KFA

03/11/2026

Þjónustutími í vetur er alla virka daga frá 15:30–21:00 og um helgar frá 11:00–17:00.

Langar þig að finna þinn styrk og byggja þig upp fyrir vetrarharkið? Hjá okkur færðu leiðsögn, verkefni við hæfi og góðan félagsskap.

Félagsgjald — 25.000 kr. á ári. Veitir aðgang að eigin æfingum á þjónustutíma, grunnþjónustu og þátttöku í félagsstarfinu. Margir félagar æfa að jafnaði annars staðar en koma til okkar inn á milli.

Sólarhringsaðgangur — 8.500 kr. á mánuði, auk félagsgjalds. Ótakmarkaður aðgangur allan sólarhringinn fyrir 18 ára og eldri.

Greiðir þú félagsgjaldið fyrir 2026 núna í nóvember eða desember gildir það út árið 2027.

KFA
Stofnað 7. janúar 1975
---
Kt: 631080-0309
Hjalteyri 604
---
Íþróttastarf, lyftingar, viðburðir og starfsemi tengd því - og allt annað 🐺
---
⏰ Þjónustutímar fyrir félagsmenn & dropinn
---
Virkir dagar 15:30 - 21:00
Helgar 11:00 - 17:00

01/11/2026

Sunnudagur á Hjalteyri

🧒👧 11:00–16:00 – Lyftingaskóli
Leikur, jafnvægi og hreyfifærni með foreldrum

🔓 11:00–17:00 – Open Gym
Þrautabrautir, drop-in og fjölskylduvænt andrúmsloft.

Hulda er búin að skella í flotta þrautabraut og heitt á könnuni. Allir velkomnir 💪🏻

25/10/2026

Dagana 15.–17. október fór heimsmeistaramót IDFPA í bekkpressu fram í Síldarkastalanum á Hjalteyri við Eyjafjörð.

Við höfum haldið mörg mót í gegnum árin. Þessi helgi mun þó eiga sérstakan stað hjá okkur.

Við í skipulagsnefndinni þökkum keppendum, gestum, samstarfsaðilum og öllum sem lögðu hönd á plóg.

Takk fyrir okkur 🫶

09/10/2026

Fimmtudagur 15. október
Kl. 17:00–19:00 — Fyrirfram búnaðarskoðun.

Föstudagur 16. október — Keppnislota 1
Kl. 07:30 — Búnaðarskoðun.
Kl. 08:00–09:30 — Vigtun.
Kl. 09:30 — Húsið opnar fyrir gesti.
Kl. 10:00–11:30 — Keppni.
Kl. 12:00 — Verðlaunaafhending og lyfjaeftirlit.

Föstudagur 16. október — Keppnislota 2
Kl. 12:30 — Búnaðarskoðun.
Kl. 13:00–14:30 — Vigtun.
Kl. 14:30 — Húsið opnar fyrir gesti.
Kl. 15:00–17:00 — Keppni.
Kl. 17:30 — Verðlaunaafhending og lyfjaeftirlit.

Laugardagur 17. október — Keppnislota 3
Kl. 08:30 — Búnaðarskoðun.
Kl. 09:00–10:30 — Vigtun.
Kl. 10:30 — Húsið opnar fyrir gesti.
Kl. 11:00–12:30 — Keppni.
Kl. 13:00 — Verðlaunaafhending og lyfjaeftirlit.

Miðar fyrir áhorfendur á Tix.is⁠

Það eru enþá nokkrir miðar ef þú vilt koma og sjá guðsgreinina í sinni tærustu mynd 💪

04/10/2026

Lyftingaskóli með breyttu sniði í dag.

Í dag, 4. Okt, er opið hjá okkur frá kl.11 til 14:00.
Þrautabraut, klifur og kaffi ☕️

01/10/2026

Enginn þjónustutími í dag, 1.okt, iðkendur komast inn með aðgangskorti eða lyklaboxi.

29/09/2026

Í dag, þriðjudag, og á morgun, miðvikudaginn 30.sept, er enginn opnunartími í aðstöðuna okkar á Hjalteyri.
Hægt er fyrir iðkendur að nota aðgangskerfi eða lyklabox.
Hægt er að hafa samband símleiðis við Grétar Skúla í 8484460 og Huldu í 6904330 í dag en á morgun, miðvikudag, verðum við utan þjónustusvæðis.

19/09/2026

Á Hjalteyri er staðurinn sjálfur alltaf hluti af verkinu.

Undanfarin tíu ár hafa nemendur á fyrsta ári í meistaranámi við myndlistardeild Listaháskóla Íslands dvalið hér í eina viku sem hluta af vinnustofu haustannar. Þar vinna þau út frá sögu Verksmiðjunnar, rýminu og sérstöðu Hjalteyrar.

Hver hópur nálgast staðinn með sínum hætti. Verksmiðjan verður því ekki aðeins sýningarrými heldur líka efniviður og viðfangsefni í vinnu nemendanna.

Að þessu sinni dvelja níu nemendur LHÍ og tveir KUNO-nemendur á Hjalteyri dagana 13.–20. september. Vinnustofuna leiða Sigurður Guðjónsson, myndlistarmaður og prófessor við LHÍ, og Gústav Geir Bollason, myndlistarmaður og stofnandi Verksmiðjunnar.

Dvölinni lýkur með sýningunni Murmuration, sem opnar í Verksmiðjunni í dag, laugardaginn 19. september, kl. 16:00–18:00.

Þetta eru alltaf svo flottar sýningar hjá þessum krökkum. Það er gaman að sjá hvernig hver hópur les staðinn með nýjum augum og fá um leið innsýn í þá strauma og hugmyndir sem eru á ferðinni innan LHÍ hverju sinni.

Það væri sérstaklega ánægjulegt að sjá sem flesta koma í Verksmiðjuna og fagna þessum tíu ára áfanga með nemendum og aðstandendum sýningarinnar.

Alltaf allir velkomnir á Hjalteyjuna.

16/09/2026

Ég kynntist Quintin þegar ég þjálfaði Viktor Samúelsson. Þeir kepptu báðir í A-hópi á heimsmeistaramótunum í Plzeň 2017, Halmstad 2018 og Dubai 2019.

Strax sá ég að Quintin var vel þjálfaður og skipulagður íþróttamaður. En það var ekki aðeins styrkurinn sem vakti athygli. Hann var alltaf kurteis og kom vel fram við bæði andstæðinga og liðsfélaga — sannkölluð fyrirmynd, rétt eins og Viktor okkar.

Quintin byrjaði í kraftlyftingum 14 ára gamall eftir að hafa ekki fundið sig í hefðbundnum íþróttum. Á fyrsta mótinu pressaði hann 42,5 kg. Síðan eru liðin 21 ár og yfir 80 keppnir. Besti bekkurinn hans er 320 kg í keppni og 340 kg á æfingu.

Það eitt væri merkur ferill. En raunverulegt vægi Quintins liggur annars staðar.

Hann rekur eigin æfingastöð, heldur mót og byggir upp samfélag í kringum íþróttina. Eiginkona hans og dóttir keppa líka — lyftingar eru orðnar sameiginlegur hluti af lífi fjölskyldunnar.

Hann hefur farið allan hringinn.

Lyftingarnar tóku dreng sem fann sig ekki í almennum íþróttum og gáfu honum vettvang til að finna eigin styrk. Hann mótaði sjálfan sig með aga og áreynslu — og skapar nú sama vettvang fyrir aðra.

Ég sá Quintin síðast keppa í Dubai árið 2019. Nú kemur hann til Hjalteyrar sjö árum síðar sem afreksmaður, fjölskyldufaðir, mótshaldari og leiðtogi — fulltrúi þess besta sem lyftingar geta gert.

🏋️ Quintin keppir í fyrsta riðli kl. 10:00 á föstudeginum, í -125 kg flokki.

🎟️ Miðar fást á tix.is.

Koma svo, Quintin!