فاس حاكمة المغرب Fes Hakma Maghrib

14/12/2024

الأمن ففاس فكك شبكة ديال النصب والاحتيال، فيها خمسة ديال الأشخاص، منهم جوج عيالات وشخص عندو سوابق. الشبكة كانو دايرين شركة وهمية كواجهة، كيغرو الناس اللي باغين يشريو طوموبيلات وشاحنات بثمن رخيص، كيقولو ليهم جايبينهم من شركات كراء السيارات ولا المزادات.

هاد الطريقة خلاّتهم ينصبوا على الضحايا ويجمعوا أكثر من 16 مليون درهم، بلا ما يسلمو الطوموبيلات. الأمن شدهم ودارهم تحت الحراسة النظرية، وكيكمّل التحقيق باش يلقط باقي المتورطين. الأمن ففاس واقف على قدم وساق باش يحارب الجريمة بجميع أنواعها، ويخلي المدينة وجهة مفضلة وآمنة للسكان والزوار.

03/12/2024

03/12/2024

الفنان الكبير مصطفى الزعري
في ذمة الله... بعد صراع مع المرض اللهم ثبته عند السؤال و اجعل قبره روضة من رياض الجنة يارب..
إنا لله وإنا اليه راجعون

02/12/2024

واش حنا بشر ولا لا؟

هاد المستشفى اللي كيتسمى مستشفى الحسن الثاني CHU المفروض يكون واحد المركز اللي كيتلاقاو فيه الناس العلاج والرحمة، وخصوصا أنه تابع لوزارة الصحة يعني (شبه مجاني ) إلا من رسوم قليلة ولكن واش بصح هو تابع لوزارة الصحة لكتخدم لمصلحة الشعب وهنا أشير (الطبقة الفقيرة )
ولا بالمجانية ديال الذل والحكرة؟

المريض، اللي خاصو تدخل مستعجل ولا أشعة ولا تحاليل، كيجيو يقولولو: "موعدك بعد 3 شهور أو 4 شهور، سير شوف شنو يدير الله معاك." يعني واش كنضحكو على الناس؟ اللي باغي يتعالج اليوم، اللي حياتو على المحك، واش نطلبو منو يصبر حتى تمشي حياتو ولا يتحمل؟ واش اللي ما عندو الفلوس ولا الحظ باش يمشي لمصحات خاصة محكوم عليه بالموت فبلادو؟

وزيدو عليها، يلا جيتي من مدينة أخرى، كيقولو ليك: "نت ماشي تابع لفاس، سير فين تابع!" يعني حنا فبلاد مقسمة، بحال إلى العلاج ولا الجغرافيا كيتحكم فيها الخريطة، واللي ما عندو بطاقة اللي كتشير للمدينة الصحيحة، راه منفي صحيا. والمصيبة، يلا بغيت تبدل البطاقة، خاصك تدير دورة من المقدم لشي بلاصة أخرى، بحال يلا الصحة لعبة ديال الإداريين.

أما المحسوبية، ما كاينش باش نهضرو عليها، حيت ولات واضحة كالشمس. اللي كيعرف شي حارس ولا موظف، كيتحل ليه الباب. واللي معندوش، يسنى حتى يطيح عليه الغبار.

فينكم المسؤولين؟
واش فاس، اللي هي من أكبر المدن فالمغرب، غادي تبقى ساكتة على هاد الظلم؟ حنا عياونا من هاد الحكرة، بغينا الصحة تكون حق للجميع، ماشي امتياز للناس اللي عندهم واسطة ولا صبر لا يطاق.

طلبنا بسيط وواضح:
– تنظيم مواعيد الاستشفاء بطريقة إنسانية وعاجلة، خصوصا للحالات المستعجلة.
– إلغاء هاد القيود الإدارية اللي ما عندها حتى معنى.
– محاربة الفساد والمحسوبية اللي كتنخر المؤسسة من الداخل.

حنا بشر، وحنا مغاربة. بغينا حقوقنا، وبغينا نعيشو بكرامة فبلادنا.

الله يشفي ملكنا محمد السادس الله ينصرو ..❤️✌🏻
وكنطلبو منو يتدخل باش يلقا لينا حل لهاد المعاناة، حيث حنا واثقين فحكمتو وعدلو.
عاش المالك

01/12/2024

الشكر والتقدير كبيرا لفريق المغرب الفاسي وجماهيره، اللي دايمًا كيخليونا فخورين به. راه قدموا مباراة زوينة بزاف ضد نهضة الزمامرة، وظهروا بمستوى عالٍ من الحماس والقتالية. الفريق ديالنا دايماً كيبين لينا أنو قادر يوصل لأعلى المراتب، وبلا شك هو من أفضل الفرق في المغرب.وما نساوش كذلك أن الفريق ديالنا رفع علم فلسطين بكل فخر ودعم، باش يبين للعالم كامل أن المغرب الفاسي مش غير فريق رياضي، ولكن كيتحمل مسؤولية كبيرة في دعم القضايا العادلة، وفي مقدمتها قضية فلسطين. هذا الموقف يبرهن على الانتماء العميق للعروبة، وعلى أن الرياضة ماشي غير منافسات، بل كتشكل منصة للتضامن والوحدة. فخورين بيكم وبكل خطوة كتخدم هاد المبادئ!

ألف شكر لفريقنا و لجماهير الأوفياء على كل جهد وتفاني، وكل مباراة كتكون أجمل من اللي قبلها. إلى الأمام ديما!
F.T06

01/12/2024

مرحبا بكم فهاد الصفحة لي مخصصة لمدينة فاس ولمشاكلها. الهدف ديالنا هو نوصلو صوت الساكنة، نعرضو القضايا لي كتعاني منها الأحياء، ونوجهوها للمسؤولين باش يتحملو المسؤولية ديالهم.

إلا كان عندك شي مشكل فالحومة ديالك بحال النفايات، الإنارة، الطرقان، الفساد، الإجرام، ولا التهميش، ما عليك غير تبعت لينا التفاصيل، وحنا غادي ننشروها ونوصّلو الرسالة للجهات المعنية.

هاد الصفحة ايضا تنشر أي حاجة إيجابية كتزيد من قيمة فاس، حاضرة المولى إدريس. إي حاجة زوينة، مبادرة، أو إنجاز كيخلي مدينتنا أحسن،
مرحبا بيكم معانا!

عاونونا بالبارطاج والتفاعل مع الصفحة باش الصوت ديالنا يوصل لأكبر عدد ممكن، وخاصنا كاملين نكونو يد وحدة باش نحاربو التهميش والفساد ونطالبو بحقوقنا كاملة!

01/12/2024

مدينة فاس كانت دايمًا مفخرة للمغاربة بتاريخها، حضارتها، وزينتها. ولكن للأسف، الحالة لي ولات عليها الزناقي ديال المدينة اليوم كتجرح القلب وكتخلينا نحسو بالحكرة. وعود كاذبة وشعارات خاوية سمعناها على أن الحل قريب وأن الشركة غادي تبدل الوضع، ولكن الحقيقة؟ ما كاين والو!

الزناقي ديال فاس اليوم كتعيش فوضى ديال الأزبال، الروائح الخانزة، والحشرات لي ولات كتضايق الساكنة. فين هما المسؤولين؟ فين هي الشركة لي قالو لينا غادي تحل المشكل؟ واش المواطن لي كايخلص الضرائب ديالو ما عندو حتى قيمة عندهم؟

هاد الوضع ماشي عادي، وهاد السلوك ماشي مسؤول. ساكنة فاس عندها الحق تعيش في مدينة نقية ومحترمة بحال المدن الأخرى، وماشي في مطرح ديال النفايات! خاص المسؤولين يعرفو بأن الصبر ديال الناس عندو حدود، وخاصهم يتحركو دابا باش يلقاو حل جذري لهاد الكارثة.

باركا من التهاون وباركا من التسويف. حنا باغيين أفعال حقيقية على الأرض، ماشي كلام خاوي. المدينة ديال فاس كتستاهل الأحسن، والساكنة ديالها كتستحق المسؤولين لي يحسو بهم ويخدمو مصالحهم بجدية واحترام!

30/11/2024

مساج لساكنة فاس بأكملها بغتي فاس تزيد القدام رسالة واضحة متعطني من نعطيك #فاس #حاكمة #المغرب
بغات تواصل الرسالة ديال فاس المدينة وتعطيها صورة واضحة وخلينا من الزواق #الجميع