VV de Steinder Bök

11/03/2026

Ein triest berich; Annie Duckers euverleeje.

Vandaag höbbe veer, gehjél ônverwach, aafsjied môte numme van oos Geitje Annie Duckers. Annie, mjea és 45 jaor verbônje aan oos vereiniging, altied in beeld neave häöre Thé. Annie waor altied bie oos evenemente, en auch al waore d’r de lèste jaore get mechanische probleme, dan nog woort zie door de Geitjes zoväöl mäögelik mitgesleip. Vaste plek keezend op ein krök, ôm niks te hove misse van wat veer allemaol oetspwoakde. Grwétsj waor zie op häöre Thè, dea és boegbeeld en Eminence Grise van de Steinder Bök bènne en boete Stein bekènd steit. Nog grwétsjer op kleinzoon Levi, wie dea tot Jeugdprins van de Bök woort oetgerope, en op Chantal en Ewan, veural wie Chantal és Lempkeskeuningin door de straote van Stein trôk. Mit de Vastelaovend mitgaon in d’n optoch ging neet mjea, mér dan héj ze in wear en wéndj, häör vaste stek bie Eedje en Miet op ’t tuinmuurke. Dat lètste beeld zal oos altied bieblieve. Annie heat slechs 7 x 11 jaor maoge weare. Bedank veur alles watse veur Thé en veur oos vereiniging gedaon höbs. Ver zulle diene aansteakelijke sjaterlach missen!
😢
Annie, eine lètste Alaaf veur dich!
Alaaf!

01/03/2026

Wo ver aan dènke vreug facebook? Ver dènke aan al die luuj die gans vrieblievend, zowaal veur és achter de sjerme, ein belangrieke biedrage levere aan de Steinder Vastelaovend. Es veurbeeld de man op de foto; Tom Geuskens is eine van oos vaste chauffeurs. Hea steit al jaore garant veur ein veilige optoch veur oos prinsen en deit dat mit väöl plezeer en deskundigheid. D’r zeen nog meer van dees vriewilligers wo de Steinder Bök neet zônger kènne. Eine grwoate merci veur al die luuj!

01/03/2026

Nog ein korte trökblik nao de Grwoate Optoch. CV 1,5 bestông dit jaor 11 jaor en zie ginge d’r mit de Lambèr Soons trofee vandoor. Deze biezunjere trofee weurt toegekénd door de prins en in ‘t filmke kènt ger zeen woveur. Vastelaovend in optima forma!

24/02/2026

Nog eine, allerletste kjear... Murge - woonsdig 25 februari - is ozze expositie tussje 12:00 en 17:00 oer veur de aller, aller, allerletste kjear aope veur luuj die nog snel ein kiekske wille numme! De gastheer is neemes minder es ozze opperbok Ralf Courage. Laup nog éns bénne en geneet van alle sjoans dat de vastelaovend in Stein te beeje haet!

18/02/2026

Verloren! Oze prins is in Nieuwdorp bie de start zien gesp verlaore. Höb geer dea gevônje? Laot ‘t estebleef eave weite. Alvas hartelijk dank!

17/02/2026

Dit zeen os toppers van 2026! Grwetsj! ❤️💛💚

17/02/2026

De foto’s van dea geweldige optoch dröppele bénne, mit dank aan ônger angere Pierre Nelissen, Servi Janssen, Marilou Pepels en de luuj van Stein. Höb geer sjwoan foto’s die ver maoge gebruuke, mail ze dan nao [email protected]
Alvas hartelijk dank!

Ooze hoffotografen zörgde weer veur prachtige opnames dit sezoen. Auch anger luuj van Stein höbbe oos sjwoan foto’s gesjik. Geer kènt die hie of op oze Facebook pagina bekieke.

16/02/2026

Vastelaoves-zonjig in Stein. Zonger weurd. Dít is same vastelaovend viere! In de snjea-störrem woor prins Niek 1 opgewach: hea deilde de Lambèr Soons wisseltrofee daonao oet aan Duo 1,5. Zie vierden dit jaor hun 11-jaorig jubileum in ozze optoch. En ‘t bleef nog lang onröstig in ‘t dörrep… Magnifiek! ❤️💛💚

16/02/2026

Veer kieke truuk op eine onvergaetelijke optoch door de straote van Stein. Onvergaetelijk in alle opzichte. Hie ein prachtig beeld oet de Kruusstraot, sjus veur de snjea begos te dwarrelen euver de deilnummers. Ozze grwaote dank - auch namens Prins Niek 1 - aan alle deilnummers, vriewilligers en luuj langs de kentj veur ‘t trotsere van de kou. Eine prachtige bonte stoet mit ein wit läögske: geer zeet de vastelaovend in Stein. Alaaf! ❤️💛💚
📷 Ria Jacobs

14/02/2026

Hwoag bezeuk oet ‘t boetelendj! Vandaag kreege ver bie de aafsleeting onverwachs bezeuk van Oud Prins en Oud Opperbok Tom Goergen. Auch hea heat biegedrage aan oos rieke historie. Tom, danke veur dien bezeukske en veur ‘t besjikbaar stelle van die sjwoan relikwieën! De expo is vanaaf vandaag geslaote en kump wellicht ooit weer trök. Tot dan! Vastelaovend same!

14/02/2026

Gister tiejes os receptie hubbe veer Giel Aarts en Harold Salden ongersjeije mit de Culturele Ere Orde. Deze kump toe aan luu die zich op ein biezunjere en boetegewone maneer verdeenstelijk hubbe gemaak veur de vastelaovend in Stein en VV De Steinder Bök. Zoawaal Giel es Harold hubbe in ‘t verleje en tegenwoordig mit recht laote blieke ein vastelaoveshart van goud te hubbe. Veer wunsje de mannen (en partners Marian en Sascha) van harte proficiat! ❤️💛💚