s.media

13/12/2025

🔴 وەزیری خوێندنی باڵا: بڕیاردرا بە لێخۆشبوون لە پارەی کرێی خوێندنی قوتابی/ خوێندکارانی دانیشتووی چەمچەماڵ و دەوروبەری کە بە پارالێل یان خوێندنی ئێواران وەرگیراون لە خوێندنی بەرایی (دبلۆم و بەکالۆریۆس) و خوێندنی باڵا (دبلۆمى باڵا، ماستەر، دکتۆرا)، لە سەرجەم زانکۆکان بۆ بڕی ماوەی کرێی خوێندنیان بۆ ساڵی خوێندنی (2025-2026).

02/12/2025

بۆ/ بەڕێوەبەرایەتییە گشتییەکانی پەروەردەی (هەولێر، سلێمانی، دهۆک، هەڵەبجە، گەرمیان، زاخۆ، سۆران، ڕاپەڕین و خوێندنی کوردی لە کەرکووک)
​بابەت/ گشتاندن
​بەمەبەستی بەڕێز ڕاگرتنی ڕۆژی ئاڵای کوردستان لە ڕێکەوتی ١٧ی ١٢ی ٢٠٢٥ سەرجەم ناوەندەکانی خوێندنی حکومی و ناحکومی و قوتابخانە نێودەوڵەتییەکان ئاگادار بکەن، کە سەرەڕای بەردەوامبوونی تاقیکردنەوەکان کاتژمێرێک لە سەرەتای دەوام بۆ بەرزڕاگرتنی ئاڵای کوردستان تەرخان بکەن، پاشان تاقیکردنەوە ئەنجام دەدرێت.

01/12/2025

سپێدە باش♥️

سووریا: لە دوای ڕووخانی ئەسەدەوە ئیسرائیل زیاتر لە هەزار هێرشی ئەنجامداوە
پێش 33 خولەک ئەم هێرشە ئەنجام دراوە

سووریا
سوپای ئیسرائیل
عەبیدە غەزبان، توێژەری ستراتیژی لە وەزارەتی دەرەوەی سووریا، ئاشکرای کرد، لەدوای ڕووخانی ڕژێمی بەشار ئەسەدەوە، ئیسرائیل زیاتر لە هەزار هێرشی ئاسمانی ئەنجامداوە.
ڕاشیگەیاند: "ئامانجی سەرەکیی هێرشەکانی ئیسرائیل لاوازکردنی دەوڵەتی سووریایە."
ئەم لێدوانانە لە کاتێکدایە گرژییەکان لە ناوچەی "بەییت جن" لە باشووری سووریا و گوندەکانی دەوروبەری دیمەشق بەردەوامە. لە ماوەی دوو ڕۆژی ڕابردوودا، درۆنەکانی ئیسرائیل بە بەردەوامی بە ئاسمانی ناوچەکەدا سوڕاونەتەوە.
بەرەبەیانی ڕۆژی هەینی،28ـی تشرینی دووەمی 2025، سوپای ئیسرائیل، هێرشی ئاسمانی کردە سەر بەییت جن و هاوکات دەوریەیەکی سەربازیی ئیسرائیل هێرشی کردە سەر شارۆچکەکە. بەگوێرەی زانیارییەکان، لە ئەنجامی شەڕ و بۆردومانەکاندا 13 کەس کوژران و 13 سەربازی ئیسرائیلیش بریندار بوون. حکوومەتی دیمەشق ئیدانەی هێرشەکەی کرد و بە "تاوانی جەنگ"ی لەقەڵەم دەدات.
لەلایەکی دیکەوە و وەک کاردانەوەیەک، دوای نوێژی هەینی هەزاران هاوڵاتی سووری لە گۆڕەپانە سەرەکییەکانی شارەکانی سەرانسەری وڵات کۆبوونەوە. خۆپیشاندەران وێڕای شەرمەزارکردنی هێرشەکانی ئیسرائیل، پشتیوانیی خۆیان بۆ یەکگرتوویی خاکی سووریا دووپات کردەوە.

30/11/2025

#ئاگاداری
ئەزموونەکان کۆتا دەرفەت دەداتە قوتابیانی دەرەکی و تحسین معدل ئەنجامدانی مامەڵە تاوەکو ڕۆژی سێ شەممە وەک کۆتا دەرفەت دانراوە هەر قوتابیەک دەیەوێت بیکاتە دەرەکی و تحسین معدل پەلە بکات
2/12/2025
کۆتا وادەیە

30/11/2025

قوتابیانی دەرەکی مێژوو ئابووری جوگرافیای نوێ دەخوێنن بۆ تاقیکردنەوەی وەرزی یەکەم و وزاریش
ئەم بڕیارەت پێ چۆنە؟
قوتابی دەرەکی هیچ شارەزاییەکی لە کتێبی نوێ ی مێژوو و جوگرافیا نیە نەشی خوێندووە ساڵانی پێشوو
ئەمساڵ ئیجباریە ئەم نوێ یە بۆ هەمووان

30/11/2025

بۆ لە نزیکەوە ئاگاداربوون لە ئاسایبوونەوەی دۆخی کارەبا و بەڕێوەچوونی کارەکانی، کەمال محمد ساڵح وەزیری کارەبا سەردانی کۆنترۆڵی کارەبای هەرێمی کرد و دەستخۆشی لە تیمەکانی کارەبا کرد کە نەیانهێشت لە سێ ڕۆژی ڕابردوودا، کوژانەوەی گشتی لە سیستەمی کارەبا ڕووبدات. داواشی لێکردن گەڕانەوەی کارەبا بۆ هاوڵاتیان لە ڕیزبەندیی پێشەوەی کارەکانیان بێت و بەزووترین کات هەماهەنگی لەگەڵ تیمەکانی هەردوو وەزارەتی سامانە سروشتییەکان و کارەبا و داناگاز و سەرجەم وێستگەکانی بەرهەمهێنان و گواستنەوە و دابەشکردن بکرێت.
هاوکات سوپاسی هاوڵاتیانی کوردستانی کرد بۆ خۆڕاگرییان لە دژی هێرشی تیرۆریستان و سوپاسی جەنابی سەرۆکی حکومەتی هەرێمی کوردستان و حکومەتی فیدراڵی و وەزارەتی نەوتی فیدراڵی کرد.
لە وەڵامی ڕۆژنامەنووسانیشدا، سەبارەت پێدانی گرەنتی بە کۆمپانیای داناگاز، بە داواکارییەکی ڕەوای زانی و دابینکردنی سیستەمی بەرگری ئاسمانی بە پێویست زانی.
وەزیری کارەبا لە وەڵامی پرسیاری کەناڵەکانی ڕاگەیاندن وتی: ئەمڕۆ دۆخەکە ئاسایی دەبێتەوە و لە ئێستادا یەکەکانی وێستگەی کارەبا بەگەڕ دەخرێنەوە و کارەبای پڕۆژەی 24 کاتژمێری دەگەڕێتەوە دۆخی ئاسایی خۆی. گەڕانەوەی 4200 مێگاوات کارەبا بۆ ناو تۆڕی کارەبا کارێکی گەورەیە. پرۆژەی ڕووناکی بە یەکێک لە گرنگترین پرۆژەکانی کابینەی نۆیەمی حکوومەتی هەرێمی کوردستان دادەنرێت، کە لە ڕێگەیەوە توانراوە کارەبای 24 کاتژمێری بۆ بەشێکی زۆر لە ناوچەکانی هەرێمی کوردستان دابین بکرێت.
جگە لە کارەبا، لە ڕووی ژینگەییەوە بە کەمکردنەوەی بەکارهێنانی مۆلیدە ئەهلییەکان کاریگەریی گەورەی هەبووە لەسەر پاکبوونەوەی کەش و هەوای شار و شارۆچکەکان. هەروەها، خەمی نەبوون و پچڕانی کارەبای لە دڵی هاووڵاتییان و کاسبکاراندا ڕەواندووەتەوە و شتێکیان بە ناوی "بڕانی کارەبا" لە خەیاڵدا نەماوە؛ بەڵام بەهۆی هێرشەکەی چەند ڕۆژی ڕابردووی سەر کێڵگەی گازی کۆرمۆر، کە بووە هۆکاری کەمبوونەوەی کارەبا، بەشێک لە هاووڵاتییان و کاسبکاران بە ناچاری پەنایان بۆ هەڵکردنی مۆلیدەکانیان بردووە، وەک پاڵپشتییەک بۆ دابینکردنی کارەبا.
کەمبوونەوەی کارەبا، جموجۆڵی بازاڕی سست و لاواز کردووە. دوکاندار و هاووڵاتییان چاوەڕێی ئەوەن کاتژمێرەکانی پێدانی کارەبا زیاد ببێتەوە. بۆیە بە نیگەرانی و تووڕەییەوە بەرامبەر ئەو هێرشە مووشەکییەی کرایە سەر کێڵگەی گازی کۆرمۆر، بۆ کوردستان24 لێدوانیان داوە. کاسبکارێک دەڵێت: "کارەبا بڕبڕەی پشتی بازاڕە، چونکە بەشێکی زۆری کارەکانمان پەیوەستە بە کارەباوە، ئەمە جگە لە دابینکردنی ڕووناکی بۆ دوکان و فرۆشگاکان."
دوکاندارێکی دیکە دەڵێت: "ماوەی ئەو چەند ڕۆژەی کارەبا کەمبووەتەوە بازاڕمان لاواز بووە، بۆیە هیوادارین حکوومەتی هەرێمی کوردستان بەزووترین کات کێشەی کارەبامان بۆ چارەسەر بکات و بیکاتەوە بە 24 کاتژمێری."
لە پڕۆژەی ڕووناکیدا هاووڵاتییان ڕاهاتبوون لەسەر کارەبایەک کە پچڕانی تێدا نەبووە، ئێستا کە کارەبا کەم بووەتەوە دڵتەنگ و تووڕەن. بۆیە دەڵێن: "کارەبای 24 کاتژمێری بەرهەمێکی زۆر باشی کابینەی نۆیەم بوو، جێگەی دڵخۆشی و ئاسوودەییمان بوو، بەڵام دوژمنانی هەرێمی کوردستان چاویان بە سەرکەوتن و پێشکەوتنی کورد و کوردستان هەڵنایەت و دەیانەوێت ئەو خۆشگوزەرانییەمان لێ تێکبدەن."
بەهۆی هێرشەکەی سەر کێڵگەی گازی کۆرمۆر، بڕی بەرهەمهێنانی کارەبا لە 4500 مێگاوات کەم بووەوە بۆ 1500 مێگاوات، ئەمەش ڕاستەوخۆ کاریگەریی هەیە لەسەر پێدانی کاتژمێرەکانی کارەبای نیشتمانی و هاووڵاتییانیش چاوەڕوانی باشتر بوونەوەی بارودۆخەکەن.
نزیکەی کاتژمێر 11:30 خولەکی شەوی چوارشەممە، 26ـی تشرینی دووەم، هێرش کرایە سەر كێڵگەی گازی کۆرمۆر لە سنووری قەزای چەمچەماڵ لە پارێزگای سلێمانی.
بە گوێرەی ڕاگەیەنراوێکی هاوبەشی هەردوو وەزارەتی سامانە سروشتییەكان و کارەبا، هێرشەکە بە "درۆن" بووە. هێرشەکە هیچ زیانێکی گیانیی لێ نەکەوتووەتەوە، بەڵام بووەتە هۆی کەمبوونەوەی 80%ـی بەرهەمهێنانی کارەبای گشتیی کوردستان.
ئەمڕۆ یەکشەممە، 30ـی تشرینی دووەمی 2025، کەمال محەممەد ساڵح، وەزیری کارەبا و وەزیری سامانە سروشتییەکان (بە وەکالەت) لە لێدوانێکی ڕۆژنامەوانیدا ڕایگەیاند، ئاستی بەرهەمهێنانی ئێستای کارەبا لە هەرێمی کوردستان گەیشتووەتە نزیکەی 2000 مێگاوات و پێشبینی دەکەن، تا کاتژمێر 04:00 بۆ 05:00ـی ئێوارە، ئاستەکە بۆ نزیکەی 4000-4500 مێگاوات بەرزببێتەوە و کارەبا بگەڕێتەوە بۆ دۆخی پێش هێرشەکەی سەر کێڵگەی گازی کۆرمۆر.
کەمال محەممەد ساڵح گوتی: "پێش هێرشەکە، ئاستی بەرهەمهێنانی گاز لە كێڵگەی کۆرمۆر، 530 ملیۆن مەتر سێجا بوو، تا ئێستا گەیشتووەتە 404 ملیۆن پێ سێجا، واتە 76%، چاوەڕێ دەکەین تا چەند کاتژمێرێکی دیکە دۆخەکە ئاسایی ببێتەوە."

28/11/2025