02/05/2022
මල බද්දයට පනු රෝගයට තිත තියන වැල් කොහිල.
කාල තියන අයටයි නැති අයටයි ඕන් දැන ගන්නයි කිව්වෙ... 😊😊
කාපු නැති අයනම් දන්නෙ නැතුව ඇති කොහෙද මේව හැදෙන්නෙ කියල. වැල් කොහිල හොයන්න කියල කටු කොහිල වගේ මඩේ බැහැගෙන හොයන්න එපා ඕන්...
කැලෑබද ප්රදේශවල ඔය ගස් දිගේ උඩට උඩට ගිහිල්ල මේව හැදිල තියනව ලස්සනට. තවදෙයක් ඕන් පෙරේතකමට වැල් කොහිල දලු කඩන්න කොහිල වැල පොඩි කරගෙන ගස්දිගේ නගිනව නෙවේ ඕන්. ඒ කොලේ පොඩිවෙලා කිරි හමේ ගෑවුනාම කසන්න ගන්නව... 😊😊
දැන් ඉතින් මේක හදන හැටි අහ ගන්නකො.
වැල් කොහිල දළු මිටක් ගෙන ලොකුවට කපාගන්න. මැටි භාජනයක් අරගෙන ඒකට පොල්කිරි කෝප්ප භාගයක්දාන්න. පොඩියට කපාගත් රතු ළූනු,සුදු ළූනු. අමු මිරිස්. රම්පෙ. කරපිංච. මිරිස් කුඩු, කහ,තුනපහ කුඩු පදමට එකතු කරගන්න.
දැන් මේ ටිකට පරිප්පු ටිකක් එකතු කරගෙන හොදින් කලවම් කරගෙන පරිප්පුටික තැම්බෙනකම් ලිපේ තියාගන්න. ඊටපස්සෙ අර වැල් කොහිලදළු ටික ඒකට එකතු කරගෙන විනාඩි 5 ක් තැම්බෙන්න තියාල බාගන්න..
