Badrii bahar

16/05/2026

16/05/2026

16/05/2026

16/05/2026

16/05/2026

15/05/2026

በክልሉ ባለፉት አምስት ዓመታት በቴክኒክና ሙያ ትምህርትና ስልጠና ዘርፍ የተከናወኑ ዘርፈ ብዙ ተግባራት ተጨባጭ ውጤት አስገኝቷል

በሐረሪ ክልል ባለፉት አምስት ዓመታት በቴክኒክና ሙያ ትምህርትና ስልጠና ዘርፍ የተከናወኑ ዘርፈ ብዙ ተግባራት ተጨባጭ ውጤት ማስገኘታቸውን የክልሉ ቴክኒክና ሙያ ትምህርትና ስልጠና ኤጀንሲ አስታወቀ።

የክልሉ ቴክኒክና ሙያ ትምህርትና ስልጠና ኤጀንሲ ኃላፊ ወ/ሮ ኢማን መሀመድ ባለፉት አምስት ዓመታት በቴክኒክና ሙያ ትምህርትና ስልጠና ዘርፍ የተመዘገቡ ዓበይት ስኬቶች በሚመለከት መግለጫ ሰጥተዋል።

በመግለጫቸውም ቴክኒክና ሙያ ኮሌጆች አምራች ኢንዱስትሪው የሚፈልገውን የሰው ሀይል እንዲያፈሩ በትኩረት ሲሰራ ቆይቷል።

የቴክኒክና ሙያ ትምህርትና ስልጠና ዘርፍን የኮሌጆችን ደረጃ ማሻሻል፣ የግብዓት አቅርቦትን ማሟላትና የመምህራን አቅም የማሳደግ ስራ ላይ ትኩረት ተሰጥቶት ስለመሰራቱ ገልጸዋል።

በክልሉ በተለይም በሀረር ፖሊ ቴክኒክ ኮሌጅ የማስፋፍያ ግንባታ እንዲሁም በኤረር ወረዳ መለስተኛ የቴክኒክና ሙያ ስልጠና ማዕከል መገንባት መቻሉን ገልጸዋል።

ከዚህ በተጨማሪ ደረጃቸውን የጠበቁ መማሪያ ክፍሎች፣ ቤተ መጽሀፍት፣ ቤተ ሙከራዎች እና የአስተዳድር ህንጻ የተሟላላቸው መደረጉን ነው የገለፁት።

የቴክኒክና ሙያ ትምህርትና ስልጠና ዘርፉ የኢንዱስትሪ ልማቱን ከመደገፍ ባሻገር ለዜጎች ኑሮ መሻሻልና ምቹ የስራ ዕድል መፍጠር መቻሉን ገልጸዋል።

የስራ ገበያውን ፍላጎትን መነሻ በማድረግ በመደበኛ መርሀ ግብር 32 ሺህ 518 ሰልጣኞችን ተቀብሎ ማሰልጠን መቻሉን አክለው ገልጸዋል።

በገበያ ተኮር አጫጭር ስልጠና ከ14 ሺህ በላይ ሰልጣኞችን ተቀብሎ ማሰልጠን መቻሉን ገልጸዋል።

የስልጠናዎቹም በዋናነት በሆቴል፣ሀገር በቀል ሙያዎች:- ባህላዊ የሰፌት ሙያ፣በኮንስትራክሽን ጂብሰም፣በፀጉር ስራ፣ በከተማ ግብርና ፣ በማኑፋክቸሪንግ እና በቧንቧ ዘርፎች መሆናቸውን ጠቁመዋል።

በቀጣይም በቴክኒክና ሙያ ትምህርትና ስልጠና ዘርፍ የተመዘገቡ ዉጤቶችን ተጠናክረው ይቀጥላል ብለዋል።