08/07/2026
السلام علیکم ورحمۃ اللہ وبرکاتہ 🌹
امید ہے تمام احباب خیریت سے ہوں گے۔
💔 آج دل ایک ایسے مسئلے پر دکھ سے بھر گیا جس کے بارے میں جان کر حیرت بھی ہوئی اور افسوس بھی۔
شہر ایبٹ آباد کے بالکل قریب، خوبصورت وادی نگکی، جو کوہِ سربن کے نام سے پہچانی جاتی ہے اور جس کا حسن دور دور تک مشہور ہے، وہاں آج بھی ایک گھر اندھیرے میں ڈوبا ہوا ہے۔ 🏠⚡
یہ گھر کسی سنسان جگہ پر نہیں بلکہ "قبراں دی گلی سٹاپ" 📍 پر واقع ہے، جہاں سے روزانہ سینکڑوں لوگوں کا گزر ہوتا ہے، جہاں گاڑیاں کھڑی ہوتی ہیں 🚗، جہاں ہر آنے جانے والے کی نظر پڑتی ہے، اور جہاں اسی گھر کی چھت کے اوپر سے بجلی کی تاریں گزرتی ہیں۔
مگر افسوس...
پچھلے 75 سالوں میں اس گھر کے لیے دو بجلی کے پول تک نہ لگ سکے۔ ⚡
❓ آخر کیوں؟
کیا اس گھر کا کوئی فرد کسی سیاسی جماعت سے وابستہ نہیں؟
کیا ان کا کوئی نوجوان کسی گروپ یا تنظیم کا حصہ نہیں؟
کیا ان کے آگے پیچھے کوئی اثر و رسوخ رکھنے والا نہیں؟
کیا ان سے کوئی سیاسی فائدہ حاصل نہیں ہوتا؟
اگر یہی وجہ ہے تو پھر ہمیں خدمت، نمائندگی اور عوامی خدمت کے دعوؤں پر ضرور سوچنا چاہیے۔
📢 سیاستدان بہت ہیں،
📢 نمائندے بہت ہیں،
📢 سوشل ورکر بہت ہیں،
📢 ویلفیئر سوسائٹیاں بھی موجود ہیں،
لیکن اصل خادم اور درد رکھنے والے لوگ کہاں ہیں؟
اگر ایک غریب خاندان بنیادی سہولت سے محروم ہو اور کسی کے ضمیر پر بوجھ نہ بنے تو پھر بڑے بڑے دعووں کی حقیقت خود بخود سامنے آ جاتی ہے۔
💔 سچ تو یہ ہے کہ صرف یہی گھر نہیں، بلکہ نگکی کی باقی محرومیاں بھی کسی سے ڈھکی چھپی نہیں ہیں۔
🌳 نہ کوئی سرکاری پارک،
🏞️ نہ کوئی مناسب سیاحتی سہولت،
📍 نہ کوئی باقاعدہ ویو پوائنٹ،
🎡 نہ عوامی تفریح کے مناسب انتظامات۔
حالانکہ اگر اس خوبصورت علاقے میں ایک معیاری سرکاری پارک یا ویو پوائنٹ بنا دیا جائے تو نگکی کسی بھی سیاحتی مقام سے کم نہیں۔
🌄 یہاں سے ایبٹ آباد، حویلیاں، ہری پور، مانسہرہ اور دور دراز علاقوں کے دلکش مناظر دیکھے جا سکتے ہیں۔ چند منٹ کی مسافت پر موجود یہ علاقہ قدرتی حسن کا شاہکار ہے، مگر افسوس کہ اس کی ترقی اور تشہیر کے لیے سنجیدہ اقدامات نظر نہیں آتے۔
❓ آخر یہ سوال کون اٹھائے گا؟
❓ علاقے کی ترقی کی بات کون کرے گا؟
❓ ان محرومیوں کی نشاندہی کس کی ذمہ داری ہے؟
کیا یہ کام سیاسی نمائندوں کا نہیں؟
کیا یہ کام سوشل ورکروں کا نہیں؟
کیا یہ کام ویلفیئر سوسائٹیوں کا نہیں؟
🙏 میری تمام سیاسی نمائندگان، سماجی کارکنان، ویلفیئر تنظیموں اور اہلِ علاقہ سے گزارش ہے کہ چاہے کسی بھی جماعت یا سوچ سے تعلق رکھتے ہوں، خدارا اس گھر کے لیے فوری طور پر بجلی کے پول اور بجلی کا بندوبست کیا جائے۔
🤲 باقی محرومیوں کا ذکر پھر کبھی سہی، لیکن اس جدید دور میں ایک گھر کا اندھیرے میں رہنا ہم سب کے لیے لمحۂ فکریہ ہے۔
اللہ پاک نگکی اور اس کے تمام باسیوں پر اپنا خاص کرم فرمائے، ہماری محرومیوں کو خوشحالی میں بدلے اور ہمیں ایسے لوگ عطا فرمائے جو واقعی خدمت کو عبادت سمجھتے ہوں، نہ کہ صرف نعرہ۔
آمین 🤲 #نگکی
#ہزارہ
#ویلفیئر
#سیاحت
