23/05/2025
♦==MARAATUMMAA_ADUU_GADII==♦
==========================
• Milkaa'uuf dhamaatii guddaa yoo sigaafateyyuu dhamaatiikee balleessuuf yeroo muraasa qofa sitti fudhata.
• Amalli gadheen yeroo nama jalqabu akka qoosaati. Keessaa ba'uun garuu gatii nama baasisa!
• Hojiin dogoggaraakee har'aa sirrii fakkaatee yoo sitti mul'ate, bor garuu dogoggora ta'uunsaa siif gala.
• Sanyii gaariitu deebi'ee sanyii ta'uuf keessaa fo'ama. Midhaan hundumtuu midhaan ta'eef sanyii ta'ee deebi'ee hinfaca'u. Faca'us hinmargu.
• Yeroo ati qalbii dhabdu hiriyaa itti caalchisee qalbii sidhabsiisu osoo hintaanee, hiriyaa qalbii sitti deebisu michoonfadhu!
• Jireenya keessaa jireenyi maraanmartoo jira. Maraanmartoon jireenyaa lafaan martoo ta'ee bakka jalqabaatti nama deebisa.
• Namni hojii ati hojjettu hundumaatti harka walitti siif rukutu sikuffisuuf jiraa beeki, sababnisaa hanqinakee sidhookseera waan ta'eef.
• Namni si'awwaale isa eergati lubbuun dabartee reeffa keetti biyyee deebise hinse'iin, inni sikafane malee si'awwaale miti. Namni si'awwaale garuu nama hanqinakeefi dogoggorakee sitti himuu dhiisetu jiraatti utuu ati lubbuun jirtuu si'awwaale!
• Addunyaa haaraan atirratti waan haaraa hojjettu hinjiru. Wanti haaraan ati addunyaarratti hojjettu garuu sammuukee keessa jira.
• Utuu lubbuun qabeenyaan nibitama ta'ee duuti kan hiyyeessaa qofa ture.
• Biyyoo namni barbaadu kamuu bifa salphaan argata. Warqee argachuun garuu dhamaatii guddaa nama gaafata.
• Ofiikee ofiikeen yoo sakattaate dogoggora baay'ee argatta. Ofiikee namaan yoo sakattaasiste dogoggorrikee hedduun similiqa.
• Maraatuu fayyaa fakkaatuufi fayyaa maraatuu fakkaatuuf hin'oo'ani.
• Namni hundumtuu fayyaa akka jiraatuuf dhalata, maraatummaa keessa garuu ofii isaa of-galcha.
• Gatiikee sumatu qaalomsata malee namni siif qaalomsuu hindanda'u. Kan ati gatiikee gadi of-jalaa buuste eenyuyyuu qaalii siif hintaasisu
=========================
by wabi
