19/07/2026
Mensahe ng Pasasalamat, Pananampalataya, at Paggunita
Isang mainit at mapagpalang pagbati sa ating lahat sa paggunita ng-
National Disability Rights Week! (On july 19/2026/sunday)
Ngayong taon, buong-puso tayong nagpapasalamat sa patuloy na pagkakaisa ng ating komunidad upang isulong ang kapakanan ng bawat isa. Ang ating tema,
"Rights First, Legislation Forward – Strategic Action for Equal Participation and Inclusive Development,"
ay nagpapaalala sa atin na ang tunay na pag-unlad ay nagmumula sa pagkilala sa pantay na karapatan ng lahat.
Sa ngalan at pamumuno ng SIKAP Orani Federation of Persons with Disability, katuwang ang ating lokal na pamahalaan at MSWDO, buong-giting nating ipinagpapatuloy ang laban para sa kapakanan ng bawat kasapi ng ating samahan.
Taos-puso rin ang ating pasasalamat sa ating mahal na Mayor, Hon. Antonio "Jon" Arizapa Jr., sa kanyang walang sawang suporta, pagkalinga, at paggabay sa mga programa para sa ating sektor.
Maraming salamat po, Mayor, sa inyong puso para sa mga may kapansanan!
Kasabay ng ating krusada para sa karapatan, higit nating ipinagpapasalamat ang pagkakataong magkasama-sama sa pagdadaos ng Banal na Misa. Sa pagtitipong ito, malinaw na nasasaksihan na buhay na buhay ang pananampalataya ng mga taong may kapansanan sa ating Diyos na dakila.
Ang ating kalagayan ay hindi kailanman naging hadlang, kundi naging daan pa nga upang lalong magningning ang ating katatagan at malalim na pagtitiwala sa Kanya.
Salamat sa bawat miyembro ng SIKAP Orani, sa mga pamilya, tagataguyod, at mga pinuno na kasama natin sa pag-aaruga.
Sa pamamagitan ng konkretong aksyon, tamang batas, at higit sa lahat, ng ating matibay na pananampalataya, sabay-sabay nating itataguyod ang isang inklusibong lipunan na pinagpala at ginagabayan ng Panginoon.
Mabuhay ang SIKAP Orani Federation, at patuloy nating isulong ang ating mga karapatan nang may dangal, pag-asa, at nag-aalab na pananalig sa Diyos!
