20/10/2026
🇦🇺 ဩစတြေးလျက Rental Bond အကြောင်း
🍀Rental Bond (အိမ်ငှားစပေါ်ငွေ) ဆိုတာဘာလဲ.ပမာဏ ဘယ်လောက်ပေးရသလဲ
အိမ်စငှားချိန်မှာ ပေးရတဲ့ အာမခံစပေါ်ငွေဖြစ်ပြီး အိမ်လခ မပေးဘဲ ကျန်ခဲ့တာ ဒါမှမဟုတ် ပုံမှန်ဟောင်းနွမ်းမှုထက် ပိုတဲ့ ပျက်စီးမှုတွေရှိခဲ့ရင် ခုနှိမ်ဖို့အတွက် ဖြစ်ပါတယ်
(စင်ကာပူမှာဆို deposits ပေါ့)
🍀သတ်မှတ်ပမာဏ- NSW အပါအဝင် ပြည်နယ်အများစုမှာ (၄) ပတ်စာ အိမ်လခ
🍀ငွေကို ဘယ်သူထိန်းထားလဲ
ဒီစပေါ်ငွေကို အိမ်ရှင် (Landlord) သို့မဟုတ် Agent က သူတို့အိတ်ကပ်ထဲ ထည့်ထားလို့ မရပါ. သက်ဆိုင်ရာ ပြည်နယ်အစိုးရ အဖွဲ့အစည်း (ဥပမာ- NSW မှာဆိုရင် NSW Fair Trading / Rental Bonds Online - RBO) ထံ တရားဝင် ထည့်သွင်းပေးရပါတယ်
🍀NSW ရဲ့နောက်ဆုံးရ စနစ်သစ်
"Smart Rental Bonds" (Portable Bonds)
NSW မှာ အိမ်တစ်လုံးမှ အခြားတစ်လုံးသို့ ပြောင်းရွှေ့တဲ့အခါ အိမ်ဟောင်းက Bond ငွေပြန်မရသေးခင် အိမ်သစ်အတွက် စပေါ်ငွေအပြည့် အသစ်ထပ်စိုက်ထုတ်ရတဲ့ ဝန်ထုပ်ဝန်ပိုး မရှိတော့ပါဘူးတဲ့
🤍စနစ်သစ် ဘယ်လိုအလုပ်လုပ်လဲ
အိမ်ဟောင်းမှာ တင်ထားတဲ့ Bond ငွေကို Rental Bonds Online (RBO) စနစ်ကနေတစ်ဆင့် အိမ်သစ်သို့ တိုက်ရိုက် လွှဲပြောင်း (Transfer) လို့ရပါတယ်တဲ့
🤍အိမ်သစ်ရဲ့ Bond ကြေးက ပိုများရင် ပိုတဲ့ ပမာဏနဲ့ ဝန်ဆောင်ခ ($25) သာ ထပ်ပေးရပါတယ်
အိမ်သစ်ရဲ့ Bond ကြေးက ပိုနည်းရင် ကျန်တဲ့ငွေကို အိမ်ဟောင်း စာချုပ်သိမ်းတာနဲ့ မိမိထံ ပြန်လည်အမ်းပေးပါတယ်တဲ့
(Service fees $25 each transfer)
🤍ဘယ်သူတွေ လျှောက်ထားနိုင်လဲ
အသက် ၁၈ နှစ်ပြည့်ပြီးသူ. NSW အတွင်း အိမ်ငှါးပြောင်းရွှေ့သူ. RBO မှာ နာမည်တူ စာရင်းသွင်းထားသူများ ဖြစ်ရပါမယ်
🍀အိမ်ငှားသူတိုင်း သတိပြုရမည့် အချက်များ
စပေါ်ငွေ မှန်ကန်မှု ရှိမရှိ စစ်ဆေးခြင်း
-မိမိရဲ့ Bond ငွေကို အစိုးရရဲ့ တရားဝင် RBO ပေါ်မှာ စာရင်းသွင်းတင်ပြထားခြင်း ရှိမရှိ သေချာစစ်ဆေးပါ
Condition Report (အိမ်အခြေအနေ မှတ်တမ်းဖြည့်ခြင်း)
- အိမ်စဝင်တဲ့နေ့မှာ အိမ်ရဲ့ အခြေအနေကို Condition Report မှာ သေချာစစ်ဆေး ဖြည့်သွင်းပါ.ရှိနှင့်ပြီးသား အနာအဆာ.အစကွဲရာ. အမည်းစက်. အကွက်ရာတွေကို ဓာတ်ပုံနဲ့ ဗီဒီယို သေသေချာချာ ရိုက်သိမ်းထားပါ . Agent ကိုပြောပါ. Checklist မှာသေချာရေးပါ
📸သိပ်အရေးကြီးတာနော်
🍀Bond ငွေ ပြန်လည်တောင်းခံခြင်း
အိမ်စာချုပ်ကုန်လို့ အိမ်သော့ပြန်အပ်တာနဲ့ RBO Website မှာ Bond ငွေကို မိမိဘာသာ ပြန်တောင်းခံဖို့ လျှောက်ထားနိုင်ပါတယ်
🍀Fair Wear & Tear (ပုံမှန်ဟောင်းနွမ်းမှု)
အိမ်မှာ နေထိုင်ရင်း သဘာဝအတိုင်း ဟောင်းနွမ်းသွားတာတွေ (ဥပမာ- နံရံဆေးသား အနည်းငယ် အရောင်ကျတာ. ကြမ်းပြင် သေးသေးမွှားမွှား ပွန်းတာမျိုး) အတွက် အိမ်ရှင် သို့မဟုတ်
Agent က Bond ငွေထဲက ဖြတ်တောက်ခွင့် မရှိပါ
🍀အိမ်ပြန်အပ်ရင် အိမ်ရဲ့မူလအနေအထားအတိုင်း သန့်ရှင်းရေး ကိုယ်တိုင်လုပ်/agent ချိတ်ပေးတဲ့ cleaning service နဲ့ သန့်ရှင်းရေးလုပ် သော့အပ်ရတယ်. Cleaning service က စျေးသိပ်ကြီးပါတယ် .
ဒါက ကိုယ်တိုင်အတွေ့အကြုံနဲ့ ဖတ်ထားတာကို ဗဟုသုတအနေနဲ့ မျှဝေထားတာပါ. တစ်ခြားသော အိမ်ငှါးတဲ့ အတွေ့အကြုံတွေ sharing လုပ်သွားကြနော်. အဆင်ပြေကြပါစေ
