28/08/2025
*لوگ کہتے ہیں 30 روپے کے جھگڑے نے دو لوگوں کی جان لے لی،*
لیکن دیکھا اور سوچا جائے تو جان 30 روپے کی وجہ سے نہیں بلکہ اَنّا یعنی ۔۔ ,, میں،، اور عدم برداشت کی وجہ سے گئی ہے، پیسے واپس کر ۔۔۔ نئیں کردا ! اوئے تُوں مینوں جانڑدا نئیں !! بس پھر کیا تھا ، یہ میں میں کرنے والی اَنّا اور اکڑ، دو کی جان لے گئی۔ مقتول تو جیسے اندھی گولی کی بھینٹ چڑھے، ان کے وہم و گمان میں بھی نہ تھا کہ محض ریٹ کی بحث پر یہ ہوگا ، باقی جو وحشی بنے ، قاتل اور زومبی بنے ۔۔ اب پھانسی چڑھ جائیں گے ، جیل میں سڑیں گے یا سی سی ڈی کے ہاتھوں مارے جائیں گے ، اور پیچھے رُل جائیں گے ان سب کے خاندان،۔۔۔۔ بیوی بچے اور والدین !!
یہ سب پلاننگ سے نہیں ۔۔ آن کی آن میں ہوتا ہے ، اور یہ سب کرتا ہے وہ ،، خَنّاس ،، جِس سے پناہ کے لئے پوری ایک سُورۃ نازِل کی گئی کہ اس ایک شَر سے ﷲ کی پناہ مانگا کرو جو دِلوں میں وَسوّسے ڈالتا ہے، سُورۃ اَلفَلّق میں چار خطرناک چیزوں سے پناہ مانگنا سِکھایا گیا ز جبکہ سُورۃ الناس میں صِرف اِسی ایک سب سے خطرناک چیز ,, خَنّاس ،، سے پناہ مانگنے کا بتایا گیا، اِسی خَنّاس سے ہنستے بستے گھر تباہ ہو جاتے ہیں، سالوں سے چلے آرہے رِشتے ٹُوٹ جاتے ہیں، دوستیاں دُشمنیوں میں بدل جاتی ہیں، سگی اولاد ماں باپ کی دُشمن بن جاتی ہے، بھائی بھائی کا جانی دُشمن بن جاتا ہے، پیار کرنے والے میاں بیوی ایک دوسرے کی شکل دیکھنے سے بیزار ہو جاتے ہیں بات طلاق تک جا پہنچتی ہے ، دِلوں میں وَسوّسے ڈالنے والے اِس خَنّاس نے جانے کیا کیا تباہیاں مچا رکھی ہیں، اِس لئے ہمیشہ خَنّاس سے ﷲ کی پناہ مانگتے رہا کریں، معلوم نہیں کب یہ بدبخت خَنّاس دِل میں کوئی وَسوّسہ ڈال کر آن ہی آن میں سب کُچھ تباہ و برباد کر کے رکھ دے- دُعا ہے کہ ﷲ پاک ہمیں اِن پانچ خطرناک چیزوں سے ہمیشہ اپنی پناہ کے حِصّار میں مَحفُوظ رکھے-
آمِین ثُمَّ آمِین یَّا رَبِّ اَلعالَمِین
