168 Hot News

31/05/2026

រូបថតទាំងនេះសុទ្ធតែជាមន្ត្រីនគរបាល វរៈសេនាតូចការពារព្រំដែននៅខេត្តបន្ទាយមានជ័យ ត្រូវចាប់ខ្លួនបញ្ជូនទៅតុលាការខេត្តបន្ទាយមានជ័យដេីម្បីផ្ដន្ទាទោសតាមច្បាប់ពីបទពាក់ព័ន្ធប្រព្រឹត្តបទល្មើសនាំទំនិញឆ្លងដែនខុសច្បាប់ ។ រូបថតត្រូវបានបង្ហាញអោយមហាជនដឹងច្បាស់មិនមានការលាក់បាំងទេ ។

ដោយឡែកមន្ត្រីចោរនៅខេត្តកំពត មិនអាចបង្ហាញបានព្រោះខ្លាចប៉ះពាល់ដល់មេមិនមែនពាក់ព័ន្ធនិតិវិធីដូចគេរៀបរាប់ទេ ។ ខ្ញុំមិនមែន អ្នកកាសែតខ្ចប់មមីសមាន់ទេ ខុសត្រូវខ្ញុំដឹង និតិវិធីខ្ញុំយល់ ។ គ្រប់បទល្មើសទាំងអស់លេីកលែងតែបទល្មើស ពាក់ព័ន្ធសន្តិសុខជាតិ ដែលត្រូវលាក់ការ តែបេីបទល្មើសពាក់ព័ន្ធសន្តិសុខសង្គមគ្មានអ្វីត្រូវលាក់ការទេ ។

ប្រភពពី PVN

30/05/2026

នាយកមន្ទីរប្រឆាំងបទល្មើសគ្រឿងញៀន ចុះសួរសុខទុក្ខ និងនាំយកបាច់ផ្កា ព្រមទាំងថវិកាមួយចំនួន ប្រគល់ជូន វីរនគរបាលបង្ក្រាបគ្រឿងញៀនដល់គេហដ្ឋាន

ឯកឧត្តម ឧត្តមសេនីយ៍ឯក ឃឹង សារ៉ាត់ បានដឹកនាំនាយនគរបាលចុះមកសាកសួរសុខទុក្ខលោកអនុសេនីយ៍ឯក ធាង ឧត្តម ដល់គេហដ្ឋាន ស្ថិតនៅផ្ទះលេខ២៤៧ ផ្លូវបេតុង ភូមិមិត្ដភាព ឃុំព្រែកឯង ខណ្ឌច្បារអំពៅ រាជធានីភ្នំពេញ ដែលទើបត្រឡប់មកពីសម្រាកព្យាបាលនៅប្រទេសវៀតណាម។ ការចុះសួរសុខទុក្ខនេះ ធ្វើឡើងនាថ្ងៃទី៣០ ខែឧសភា ឆ្នាំ២០២៦ ដឹកនាំដោយ ឯកឧត្តម ឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀនផ្ទាល់ ព្រមទាំងគណៈប្រតិភូជាច្រើនរួមមាន នាយករងមន្ទីប្រឆាំងបទល្មើសគ្រឿងញៀន ១២រូប នាយការិយាល័យ ១១រូប សរុបចំនួន ២៣រូបបានចូលរួម។

នាឱកាសនោះឯកឧត្តមមានប្រសាសន៍ថា បើទោះបីកងកម្លាំងរបស់យើងរងរបួសនៅពេលចុះប្រតិបត្ដិការណ៍បង្ក្រាបបទល្មើសក្នុងកម្រិតណាក៏ដោយ ថ្នាក់ដឹកនាំរបស់យើងមិនទុកមន្ត្រីរូបណាចោលនោះទេ គឺតែងតែយកចិត្តទុកដាក់ ជំរុញ ការមើលថែ ការព្យាបាល និងការសួរសុខទុក្ខជានិច្ច ក្រោមការយកចិត្តទុកដាក់ ដ៏ខ្ពង់ខ្ពស់ពីសំណាក់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងលោកជំទាវ ជាក់ស្ដែងដូចជាករណីនេះជាដើម។

ក្នុងនោះដែរលោកអនុសេនីយ៍ឯក ធាង ឧត្តម និងក្រុមគ្រួសារ បានសម្ដែងនូវក្ដីរំភើបឥតឧបមា និងថ្លែងអំណរគុណយ៉ាងជ្រាលជ្រៅបំផុតចំពោះទឹកចិត្តមេត្តាធម៌របស់ថ្នាក់ដឹកនាំ ដែលបានផ្តល់ភាពកក់ក្តៅដល់រូបលោក និងក្រុមគ្រួសារដោយមិនបោះបង់ឱ្យនៅឯកោ នោះឡើយ និងបានជួយទំនុបបំរ៉ុងរហូតមក ។

គូសបញ្ជាក់ថា វីរនគរបាល លោកអនុសេនីយ៍ឯក ធាង ឧត្តម (អត្តលេខ ៦៨៧៣១) បានរងរបួសយ៉ាងធ្ងន់ធ្ងរ ក្នុងពេលចុះប្រតិបត្តិការស្រាវជ្រាវ និងបង្ក្រាបសំបុកឧក្រិដ្ឋជនជួញដូរគ្រឿងញៀនប្រដាប់អាវុធ កាលពីថ្ងៃទី២ ខែមេសា ឆ្នាំ២០២៦ កន្លងទៅ ស្ថិតនៅចំណុចភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ។

នៅទីបញ្ចប់ លោកអនុសេនីយ៍ឯក ធាង ឧត្តម បានលើកហត្ថប្រណម្យបួងសួងដល់គុណព្រះរតនត្រ័យ សូមប្រទានពរជ័យជូនដល់ថ្នាក់ដឹកនាំអគ្គស្នងការដ្ឋាននគរបាលជាតិ និងគណៈប្រតិភូទាំងអស់ ជាពិសេស ឯកឧត្តម ឧត្តមសេនីយ៍ឯក ឃឹង សារ៉ាត់ ឱ្យទទួលបានជោគជ័យគ្រប់ភារកិច្ចបម្រើជាតិ និងប្រជាជនជានិច្ចនិរន្តរ៍ ៕

30/05/2026

តារាចម្រៀង ឬតារាសម្ដែងល្បីៗ បើផ្ដោតទៅលើចម្រៀង ឬសម្តែងហើយមិនផ្ដោតទៅលើមុខជំនួញបន្ថែមច្បាស់ណាស់សេដ្ឋកិច្ចផ្ទាល់ខ្លួនដើរយឺត✍️ពួកគាត់ល្បីៗពេលរកសុីមានឥទ្ធិពលជាងយើងអ្នកធម្មតាដែលទើបចាប់ផ្ដើមដូចគ្នា🏛️តែគ្រាន់តែចង់សួរថាពេលចាប់ផ្ដើមជំនួញអនឡាញដំបូងអ្នកណាជាអ្នកបង្រៀនដឹកដៃដើរ? ហើយឱ្យដើមទន់ខ្ចី?

ការលើកយោបល់ខុសទាស់ត្រង់ណាខ្ញុំសូមអធ្យាស្រ័យផង🙏

30/05/2026

បញ្ហាប្រឈមរវាងក្រុមហ៊ុនបច្ចេកវិទ្យាBookingការធ្វើដំណើរ (Ride-hailing apps) Wow Now និងអ្នករត់កង់បីឯកជន អ្នករត់កង់បីតាមAppផ្សេង និងតាក់ស៊ីបែបប្រពៃណីក្នុងស្រុក គឺជាប្រធានបទដ៏ក្តៅគគុកមួយ ដែលឆ្លុះបញ្ចាំងពីការផ្លាស់ប្តូរផ្នែកសេដ្ឋកិច្ចឌីជីថលនៅកម្ពុជា។

ការបញ្ចុះតម្លៃសេវាដឹកជញ្ជូនឱ្យនៅធូរថ្លៃរបស់ក្រុមហ៊ុន បង្កើតឱ្យមានទាំងផលវិជ្ជមាន និងផលអវិជ្ជមានដល់សង្គម និងសេដ្ឋកិច្ចជារួម ដូចខាងក្រោម៖

គុណសម្បត្តិ (Advantages)
👉 ផលចំណេញផ្ទាល់របស់អ្នកប្រើប្រាស់ (Consumers' Benefit): តម្លៃធូរថ្លៃជួយកាត់បន្ថយការចំណាយប្រចាំថ្ងៃរបស់ប្រជាពលរដ្ឋទូទៅ សិស្ស-និស្សិត និងបុគ្គលិកក្រុមហ៊ុន ក្នុងការធ្វើដំណើរ។ វាក៏ជួយទាក់ទាញភ្ញៀវទេសចរបរទេសឱ្យមានភាពងាយស្រួលក្នុងការធ្វើដំណើរដោយមិនបារម្ភរឿងការទារតម្លៃហួសហេតុ។
👉 ជំរុញការប្រកួតប្រជែងក្នុងទីផ្សារ: ការចូលមកដល់នៃសេវាកម្មដែលមានតម្លៃទាប បង្ខំឱ្យទីផ្សារដឹកជញ្ជូនទាំងមូលត្រូវកែប្រែខ្លួន បង្កើនភាពច្នៃប្រឌិត និងពង្រឹងគុណភាពសេវាកម្ម ដើម្បីរក្សាអតិថិជន។

👉 ផ្តល់ភាពងាយស្រួល ផាសុកភាព និងសុវត្ថិភាពៈ ប្រព័ន្ធកម្មវិធីទូរស័ព្ទមានតម្លាភាពផ្នែកតម្លៃ (ដឹងតម្លៃមុនជិះ) មានប្រព័ន្ធ GPS តាមដាន ដែលផ្តល់ទំនុកចិត្ត និងសុវត្ថិភាពខ្ពស់ជាងការចរចាតម្លៃផ្ទាល់មាត់។

👉 បង្កើតឱកាសការងារបណ្តោះអាសន្ន: វាបើកឱកាសការងារដល់អ្នកបើកបរដែលគ្មានសមត្ថភាពទិញយានជំនិះសំរាប់បំរើសេវាកម្ម។

គុណវិបត្តិ (Disadvantages)
👉 ផលប៉ះពាល់ខ្លាំងលើជីវភាពអ្នករត់កង់បីក្នុងស្រុក: ការទម្លាក់តម្លៃសេវាទាបពេក (ជួនកាលទាបជាងថ្លៃដើម ឬហៅថា Price Dumping) ធ្វើឱ្យអ្នករត់កង់បីឥណ្ឌា ឬកង់បីប្រពៃណីដែលមិនស្ថិតក្នុងប្រព័ន្ធកម្មវិធីនោះ មិនអាចប្រកួតប្រជែងបាន ដែលនាំឱ្យចំណូលរបស់ពួកគាត់ធ្លាក់ចុះយ៉ាងគំហុក និងប៉ះពាល់ដល់សេដ្ឋកិច្ចគ្រួសារ។

👉 ហានិភ័យនៃការបង្កើតទីផ្សារផ្តាច់មុខ (Monopoly Risk): យុទ្ធសាស្ត្រដុតលុយ (Burning Cash) ដោយសុខចិត្តខាតដើមដើម្បីបង្ក្រាបគូប្រជែង អាចធ្វើឱ្យអ្នកផ្តល់សេវាតូចតាចដួលរលំ។ នៅពេលដែលក្រុមហ៊ុនធំគ្រប់គ្រងទីផ្សារបានទាំងស្រុង ពួកគាត់អាចនឹងតម្លើងថ្លៃសេវាវិញតាមចិត្តនៅពេលក្រោយ។

Conclusion:
ការវិវត្តផ្នែកបច្ចេកវិទ្យា និងការប្រកួតប្រជែងតម្លៃជារឿងដែលមិនអាចជៀសវាងបាននៅក្នុងសេដ្ឋកិច្ចទីផ្សារសេរី។ ទោះជាយ៉ាងណា ដើម្បីឱ្យកម្ពុជាទទួលបានផលប្រយោជន៍ជារួមប្រកបដោយចីរភាព ការចូលរួមដោះស្រាយពីក្រសួង-ស្ថាប័នពាក់ព័ន្ធ គឺពិតជាសំខាន់ណាស់ ដូចជា៖
1. ការកំណត់តម្លៃកម្រាលទាបបំផុត (Floor Price) ដើម្បីការពារកុំឱ្យមានការទម្លាក់តម្លៃទីផ្សារហួសហេតុ។
2. ការពិនិត្យលើការប្រកួតប្រជែងដោយស្មោះត្រង់ (Fair Competition)។

27/05/2026

🚨អ្នកបរិហារកេរ្តិ៍គេជាសាធារណៈ ឬជេរប្រមាថគេ
តាមបណ្ដាញសង្គម Facebook ជាបទល្មើសព្រហ្មទណ្ឌ (មាត្រា ៣០៥.៣០៧ ក្រមព្រហ្មទណ្ឌ)

27/05/2026

សូមចូលរួមអបអរសារទ🙏🙏🙏ចំពោះ លោកវរសេនីយ៍ឯក ជា ចិត្រា នាយការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញ ត្រូវបានតែងតាំងជាស្នងការនគរបាលថ្មី ខេត្តមណ្ឌលគិរី ជំនួសលោកឧត្តមសេនីយ៍ទោ ឡោ សុខា។

ពិធីប្រកាសចូលកាន់តំណែងលោកជាស្នងការនគរបាលខេត្តមណ្ឌលគិរី នឹងធ្វើឡើងនៅព្រឹកថ្ងៃទី២៨ ខែឧសភា ឆ្នាំ២០២៦ ដោយប្រកាសរួមគ្នាចូលកាន់តំណែងជាមួយអភិបាលខេត្តថ្មីគឺលោក គង់ គឹមនី ក្រោមវត្តមានលោកឧបនាយករដ្ឋមន្រ្តី ស សុខា រដ្ឋមន្រ្តីក្រសួងមហាផ្ទៃ។

26/05/2026

នគរបាលខេត្តឧត្ដរមានជ័យ ចុះផ្សព្វផ្សាយគោលនយោបាយភូមិ ឃុំ សង្កាត់ មានសុវត្ថិភាព និងផ្សព្វផ្សាយអំពីគ្រាប់មីន គ្រាប់យុទ្ធភ័ណ្ឌមិនទាន់ផ្ទុះ នៅក្នុងភូមិសាស្រ្តខេត្ដឧត្ដរមានជ័យ

ឧត្ដរមានជ័យ ៖ ថ្ងៃអង្គារ ១០កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែឧសភា ឆ្នាំ២០២៦ ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការចង្អុលបង្ហាញពី លោកឧត្ដមសេនីយ៍ទោ ខូវ លី ស្នងការ នៃស្នងការដ្ឋានខេត្ដឧត្ដរមានជ័យ ជារៀងរាល់ថ្ងៃ កម្លាំងជំនាញអធិការដ្ឋាននគរបាលក្រុង-ស្រុក កម្លាំងប៉ុស្តិ៍នគរបាលរដ្ឋបាល ចុះផ្សព្វផ្សាយអំពីគោលនយោបាយភូមិ ឃុំ សង្កាត់ មានសុវត្ថិភាព ច្បាប់ចរាចរណ៍ ផលប៉ះពាល់នៃគ្រឿងញៀន ដល់យុវជន សិស្សានុសិស្ស ដើម្បីបញ្ជៀបការយល់ដឹង ក្នុងន័យរួមចំណែកកាត់បន្ថយគ្រោះថ្នាក់ចរាចរណ៍ ការប្រើប្រាស់នូវសារធាតុញៀន បទល្មើសអសន្តិសុខតាមមូលដ្ឋាន និងផ្សព្វផ្សាយអំពីគ្រាប់មីន គ្រាប់យុទ្ធភ័ណ្ឌមិនទាន់ផ្ទុះ ដល់ប្រជាពលរដ្ឋក្នុងមូលដ្ឋានខេត្ដឧត្ដរមានជ័យ ដើម្បីបង្កើនការយល់ដឹង និងប្រុងប្រយ័ត្នខ្ពស់ចំពោះគ្រាប់យុទ្ធភ័ណ្ឌមិនទាន់ផ្ទុះ ដែលអាចបង្កគ្រោះថ្នាក់ដល់អាយុជីវិត។

គ្រាប់មិនទាន់ផ្ទុះទាំងនេះអាចកប់បាត់ក្នុងដី ឬនៅរាយប៉ាយតាមតំបន់ផ្សេងៗ ជាពិសេសកន្លែងដែលមានការប្រយុទ្ធគ្នារវាង កម្ពុជា-ថៃ នាពេលថ្មីៗកន្លងមកនេះ ដោយភ្ជាប់ជាមួយអត្ដសញ្ញាណប័ណ្ណ សៀវភៅគ្រួសារ និងសៀវភៅស្នាក់នៅ ចែកជូនប្រជាពលរដ្ឋក្នុងមូលដ្ឋានដល់បណ្ដាខ្នងផ្ទះ៕

26/05/2026

ខេត្តតាកែវ នាព្រឹកថ្ងៃទី២៦ ខែឧសភា ឆ្នាំ២០២៦
ឯកឧត្តម ធាម ច័ន្ទពិសិដ្ឋ ប្រធានសាលាដំបូងខេត្តតាកែវ, ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ លោកឧត្តមសេនីយ៍ត្រី សេង មហា មេបញ្ជាការ កងរាជអាវុធហត្ថខេត្ត លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ អញ្ជើញជាអធិបតីភាព ក្នុងកិច្ចប្រជុំពង្រឹងការអនុវត្តប្រឆាំងការឆបោកតាមប្រព័ន្ធបច្ចេកវិទ្យា ដោយមានការចូលរួមពី លោកព្រះរាជអាជ្ញារង លោកមេបញ្ជាការរង លោកស្នងការរង និងអស់លោកជាមន្ត្រីនគរបាលយុត្តិធម៌ ចំណុះបញ្ជាការរដ្ឋាន កងរាជអាវុធហត្ថខេត្ត និងស្នងការដ្ឋាននគរបាលខេត្ត ផងដែរ
(នៅសាលប្រជុំសាលាដំបូងខេត្តតាកែវ) ៕

26/05/2026

26/05/2026

ថៃ បើមិនខ្មាសកម្ពុជា និងខ្មាសពិភពលោកគួរខ្មាសខ្លួនឯងខ្លះ ដែលបំពានច្បាប់អន្តរជាតិ ឈ្លានពានកម្ពុជាទាំងកំរោល ហើយធ្វើខ្លួនឯងដូចជាជនរងគ្រោះ ។ ពិតជាគួរឲ្យអស់សំណើចណាស់ ដែលប្រទេសមួយនេះអួតខ្លួនជាប្រទេសសុីវីល័យ ជាប្រទេសអ្នកមានកិត្តិយស ថ្លៃថ្នូរ តែធាតុពិតគឺជាប្រទេសចោរ មានតែលួច និងឈ្លានពានតែប៉ុណ្ណោះ ។

Thailand, if not ashamed of Cambodia and the world, should be ashamed of itself for violating international law, blatantly invading Cambodia, and treating itself like a victim. It is truly ridiculous that this country boasts of being a civilized country, a country of honor and dignity, but in reality it is a country of thieves, only stealing and invading.