07/10/2026
🍚 ထမင်းစားပြီး အိပ်ချင်လာတာ ဘာကြောင့်လဲ?
နေ့လယ်စာစားပြီးတာနဲ့ မျက်လုံးလေးလာပြီး အလုပ်လုပ်ဖို့ အားမရှိသလို ခံစားရတတ်လား? 😴
ဒါကို “ထမင်းစားလို့ပဲ” လို့ တစ်ချက်တည်း သတ်မှတ်လို့မရပါဘူး။
အစားအစာကို ပမာဏများလွန်းစွာစားခြင်း၊
အဆီများတဲ့ဟင်းတွေကို အများကြီးစားခြင်း၊
အသီးအရွက်နည်းခြင်း နဲ့ အစာစားပြီးနောက် ခန္ဓာကိုယ်ရဲ့ သဘာဝအတိုင်း ဖြစ်ပေါ်လာတဲ့ အားအင်ပြောင်းလဲမှုတွေကြောင့်လည်း အိပ်ချင်လာနိုင်ပါတယ်။
💡 ဒါဆို ဘယ်လိုစားသင့်လဲ?
ထမင်းကို လုံးဝဖြတ်ပစ်စရာ မလိုပါဘူး။
ပန်းကန်ထဲမှာ—
🍚 ထမင်းကို ကိုယ့်ရဲ့ လှုပ်ရှားမှုနဲ့ တစ်နေ့တာလိုအပ်ချက်နဲ့ ကိုက်ညီအောင် စားပါ။
🥚 အသား၊ ငါး၊ ကြက်ဥ၊ ပဲ စတဲ့ ပရိုတင်းတစ်မျိုး တွဲစားပါ။
🥬 အသီးအရွက်အမျိုးမျိုးကို ပိုမိုထည့်စားပါ။
🍳 အကြော်၊ ဆီပြန်ဟင်းတွေကို နေ့တိုင်းအများကြီး မစားဘဲ အစားအစာအမျိုးအစားတွေကို ပြောင်းလဲစားပေးပါ။
🚶 အစာစားပြီး ၁၀–၁၅ မိနစ်ခန့် လမ်းလျှောက်ပေးတာ
ကလည်း နေ့လယ်ပိုင်းမှာ ခန္ဓာကိုယ်ကို လှုပ်ရှားနေစေဖို့ အထောက်အကူပြုနိုင်ပါတယ်။
💚 အဓိကကတော့ ထမင်းကို ရန် သူ လို မမြင်ဘဲ ကိုယ့်ရဲ့ တစ်နေ့တာလိုအပ်ချက်နဲ့အညီ မျှတအောင် စားတတ်ဖို့ပါ။
ဒီလို လက်တွေ့အသုံးချလို့ရတဲ့
Healthy Eating Tips တွေကို
NutriCore Healthy Meal မှာ ဆက်လက်မျှဝေပေးသွားပါမယ်။ 💚
