08/08/2025
मौजे समशेरपूर येथे राष्ट्रीय नैसर्गिक शेती मिशन अंतर्गत शेतकरी प्रशिक्षण कार्यशाळा
मौजे समशेरपूर येथे कृषि विभाग व कृषि विज्ञान केंद्र, कोळदा यांच्या संयुक्त विद्यमाने राष्ट्रीय नैसर्गिक शेती मिशन अंतर्गत शेतकरी प्रशिक्षण कार्यशाळा उत्साहात पार पडली.
कार्यक्रमात प्रमुख मार्गदर्शक म्हणून श्री. उमेश पाटील, शास्त्रज्ञ, कृषि विज्ञान केंद्र, कोळदा उपस्थित होते. त्यांनी गटातील शेतकऱ्यांना नैसर्गिक शेती पद्धतींचे सखोल मार्गदर्शन केले. जीवामृत, बिजामृत, दशपर्णी अर्क व निळोबी अर्क तयार करण्याच्या पद्धतींबद्दल सविस्तर माहिती दिली तसेच जीवामृत तयार करण्याचे प्रात्यक्षिक करून दाखविले.
उप कृषि अधिकारी श्री. गोपाळ वळवी यांनी कृषि विभागाच्या विविध शासकीय योजनांची माहिती दिली. कार्यक्रमाचे सूत्रसंचालन सहाय्यक कृषि अधिकारी श्री. अविनाश सावंत यांनी केले.
कार्यक्रमाच्या यशस्वी आयोजनासाठी प्रगतशील शेतकरी श्री. नरोत्तम गोविंद पटेल यांनी आभार मानले. तसेच श्री. सोमेश्वर चौधरी, जयेश पटेल, कृषि सखी मयुरी चौधरी यांनी परिश्रम घेतले.
या कार्यशाळेमुळे शेतकऱ्यांना शाश्वत शेती तंत्रज्ञानाचा प्रत्यक्ष अनुभव मिळाला असून नैसर्गिक शेतीकडे वळण्यासाठी प्रेरणा मिळाली.
#राष्ट्रीयनैसर्गिकशेतीमिशन #जीवामृत #बिजामृत #कृषिविज्ञानकेंद्र
