Bake off

Bake off Contact information, map and directions, contact form, opening hours, services, ratings, photos, videos and announcements from Bake off, Health Food Shop, Tarh El Bahr, Grand Hotel Mall, Port Said.
(3)

حلويات وسناكس صحية خالية من جلوتين القمح والشعير، والسكر، الدهون المهدرجة، لأسلوب حياة صحي تناسب نظامك و لأصحاب بعض الحساسيات
* بارتيشن جراند أوتيل مغلق لارتباطنا بسفر و بنكون متاحين أون لاين أثناء تواجدنا في بورسعيد

01017962597

المسابقات كلّها تنافس… بس التنافس الحقيقي مش إنك تغلب اللي حواليك،التنافس الحقيقي إنّك تكون أحسن من نفسك في كل مرّة وتطل...
05/06/2026

المسابقات كلّها تنافس… بس التنافس الحقيقي مش إنك تغلب اللي حواليك،
التنافس الحقيقي إنّك تكون أحسن من نفسك في كل مرّة وتطلّع نسخة أحسن من شغلك، من طريقتك، ومن روحك قبل أي حاجة. 👌

وأكيد كل مرّة هـ تكتسب خبرة وهـ تتعلّم 🩷

والأجمل من ده كلّه؟
إن وسط زحمة المسابقات الفردية اللي مش معتمدة على فِرَق مجموعة،،
برغم إن كل واحد لوحده،
بيشجّع أخوه اللي جنبه،
أول ما يحسّ إن زميله ناقصه حاجة، يجري يساعده من غير ما يفكّر.

الروح اللي ماشيين بيها في Bake off من غير مصلحة 🌹

حتى وقت إعلان النتائج، كان لسّه بيظبّط شكل زميله علشان يطلع في أحسن صورة 💚

المواقف دي تقول لك مين فعلاً «نضيف»…

وده أكتر مشهد فضل ثابت في بالي من مسابقة معرض كافيكس ٢٠٢٦ اللي شاركت فيها.

~ دُمتم أصحّاء ~

ناس كتير وزملاء أفاضل، سواء أعرفهم معرفة شخصية أو لسه بتعرّف عليهم، دائماً بيسألوني نفس السؤال في كل مسابقة أو معرض:“إيه...
02/06/2026

ناس كتير وزملاء أفاضل، سواء أعرفهم معرفة شخصية أو لسه بتعرّف عليهم، دائماً بيسألوني نفس السؤال في كل مسابقة أو معرض:

“إيه العائد اللي بيرجع عليكِ من إنك تكلّفي الأصناف بالشكل ده خصوصاً إنك مدمنـة دقيق لوز وفستق😅🙈🥰؟”

والحقيقة أنا متفهّمة جداً وجهة نظرهم…
لكن أنا بشوف الموضوع من زاوية تانية تماماً.

أنا بحب أي فرصة أقدّم فيها رؤيتي وقناعتي، حتى لو مفيش مقابل مادي مباشر.

بحب أقدّم اسمي واسم البراند بالشكل اللي يعبّر فعلاً عن السنين والتعب والشغف اللي اتحطّوا فيه علشان أي حد بيدوقه بيعرف ان ده شغل Bake off و النتيجة دي ماوصلتش لها بين يوم وليلة.

وقبل كل ده…
ده نوع من التقدير للناس اللي هتقابلني وتذوق اللي بعمله.

أقول لك على حاجة؟
أنا بحب جداً الأكل النظيف اللي معمول على أصوله…
الأكل الصافي اللي انت تستطعمه وأنت بتظبّط موودك وتبقى عارف بتاكل ايه.
مش أكل تريندات ولا فرقـعة لحظية تاخد وقتها وتمشي.

بحب الحاجة اللي لها قيمة، ولها روح، ويتحسّ فيها الاهتمام من أول مكوّن لآخر تفصيلة ❤️

~ دُمتم أصحّاء ~
Bake Off

في عالم المنتجات الصحية بقى فيه مصطلحات كتير بتتكرر على العبوات…لكن مش كل مصطلح معناه نفس الشيء.❌ Guilt Free❌ Zero Guilt...
02/06/2026

في عالم المنتجات الصحية بقى فيه مصطلحات كتير بتتكرر على العبوات…
لكن مش كل مصطلح معناه نفس الشيء.

❌ Guilt Free
❌ Zero Guilt

دي مصطلحات تسويقية غالباً يقصد بيها إن المنتج أخف، أو أقل سكّر، أو مناسب لنمط #حياة #صحي بشكل عام.

لكن ده لا يعني تلقائياً إن المنتج:
خالي من الجلوتين
أو مناسب لمرضى الـ #سيلياك و #حساسية الجلوتين.

أما ✔️ Gluten Free
فهو توصيف غذائي محدد، مرتبط بالمكونات وطريقة التصنيع ومنع التلوث المتبادل.
وممكن يحتوي على سكّر ما لم يصرّح بأنه لا يحتوي عليه.

وده فرق مهم جداً…
لأن بالنسبة لبعض الأشخاص، الـ #جلوتين مش مجرد “ #دايت” بل موضوع صحي أساسي.

علشان كده قبل شراء أي منتج: اقرأ المكونات جيداً، واسأل دائماً عن معنى المصطلحات المكتوبة على العبوة و خد بالك كويس من المعلومات الغذائية اللي بتكون مكتوبة بخط صغير❤️

الوعي الغذائي الحقيقي يبدأ من فهمك للفرق.

~ دُمتم أصحّاء ~

من شغلنا الأخير ❤️🌿 #طبيعي #هيلثي ~ دُمتم أصحّاء ~ Bake off
31/05/2026

من شغلنا الأخير ❤️🌿

#طبيعي #هيلثي

~ دُمتم أصحّاء ~ Bake off

الحمد لله - حصدنا Bake off المركز الأول والميدالية الذهبية فيEgypt Culinary Competition – Cafex Egypt 🥇🏆🎖️"مستحيل ده ي...
12/05/2026

الحمد لله - حصدنا Bake off المركز الأول والميدالية الذهبية في
Egypt Culinary Competition – Cafex Egypt 🥇🏆🎖️

"مستحيل ده يكون بدون سكّر أو دقيق…”! 👀

كانت دي أول جملة سمعناها من لجنة التحكيم بعد التذوق 🤍

مناقشة لجنة التحكيم عن أدق التفاصيل أبهرهم اهتمامنا بها في شغلنا… من الطعم والقوام، وحتى جودة كل خامة مستخدمة فعلاً، خصوصاً إنهم أكتر ناس يدركوا مدى صعوبة تنفيذ الفكرة بالجودة والمذاق ده بدون سكر أو دقيق نهائي.

ومن البداية، كان هدفنا دائماً إننا نكون حقيقيين… بدون مجاملات أو تزييف.

والأجمل؟
إن كل الأصناف اللي شاركنا بيها كانت معمولة بالكامل من الـ A - Z بدون خلطات جاهزة أو بدائل سهلة.

تورت، كوكيز، وغربي… كل قطعة كانت رسالة إن الأكل الصحي يقدر يكون فاخر، غني، ومبهر فعلاً ✨

شكراً لكل شف كان غائب حاضر كان على تواصل مستمر ومتابعة لحظة بلحظة المسابقة.

كل الشكر والتقدير للجنة التنظيم والتحكيم من شيفاتنا الأفاضل 🤍
وكل الاحترام للشيفات المشاركين على المستوى الراقي والمشرّف بتمنى لهم التوفيق النهاردة وبكرة - بإذن الله.

الرحلة لسّه مستمرة… والأجمل لسّه جاي ✨

~ دُمتم أصحّاء ~



لأول مرة، Bake off نشارك فيWorld Arab Chef Competition داخل Cafex Egypt غداً - بإذن الله - ١١ مايو ٢٠٢٦ ✨بأصنافنا اله...
10/05/2026

لأول مرة، Bake off نشارك في
World Arab Chef Competition
داخل Cafex Egypt غداً - بإذن الله - ١١ مايو ٢٠٢٦ ✨

بأصنافنا الهيلثي الخالية تماماً من الجلوتين والسكّر… أصناف أخدت منّا سنين من التعلُّم والتجارب والشغف، علشان تثبت إن الأكل الصحّي يقدر يكون فاخر، غني، مليان روح فعلاً… وكمان يقدر ينافس 🤍

السنة اللي فاتت دخلنا Cafex كزوّار… السنة دي؟ واقفين بينهم لأول مرة باسم Bake off ❤️

مركز مصر للمعارض الدولية - صالة ١ & ٢

ادعوا لنا 🤲✨

~ دُمتم أصحّاء ~



#كافيكس

الفستق الحلبي الحقيقي له هيبة من أول نظرة 💚أوّل ما عينك تيجي عليه بتعرف أنه من Bake off 🥰~ دُمتم أصحّاء ~ #تورتة #هيلث...
09/05/2026

الفستق الحلبي الحقيقي له هيبة من أول نظرة 💚
أوّل ما عينك تيجي عليه بتعرف أنه من Bake off 🥰

~ دُمتم أصحّاء ~

#تورتة #هيلثي
#دايت #صحي #كيتو

#جديد.. لا مش اللي بالك فيه! 😉🫠😚خمّن! 🥳~ دُمتم أصحّاء ~ Bake off
08/05/2026

#جديد.. لا مش اللي بالك فيه! 😉🫠😚

خمّن! 🥳

~ دُمتم أصحّاء ~ Bake off

فيه فرق بين تورتة بنكهة وطعم الشوكولاتة…وبين طعم الدارك شوكلت الحقيقي 🤎علشان كده التورتة دي عملناها مخصوص لطفل سكّري - ش...
07/05/2026

فيه فرق بين تورتة بنكهة وطعم الشوكولاتة…
وبين طعم الدارك شوكلت الحقيقي 🤎

علشان كده التورتة دي عملناها مخصوص لطفل سكّري - شفاه الله وعافاه 🌿
مامته قالت لنا إنه بيعشق أي حاجة فيها شوكلت 🍫

فحبّينا نكون جزء من فرحته في مناسبة مميّزة له… 🎊

نفّذناها بدقيق لوز صافي، وطبقات ريتش من الدارك شوكلت الخام،
أما الكريمة؟ فهي حكاية تانية خالص وتحدّي لوحدها 😉✨

وكل ده…
من غير أي سكّر مضاف 🤍

أما الطعم؟
فاسألوا اللي جرّبوا Bake off يحكوا لكم الحكاية بنفسهم 🥰

مش قلنا لكم قبل كده؟
الطبيعي تمَنه فيه 😌

~ دُمتم أصحّاء ~ 🌿

#كيتو #دايت #صحي #حساسية

07/05/2026

فاكر لما كنّا بنقول مفيش دكتور فاهم يوزّع ورقة #دايت موحّدة،
ولا كوتش يمرّن الناس كلها بنفس التمرينة؟!

نفس الفكرة تنطبق على الأكل…
مفيش نظام غذائي واحد يناسب الجميع.

لأن كل جسم له احتياجاته، تاريخه الصحي، نشاطه، هرموناته، وحتى طريقته في الاستجابة للأكل 🧠🥗

اللي يناسب شخص ويخلّيه في أفضل حالاته…
ممكن يسبّب لشخص تاني إرهاق، جوع مستمر، لخبطـة هرمونـات، حساسية، أو حتى مشاكل صحية.

علشان كده الوعي الحقيقي مش في تقليد أي #ترند …
لكن في فهم جسمك، واختيار أكل يدّي لك طاقة، شبع، وصحة على المدى الطويل ✨

أزمات كتير بدأت فقط لأن الناس صدّقت إن “حل واحد” ينفع الجميع.

الصحة مش بيزنس،

ولا خوف بيتباع،

ولا تريند موسمي.

الصحة #وعي… توازن… وفهم حقيقي لاحتياجات كل جسم حسب ظروفه🤍

~ دُمتم أصحّاء ~ Bake off

Address

Tarh El Bahr, Grand Hotel Mall
Port Said
42515

Opening Hours

Monday 11am - 9pm
Tuesday 11am - 9pm
Wednesday 11am - 9pm
Thursday 11am - 9pm
Friday 1pm - 9pm
Saturday 11am - 9pm
Sunday 11am - 9pm

Telephone

01017962597

Website

Alerts

Be the first to know and let us send you an email when Bake off posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bake off:

Shortcuts

Share

Category