ibihumbi 52.887. Akavuga ko kubona ibitigiri vy'abakobwa ari vyinshi, ari ikimenyetso kitabesha ko abakobwa bijukiye kwiga mu Burundi.

Umushikiranganji w'indero n'ubushakashatsi François Havyarimana ahamagarira abanyeshure gukora ico kibazo umutima uri munda bongere babandanye bitegurira ibindi bibazo, abavyeyi nabo akabasaba kuha akanya abana babo ko kwiga, ntibagume babatuma mu mwanya wo kwiga kuko ari vyo vyotuma baronka amanota meza.
Mu gihe mubariko barakora ico kibazo harimwo 28 bagendana ubumuga butandukanye, umushikiranganji w'indero n'ubushakashatsi amenyesha ko babateguriye uko bakora ico kibazo, agahimiriza abavyeyi bafise abana bagendana ubumuga kubashira mw'ishure co kimwe n'abandi bana.

Yaboneyeho akaryo ko kwibutsa abanyeshure bariko barakora ico kibazo ca Reta, kuzokwubahiriza umwanya wo gusaba gusubira gukosorerwa kubazosanga harabaye ukwihenda mu manota ya mbere kuko ngo uwuzorenza umwanya uzoba watanzwe, ntazokwakirwa naho azoba ari mu kuri.

Urwo rugendo umushikiranganji w'indero n'ubushakashatsi François Havyarimana akaba yarusozereye kw'ishure shingiro n'inyuma ya shure shingiro ryitiriwe umweranda wa gatandatu ryasavye kwugurura uburaro, mu ntumbero yo kuraba aho bagejeje kwubaka ubwo buraro.
Akaba yabakeje ku ntambwe ibikorwa bigezeko.

Gitega: Abenegihugu bo ku mutumba Bihanga bariko bitabira ku bwinshi isekeza ryo kwimba nyabarega Kuri uwu wa mbere Ruhe...
02/06/2026

Gitega: Abenegihugu bo ku mutumba Bihanga bariko bitabira ku bwinshi isekeza ryo kwimba nyabarega

Kuri uwu wa mbere Ruheshi 2026, abamenyeshamakuru b'Iradiyo n’Imboneshakure vy’Uburundi (RTNB), baragize urugendo rwabashikanye ku mutumba Bihanga muri komine n'intara ya Gitega, kugira birabire aho abenegihugu bagejeje ibikorwa vyo kwimba za nyabarenga mu mihana yabo, nk'ukwo babihimirijwe n’Ubushikiranganji bw’ibidukikije, uburimyi n’ubworozi, mu ntumbero yo kugwiza ifumbure k**a kandi y'akanovera.

Aho abo bamenyeshamakuru bagendeye, abenegihugu bariko bitabira ku bwinshi uwo mugambi wa Reta wo kwimba za nyabarega.
Benshi muri bo bari basanzwe banazifise imbere y'uko haba iryo himiriza.

Iradukunda Eliane wo kuri uwo mutumba Bihanga avuga ko bigishijwe neza ak**aro ka nyabarega n'ingene bazitunganya, mbere ko n'amaganga y'ibitungwa n'umwanda muto w'abantu ari kirumara mu kugira ivyatsi basutse muri izo nyabarega bibore neza, maze bitange ifumbire y'akanovera.

Umukuru w'umutumba Bihanga Venant Ntibanyiha avuga ko abenegihugu arongoye bitabiriye iryo sekeza ryo kwimba za nyabarega. Avuga kandi ko ako kamo kitabiriwe ku rugero rushimishije, ariko ngo hakiriho n'abagikwega amaguru yamara baguma bahimirizwa. Mu mihana itari mike yo ku mutumba Bihanga, abamenyeshamakuru basanze abatari basanzwe bafise izo nyabarega bariko barazituganya.

Kubera ko abarimyi bo kuri uwo mutumba Bihanga bijukiye gukoresha ifumbire k**a bakura muri nyabarega, bamenyesha ko imirima yabo usanga itotahaye kandi bakaronka n’umwimbu ushimishije.

🔴 Mw'ibohero rikuru rya Mpimba, abanyororo bariruhutsa ko Colonel Abdul Ndimurukundo abavuyeko !Colonel Abdul Ndimurukun...
02/06/2026

🔴 Mw'ibohero rikuru rya Mpimba, abanyororo bariruhutsa ko Colonel Abdul Ndimurukundo abavuyeko !

Colonel Abdul Ndimurukundo ari mu ntwazangabo zaraye zihinduriwe amabanga mu gipolisi. Uyu yahora ari umuyobozi w'ibohero rikuru rya Mpimba, yagenywe gukorera mu bugenduzi bukuru bw'igipolisi nk'icegera c'uwujejwe ibiro vya "opérations et entraînements".

Mw'ibohero rikuru rya Mpimba, Colonel Abdul Ndimurukundo yari amaze imisi yidogerwa bidasanzwe. Yari yagirizwa gukorana amakosa na bamwe mu banyororo nk'uwitwa Uwizeye Tonny batazira Dume. Abdul Ndimurukundo yavugwa mw'itotezwa ridasanzwe ry'abanyororo adakunda, bamwe yabanyaze amatelefone yabo, hari n'abo yaheruka kurungika mu yandi mabohero nka Colonel Léonidas Harushimana batazira Muporo ubu ageze mw'ibohero rikuru rya Muramvya, Caporal Fulgence Ndayikengurukiye ubu ageze mw'ibohero rikuru rya Rutana n'abandi. Abo bose yabagirije ngo nibo bamureze ku mabi yariko arakora. Abdul Ndimurukundo yagirizwa n'abanyororo ko yahora agurisha imfungurwa zabo hanze,nabo bakicwa n'inzara, yavugwa kandi muvyo gutangisha amafaranga ku bakeneye ivyumba vyiza, ku bandadaza inzoga zitemewe n'urumogi mu Mpimba. Abanyororo baremeza ayandi makosa akomeye, harimwo ayakorerwa mu gice cagenewe abakenyezi.

🔴 Abanyororo baremeza ko ubutumwa bwaciye hano bwatumye habaho amatohoza ku makosa ya Colonel Abdul Ndimurukundo, amatohoza yoba yakozwe na CNIDH be n'abategetsi bo mu bushikiranganji bw'ubutungane. Ayo matohoza ari mu bitumye, Colonel Ndimurukundo akurwa aho mu Mpimba. Twizere ko umusubirizi wiwe agiye kugarakana agahengwe mu Mpimba.

Turaza kugaruka ku bandi baraye bagenywe mu mabanga atandukanye mu gipolisi.

📱 Abanywanyi ba Lumitel bidoga ko baguma bakatwa amafaranga batazi, ngo "si ikosa ry'ishirahamwe" 💁🏾 Hari imyidogo y'aba...
02/06/2026

📱 Abanywanyi ba Lumitel bidoga ko baguma bakatwa amafaranga batazi, ngo "si ikosa ry'ishirahamwe"

💁🏾 Hari imyidogo y'abakoresha umuhora wa Lumitel bamaze igihe bavuga ko "bamaze igihe babona amafaranga (unités) akurwa kuri konti zabo buri musi, ari hagati ya 120 na 480 BIF". Bamwe mu bo twaganiriye bavuga ko akatari gake babona ubutumwa bubereka ko barihishijwe ''services'' kanaka kandi ko batigeze biyandikisha kuri izo "services".

👉🏾 Hari n'abandi rero bavuga ko "bakimara gushiramwo ama ''unités'', haciye akanya gato bagasanga amafaranga yamaze gukurwako, ivyo ngo bikababera ikibazo kuko batamenya igituma canke ico bariko bararihishwa.

🚫 Mu kigo kijejwe kugenzura no gucungera itumatunako mu Burundi, ARCT, baganiriye na bagenzi bacu bo mu kinyamakuru Iwacu, barasiguye ko "batohoje ico kibazo, basanga si ikosa ry'ishirahamwe Lumitel rikata, ahubwo hari ama "services" arihishwa abanywanyi baba bariyandikishijemwo, babizi canke batabizi. Izo "services" zitwa ko zifise inyongeragaciro (Services à valeur ajoutée, SVA)".

📈 Aho mbere ngo iryo shirahamwe ryo gutumatumanako, rifise mwene ayo ma "services SVA" arenga kuri 60 aha abanywayi kuri ngendanwa zabo. Iyo umunywanyi yiyandikishije canke yemeje ayashika 20, ngo niho uca usanga agenda arakatwa amafaranga yisubiriza. Nayo ku bantu bipfuza guhagarika ivyo biyandikishijemwo, bisaba gukoresha kode *800*9 # kugira barabe ivyo biyandikishijeko kandi bazikureko igihe baba atavyo bakeneye. Basubiriye kubona bagikatwa naho, ARCT ibasaba kwitura iryo shirahamwe.

Address

Kigali

Website

Alerts

Be the first to know and let us send you an email when Amakuru Yose posts news and promotions. Your email address will not be used for any other purpose, and you can unsubscribe at any time.

Shortcuts

Share

Category