أنا دكتورة لحمة

07/11/2025

#الدور ماشى اليومين دول والحيوانات عيانة.. نطمن ولا نقلق؟

ناس كتير بتسأل اليومين دول "يعني منكلش لحمة؟" .. "طيب اللحمة اللي في السوق دي أمان؟".

🟢 الخلاصة من الآخر:
أيوه، اللحمة آمنة ولكن .. !!
بشرط واحد صغيّر .. لكنه مهم: تكون اللحمة #مختومة بختم المجزر الرسمي.

🔬 ليه بنقولك اللحمة أمان؟

مبدئيا المرض ده مش بتاع بني آدمين: الحمى القلاعية، بكل عتراتها، دي خناقة بين الفيروس والحيوانات (كان الله فى عون الفلاحين)، بيقلل اللبن ويخسس الحيوان. لكن الحمد لله، هو مش من الأمراض الخطيرة اللي بتتنقل للإنسان عن طريق اللحمه المستوية أو اللبن المتبستر.
والمرض ده حاجة تانية خاااالص غير مرض اسمه "مرض اليد والقدم والفم" (HFMD - Hand, Foot, and Mouth Disease) اللي بيصيب الأطفال .
الاتنين مالهمش أي علاقة ببعض. ده فيروس وده فيروس تاني خالص. كل الحكاية "تشابه أسماء" مش أكتر.

يجى هنا دور "دكتور" المجزر (الفحص البيطري): وده بقى مربط الفرس.

١. قبل الدبح: الحيوان اللي باين عليه عيا (سخونية، قُرح في بوقه.. إلخ) مش بيدخل الدبح أصلاً، وبيتم إعدامه.

٢. بعد الدبح: دي أهم نقطة. الحيوان اللي كان "محموم" (Fevered) بيبان على لحمته على طول (لونها بيتغير، بتبقى محتقنة، الغدد اللمفاوية شكلها بيتغير).

الدكتور البيطري الشاطر بيعرف "الدبيحة المحمومة" دي، وبتتعدم كلها فوراً. مفيهاش تهريج.

٣. كيميا اللحمة نفسها: الحمد الله، حتى لو الفيروس عدى، اللحمة بعد الدبح بـ "تشد" (التيبس الرمي). الشدة دي بتخلي وسط اللحمة "حمضي" (الـpH بيقل)، والحموضة دي بتموت فيروس الحمى القلاعية.

🚫 أمال الخطر فين؟

الخطر مش في المرض، الخطر كله في "الذبح تحت بير السلم".

لما بتشتري لحمة من "جزار الشارع" اللي دابح بره المجزر، محدش كشف على الحيوان لا قبل الدبح ولا بعده. هنا انت ممكن تشتري "دبيحة محمومة" فاسدة، مليانة بكتيريا وسموم، وضررها أكبر بكتير من مجرد فيروس.

💡 يعني "من الآخر" :
دورك كمواطن بسيط بس مهم جداً:

١. عينك على الختم: رايح تشتري لحمة بلدي؟ اسأل على الختم (المربع للكبير أو المدور للصغير). ده "شهادة الضمان" بتاعتك إن اللحمة دي سليمة واتكشف عليها.

٢. ابعد عن "المجهول": بلاش المفروم الجاهز، أو الكفتة اللي مش عارف مصدرها. خلي الجزار يفرملك حتة لحمة مختومة قدام عينك.

٣. "اديها غلوة" (الطهي الجيد): النار مبتعرفش فيروسات. سوي أكلك كويس، واغلي اللبن (لو جايبه سايب)، الحرارة بتموت أي حاجة.

مديريات الطب البيطري بتحصن مع زيادة الرقابة في المجازر. وانت عليك تشتري "المختوم" و"المضمون".
كلوا لحمة وانتوا متطمنين بالصحة والهنا يارب ❤️

01/06/2025

🍖🥩🍗🔪🍴طبعا عيد اللحمة
وكل سنة وانتم طيبين🍖🥩🍗🔪

🐂🐪🐑🐏🐐خطوات مهمة هتساعدنا جدا نحافظ على القيمة الغذائية و جودة لحوم الأضحية:_

🟧بعد عملية الدبح مباشرة بتكون درجة حرارة اللحمة بنفس درجة حرارة جسم حيوان الأضحية, عشان كدا لازم الأول باننا نحطها على صواني كبيرة في مكان نظيف و جيد التهوية و أفردها بشكل كويس.
👈 الخطوة دي إسمها #التشميع و هي خطوة مهمة جدا لأن من خلالها بتحصل عملية و هي ببساطة عبارة عن زيادة الوسط الحامضي للحوم بحيث يشتغل كمادة حافظة لمنع التكاثر البكتيري بالإضافة إنه بيخلى أنسجة اللحوم تكون جوسى و بيديها الطعم الطيب و المميز اللى احنا عاوزينه، و الفترة دي بتاخد من 3 – 5 ساعات.

🟧 بعد كدا بنحفظ اللحوم على أرفف الثلاجة عشان نكمل عملية التشميع لمدة 2 - 3 ساعات .

🟧 هنقطع اللحوم الحجم و نحفظها داخل أكياس شفافة المخصصة للحفظ بالفريزر.

🟧 ياريت كمية اللحمة داخل الكيس متزيدش عن الكيلو جرام للكيس الواحد.

🟧 لازم نفرغ الكيس من الهواء لتجنب .

🟧 نسيب #فواصل و لو صغيرة بين أكياس اللحوم في الفريزر, و نتجنب تماما تكديس الأكياس بكميات كبيرة فوق بعضها البعض عشان يكون في فرصة لوصول التبريد بشكل كويس لكل الأكياس.

🟧 نخلي اللحوم اللي على السطح عشان يوصلها الهواء البارد بشكل أفضل و بالتالي يتم تجميدها أسرع , لأن الدهون بشكل عام سريعة الفساد و التلف عن اللحوم.

🟧 أوعي قبل حفظها سواء بالتبريد او التجميد .

🟧 لازم نتأكد كويس من ❄️ الثلاجة و الفريزر.

🟧 و أخيرا يفضل عدم تخزين اللحوم داخل الفريزر على أن يكون بحد أقصى ٦ شهور و التسريع في إستهلاكها تجنبا لفقد قيمتها الغذائية.
،،،،وكل عام وحضراتكم بخير،،،،،

01/06/2025

العيد قرب وكل سنة وانتم طيبين🥰
نقط مهمة اوي لو هنضحى هتفرق معانا كتير فى جودة لحمتنا👌
واحد👈 هنصوم الحيوان 12 ساعة قبل الدبح تماماً😮‍💨
اتنين👈 هنشرب الحيوان ماء كتير جدا🫗
تلاتة👈 لازم تكون أداة الدبح حادة جدا. 👈🏻 إذا ذبحتم فأحسنوا الذبحة👌
أربعة👈 وقت الدبح بنقطع الشرايين والأوردة والقصبة الهوائية والمرئ مع عدم فصل الرأس بشكل نهائي
يعني اسيب الحبل الشوكي متصل طبعاً شرحنا وقلنا قبل كدة ليه🤗
كل ده بيؤدي إلى إتمام عملية النزف بشكل كامل ..
ونفس الوقت يكون الدبح رحيم للحيوان دون أي الم❤️
وكل سنة وانتم طيبين❤️

15/05/2025

11/05/2025

Celebrating my 1st year on Facebook. Thank you for your continuing support. I could never have made it without you. 🙏🤗🎉

11/05/2025

دى صورة حد باعتهالى يسألنى اللحمة كدة حلوة ولا لأ فقلت أنزلها والكل يستفيد🥰
ده احتقان دموى بيتنضف واللحمة سليمة إن شاء الله👌 غالباً بتكون موجودة فى الفخدة فمنقلقش منها خالص🤗
بس لو اللحمة كلها كدة فكدة غير صالحة للاستهلاك الآدمى أو بلغة تانية وقيع😯
ودمتم بخير❤️

08/05/2025

حاجات ناخد بالنا منها واحنا بنضحى👇👇👇

08/05/2025

العيد قرب☺️
كل سنة وانتم طيبين🥰
شروط الأضحية 👌

01/05/2025

طيب لو عاوزين نبنى عضلات عشان إحنا لاعيبة كورة جامدين أو سباحين ومفيش مننا مثيل أو بنروح الجيم وعاوزين نبقى رياضيين🤗
تبقو محتاجين بروتين يومياً يا حلوين🫣
الجسم محتاج حوالى 1.5جم بروتين لكل كيلو جرام من وزنه
ولو هناخدهم من اللحوم كل 100 جم لحمة فيهم 26 جم بروتين👌

30/04/2025

(كيفية اختيار عجول اللحم الجيدة)🐄🐏👇👇

أولا :المنظر العام للحيوان:

1- الحيوان ضخم الجثة يمثل جسم متوازي المستطيلات.
2- الجسم عميق وعريض.
3- خط الظهر وخط البطن متوازيان.
4- الجسم مندمج وملآن باللحم وواسع وعميق فى الأرباع الخلفية.
5- الجلد أملس غير سميك والأرجل قصيرة ذات عظم سميك.

ثانيا-المنظر الأمامي :👇

1- الرأس مربعة ومتزنة الوضع على الجسم والجبهة عريضة والمسافة بين العينين واسعة.
2- الصدر واسع.
3- المسافة بين الأرجل الأمامية واسعة ووضع هذه الأرجل متزنا.

ثالثا-المنظر الجانبى :👇

1- الفك يجب أن يكون قويا.
2- الرقبة قصيرة وغليظة متزنة الاتصال بالجسم.
3- قمة الكتف أمام اللوح(السن)عالية مستديرة وملآنة باللحم.
4- عظام المؤخرة غارقة فى اللحم وحسنة الوضع بالنسبة للأرجل الخلفية.
5- الظهر مستقيم وموازى لخط البطن الذى يجب أن يكون مستقيما بدوره والمسافة بين الخطين عميقة.

رابعا- المنظر الخلفي :👇

1- المسافة بين الأرجل الخلفية واسعة.
2- عضلة الفخذ والإلية تكون ملآنة ومستديرة واللحم يملأها إلى ما يقرب من العرقوب، وهو ما يعبر عنه بالتفاف الفخذ.
3- المؤخرة عريضة والعظام مدفونة فى اللحم وغير ظاهر.